Выбрать язык
Выбрать рассказ Ветхого Завета
Выбрать рассказ Нового Завета
Усюп, Мария ос Мань Пыг, Ӣсус, Ирод-хо̄н сорумн патмемус Египет ма̄т о̄лсыт. Тувыл То̄рум ангел ос та Усюпулмен ёхтыс ос ла̄выс: "Ня̄врамын ос Тав сяне вуегын ос Израиль ма̄н, ювле минэн. Та хотпа, хотъют Пыг а̄луӈкве таӈхыс, атимы̄г е̄мтыс".
Усюп ангел ла̄внэ сирыл ва̄рыс, Израиль ма̄н ёхтыс. Юдеяма̄т Ирод пыге, Архелай, хо̄ны̄г о̄лыс, Усюп ты урыл хулыматэ тувле ат минас. Усюп мак нак улмаяс, таимагыс Галилея ма̄н, Назарет ӯсн минас, хот хосат Мария о̄лыс.
Усюп *aйивныл матыр-ати ва̄рнэ хумы̄г о̄лыс. Ӣсус тавеннётыс, тох тав ты ва̄рмаль ханисьтас. Ёмас Ля̄ххалт сакамосься хансым о̄лы ты пора урыл, хунь Ӣсус пы̄гпысы̄г оспыгы̄г о̄лыс. Ты урыл ла̄ви: "Ня̄врам яныгмас, ёрыӈ ос мутраӈ пыгы̄г е̄мтантас ос То̄рум ёмас номтэ Тав палтэ о̄лыс". Ӣсус Такви сянен-асен хунтлыс. Ёмас Ля̄ххалт ты урыл ловиньтэв: "...ос тэнатэн хунтлыс". То̄рум таӈхи, ня̄врамытвос сяняныл-асяныл э̄руптыяныл ос тананылн хунтлэ̄гыт.То̄рум лов са̄кконэ халт акв са̄ккон тох ла̄ви: " Ёмас олнэнма̄гыс асин ос сянин янытлэ̄лын".
Матфей 2:19-23; Лука 2:40, 51-52; Исход 20:12
*a* Йивныл матыр-ати ва̄рнэ хум — ты русь ла̄тӈыл плотник.
66 