Выбрать язык
Выбрать рассказ Ветхого Завета
Выбрать рассказ Нового Завета
Яков хурумхуйплов (13) ня̄врам оньсис: тан халныл китхуйплов (12) пыг (Рувим, Симеон, Левий, Иуда, Дан,Неффалим, Гад, Асир, Иссахар, Завулон, Осип ос сяр маньпыге Вениамин) ос акв Дина нампа а̄ги оньси. Пыганэ халтОсипе хотмус-таи са̄внувег э̄руптастэ, Осип самн патнэ поратэт Яков матумы̄г о̄лыс, эрыӈ таима̄гыс таве тох э̄руптытэ.
Хунь Осипн сатхуйплов (17) тал товлыс, Яков таве̄н хорамыӈ маснут муйлуптас. Каӈканэ торгамтасаныл, а̄сянылты пыге савнув э̄руптытэ, таимагыс апсияныл лавыл нэглуӈкве патсаныл.
Аквматнакт Осип улм улмаяс, ты улме урыл каӈканэнла̄выс. Тав тананылн ла̄выс: "Хунтлэн, манхурип улм ам улмаясум. Эрттам ма̄н пумкан котильт купнат ва̄рев, ам кӯпнам сохтыл люли ос нан кӯпнан ам кӯпнам мӯвлахи люльмыт ос пуӈк пинэгыт".
Каӈканэ таве̄н ла̄всыт: "Наӈ ман ма̄н хоны̄г о̄луӈкве таӈхегын?" Ос тан усьпылнув Осип лавыл нэглуӈкве патсаныл.
Осип ос мо̄т улм улмаяс, ты урыл ос каӈканэн ла̄выс:"Ам улмаясум, эрттам хо̄тал, э̄тпос ос аквхуйплов (11) совам нуплум пуӈк пинэгыт".
Ты улме урыл асен ос ла̄выс. Асен лявыльттавес: "Ты манырман улм? Соль ман ме̄н сянин ёт ос каӈканын ёт наӈ палтын пуӈканув ма̄ мус хутувъяӈкве ёхтэв?"
Каӈканэ тав нуплэ кантыӈыт о̄лсыт, ос асе ты потыр номыстэ.
Бытие 37:1-11
22 