Выбрать язык
Выбрать рассказ Ветхого Завета
Выбрать рассказ Нового Завета
Та э̄т сыс Ӣсус аквхуйплов ханисьтахтын хуманэ ёт э̄типала тэпъялап юи-палт Иерусалим ӯсныл минас ос Гефсимания ма̄н ёхтыс. Ӣсус Такви ханисьтахтын хуманэ ёт пилыӈ-йивпа кан сялтыс ос тананылн ла̄выс: "Нан тыт хультэн, Ам ос тувле минэгум, поиксегум". Тав такви ётэ Пётр,Яков ос Иоан висанэ. Ӣсус кивре такем та марсюмлавес,номтэ хот-сакыс. Тав тананылн ла̄выс: "Ам лылым сака савалы. Нан тыт, Ам ётум, о̄лэн! Ёл ул вос ояве̄н".
Ӣсус тананылныл мось э̄лнув минас, санспуӈкын унтысос поиксяӈкве о̄вылтахтас: "Асюм! Ро̄ви-ке, вос ты яныг саватпи аны Ам тарам мины! Тох вос ат паты, хумус Ам таӈхегум, вос тох паты, хумус Наӈ таӈхегын!" То̄нт Тав палтэто̄румныл ангел ёхтыс ос ёмас ла̄тыӈ ла̄выглас. Ӣсус савалым усьпылнув поиксяӈкве патыс, Тав мунюм витэ келп са̄мыт хольт ма̄ тармыл пасгыс. Хунь Тав ханисьтахтын хуманэ палт ювле ёхтыс, тан хуясыт. Ӣсус тананыл сайкатасанэос ла̄выс: "Манрыг нан хуегын? Квалэн ос поиксен!"
Ты сыс сав мир ёхтыс, тан э̄лы-паланылт акв Ӣсус ханисьтахтын хуме о̄лыс — ты Иуда. Тав Ӣсус палт ляпанувминас ос Таве анигластэ. Ӣсус китыглахтас: "Иуда, наӈаниглахтым Анум тыналылын?" Хунь ханисьтахтын хуманэ касаласаныл, маныр е̄мтыс, тан ла̄всыт: "Кусяюв, эрыӈманавн сирайит но̄х-виӈкве?" Акв ханисьтахтын хумын пӯпойка луситан хуме пале хот-яктапавес. Ӣсус такви катагетыл луситан хум пале пусмалтастэ. Тувыл Тав ёхтнэ ма̄хмытн ла̄выс: "Ам ман *aхорахси, манрыг нан сирайиӈ ос йивсупыӈ тагыл ёхтысын? Ка̄сыӈ хо̄тал Ам нан ётын ялпыӈколт о̄лсум, то̄нт нан Анум ат новыслын. Ос ань нан поран,ань турман пора".
Тан Таве пувумтасаныл ос яныг пӯп-ойка колэн тотсаныл.
Матфей 26:30-57; Лука 22:39-65
*a Хорахси — ты русь ла̄тӈыл разбойник.
84 