Выбрать язык
Книги Ветхого Завета
Книги Нового Завета
без русского текстаJOANNAN NÄGUDEZ | ОТКРОВЕНИЕ ИОАННА |
Глава 13 | Глава 13 |
| 1Minä seižutimoi meren letkele i nägištin, kut merespäi libui živat. Sil oli kümne sarved i seičeme päd, i kaikuččes sarves oli koron, a kaikuččes päs oli kirjutadud lajindnimi. | 1И стал я на песке морском, и увидел выходящего из моря зверя с семью головами и десятью рогами: на рогах его было десять диадим, а на головах его имена богохульные. |
| 2Živat, kudamban minä nägištin, oli leopardan pojav, no sen käbäläd oliba kuti kondjal, a sen kärz oli kuti levan kärz. Lendaimado andoi sille ičeze vägen, ičeze valdištmen da suren valdan. | 2Зверь, которого я видел, был подобен барсу; ноги у него--как у медведя, а пасть у него--как пасть у льва; и дал ему дракон силу свою и престол свой и великую власть. |
| 3Minä nägištin, miše üks' živatan päišpäi kuti oli sanu surmaližen iškendan, no iškendan jäl'g oli tervehtunu.Mirun rahvaz čududelihe živataha da läksi sen jäl'ghe. | 3И видел я, что одна из голов его как бы смертельно была ранена, но эта смертельная рана исцелела. И дивилась вся земля, следя за зверем, и поклонились дракону, который дал власть зверю, |
| 4Kaik kumarzihe lendaimadole, kudamb oli andnu živatale mugoižen valdan. Hö kumarzihe živatale-ki i saneliba: — Ken om živatan vuitte, ken voiži torata senke? | 4и поклонились зверю, говоря: кто подобен зверю сему? и кто может сразиться с ним? |
| 5Živatale anttihe su, kudamb pagiži ičeze polhe suril sanoil da nagroi Jumalad, i se sai necen valdan nelläkskümneks kahteks kuks. | 5И даны были ему уста, говорящие гордо и богохульно, и дана ему власть действовать сорок два месяца. |
| 6I se avaiži ičeze sun i nagraškanzi Jumalad. Se nagroi Jumalan nimed, hänen eländsijad, kaikid, ked eläba taivhas. | 6И отверз он уста свои для хулы на Бога, чтобы хулить имя Его, и жилище Его, и живущих на небе. |
| 7Sille anttihe vald torata jumalanuskojidenke i vägestada heid. Sen valdha anttihe kaik heimod, rahvahad, keled da mad. | 7И дано было ему вести войну со святыми и победить их; и дана была ему власть над всяким коленом и народом, и языком и племенем. |
| 8Kaik man eläjad kumarzihe sille — kaik ned, kenen nimed mirun tegemižen aigaspäi ei olnugoi kirjutadud riktud Vodnhan elonkirjaha. | 8И поклонятся ему все живущие на земле, которых имена не написаны в книге жизни у Агнца, закланного от создания мира. |
| 9Kenel oma korvad, se kulgaha: | 9Кто имеет ухо, да слышит. |
| 10— Ken veb plenha, hän iče putub plenha. Ken surel veičel rikob, händast ičtaze riktas surel veičel. Jumalanuskojile vaiše pidab tirpta da uskta. | 10Кто ведет в плен, тот сам пойдет в плен; кто мечом убивает, тому самому надлежит быть убиту мечом. Здесь терпение и вера святых. |
| 11Sid' minä nägištin, kut toine živat libui maspäi. Sil oli kaks' vodnhan vuittušt sarved, no se pagiži kuti lendaimado. | 11И увидел я другого зверя, выходящего из земли; он имел два рога, подобные агнчим, и говорил как дракон. |
| 12Se radab ezmäižen živatan kaikel vägel da valdal. Se käskeb male da kaikile man eläjile kumartas ezmäižele živatale, kudamban surmaline iškendjäl'g oli tervehtunu. | 12Он действует перед ним со всею властью первого зверя и заставляет всю землю и живущих на ней поклоняться первому зверю, у которого смертельная рана исцелела; |
| 13Se toine živat tegeb vägevid tundmuztegoid i sab lämoid taivhaspäi rahvahan sil'miš. | 13и творит великие знамения, так что и огонь низводит с неба на землю перед людьми. |
| 14Se manitab man eläjid nenil tundmuztegoil, miččid sil om vald tehta ezmäižen živatan nimes. Se hus'utab man eläjid tehmaha kuvapachan ezmäižele živatale, kudambale oli tehtud surmaline iškend i kudamban iškendjäl'g oli tervehtunu. | 14И чудесами, которые дано было ему творить перед зверем, он обольщает живущих на земле, говоря живущим на земле, чтобы они сделали образ зверя, который имеет рану от меча и жив. |
| 15Sille mugažo om pästtud vald antta živatan kuvale heng, miše nece kuva voiži pagišta i rikta kaikid, ked ei kumardagoiš živatan kuvale. | 15И дано ему было вложить дух в образ зверя, чтобы образ зверя и говорил и действовал так, чтобы убиваем был всякий, кто не будет поклоняться образу зверя. |
| 16Se väges käskeb kaikile, penile i surile, bohatoile i gollile, valdakahile i orjile, sada oiktaha kädehe vai ocha znam. | 16И он сделает то, что всем, малым и великим, богатым и нищим, свободным и рабам, положено будет начертание на правую руку их или на чело их, |
| 17Nikenel ei linne valdad ostta vai möda midä-ni, ku hänel ei ole necidä znamad vai živatan nimed vai sen nimen lugud. | 17и что никому нельзя будет ни покупать, ни продавать, кроме того, кто имеет это начертание, или имя зверя, или число имени его. |
| 18Sihe tarbiž melevut. Se, kenel om el'gendust, lugekaha živatan nimen lugun: se om erasen mehen lugu, i om kuz'sadad kuz'kümne kuz'. | 18Здесь мудрость. Кто имеет ум, тот сочти число зверя, ибо это число человеческое; число его шестьсот шестьдесят шесть. |
Глава 13