Выбрать язык
Выбрать рассказ Ветхого Завета
Выбрать рассказ Нового Завета
Но̄х-ялтум Ӣсус налыман (40) хо̄тал сыс ханисьтахтынхуманэ э̄лы-паланылт нэглаглас ос То̄рум олнэ хо̄н-ма̄урыл тананылн потыртас. Тувыл ханисьтахтын хуманэ акван атсанэ ос тананылн ла̄выс: "То̄румт ос ма̄ янытыл Амкусяйїг о̄легум. Таимагыс минэн ос пуссын ма̄хум Ам ханисьтахтын ня̄врамы̄г ва̄рен. Ос Иерусалим Ґс ул хультуптэлы̄н, урхатэ̄н, хунь То̄рмыл ос Анумтыл ла̄вим Ялпыӈ Лылы ёхты. Иоан нанан *aвитил пе̄рнал пинсанэ, ос матахкемхо̄тал юн-палт нан Ялпыӈ Лылыл пе̄рнал пинаве̄н. Хунь нантармыл Ялпыӈ Лылы ёхты, нан палтын ёр ёхты. Тувыл нанАм о̄вылтытум Иерусалим Ґст, Юдея ма̄ янытыл, Самарияма̄ ос пуссын ма̄ янытыл потыртаӈкве патэгын".
Ты ла̄тӈыт юи-палт Ӣсус ханисьтахтын хуманэ э̄лы-паланылт но̄х-минас ос тул халт хот та соймыс. Тох но̄х, то̄румнупыл сунсыманыл кит э̄лмхо̄лас яӈк маснутыл касаласаныл. Тэн ла̄всыг: "Манрыг нан но̄х, то̄рум нупыл сунсэгын?То̄рмыл вуим Ӣсус ювле аквтысир тах та ёхты, хумус Тавминас".
Ханисьтахтын хумыт сягтым ювле, Иерусалим Ґсн, минасыт ос та хо̄талныл аквписыг ялпыӈ колт о̄лсыт. Хумус Ӣсус тананылн ла̄тыӈ мис, мосертын Ялпыӈ Лылы тан сыманылн сялтыс. Ты ва̄рмаль юи-палт тан минасыт ос ма̄янытыл Ӣсус урыл Ёмас Ля̄ххал потыртаӈкве патсыт. То̄рум Ёмас Ля̄ххал ка̄сыӈ хотпан о̄лы: хотъют То̄рум Пыгн, Ӣсусн, агты — Торум таве̄н кареканыл хот- ёрувлыянэ ос сорумь патнэныл юн-палт Тав таве̄н хоса, сорумтал олупсамыг.
Марк 16:15-20; Деяния Апостолов 1:3-11; Иоанн 3:16
*a Витыл пе̄рнал пинуӈкве — ты русь ла̄тӈыл крестить.
94 