Выбрать язык
Книги Ветхого Завета
Книги Нового Завета
без русского текстаTOINE KIRJEINE TIMOFEJALE | ВТОРОЕ ПОСЛАНИЕ К ТИМОФЕЮ |
Глава 2 | Глава 2 |
| 1Ka sinä-ki, poigaižem, amunda väged Hristosan Iisusan armoišpäi! | 1Итак укрепляйся, сын мой, в благодати Христом Иисусом, |
| 2Kaik, midä oled kulnu täs minuspäi äjiden todištajiden aigan, sanele edemba heile, kenele voib uskta i ked mahtaba opeta toižid-ki. | 2и что слышал от меня при многих свидетелях, то передай верным людям, которые были бы способны и других научить. |
| 3Tirpa sinä-ki mokid, kut Iisusan Hristosan todesine saldat. | 3Итак переноси страдания, как добрый воин Иисуса Христа. |
| 4Nimitte saldat ei tartu elon jogapäiväižihe azjoihe, ku tahtoib olda mel'he ičeze pämehele. | 4Никакой воин не связывает себя делами житейскими, чтобы угодить военачальнику. |
| 5Mugažo sportmez' ei voi sada vägestusen vencad, ku ei tege kaiked sportkäsköiden mödhe. | 5Если же кто и подвизается, не увенчивается, если незаконно будет подвизаться. |
| 6Manradajale-ki, kudamb radab higo ocas, pidaiži ezmäižen sada ičeze pala villäspäi. | 6Трудящемуся земледельцу первому должно вкусить от плодов. |
| 7El'genda, midä minä sanun! Antkaha Ižand sinei el'gendust kaikehe. | 7Разумей, что я говорю. Да даст тебе Господь разумение во всем. |
| 8Mušta Ižandad Iisusad Hristosad Davidan semnespäi: hän om eläbzoittud kollijoišpäi, miš minä sanelen-ki hüväd vestid. | 8Помни Господа Иисуса Христа от семени Давидова, воскресшего из мертвых, по благовествованию моему, |
| 9Sen vestin täht minä mokičemoi, olen völ čapiš-ki kuti razbainik. No Jumalan sana ei ole čapiš. | 9за которое я страдаю даже до уз, как злодей; но для слова Божия нет уз. |
| 10Sikš minä tirpan kaiked Jumalan valitud mehiden täht, miše hö-ki saižiba päzutandan, kudamban andab Hristos Iisus, i ühtes necenke igähižen korktan arvon. | 10Посему я все терплю ради избранных, дабы и они получили спасение во Христе Иисусе с вечною славою. |
| 11Nenile sanoile voib uskta tozi-ki: — Ku mö kolim hänenke ühtes, ka hänenke ühtes eläškandem-ki. | 11Верно слово: если мы с Ним умерли, то с Ним и оживем; |
| 12Ku hänenke ühtes tirpam, ka linnem hänenke ühtes valdas-ki. Ku mö käraudamoiš hänehe sel'gin, ka hän-ki käraudase meihe sel'gäl. | 12если терпим, то с Ним и царствовать будем; если отречемся, и Он отречется от нас; |
| 13No hot' mö em olgoi uskoližed, ka hän om uskoline — ved' hän ei voi mända ičtaze vasthapäi. | 13если мы неверны, Он пребывает верен, ибо Себя отречься не может. |
| 14Johtuta kaikile neciš i käske heid Ižandan edes, miše ei ridliži sanoiden polhe. Sišpäi ei tule nimidä hüväd, a se tob kulijoile vaiše pahad. | 14Сие напоминай, заклиная пред Господом не вступать в словопрения, что нимало не служит к пользе, а к расстройству слушающих. |
| 15Pane kaik vägi sihe, miše ozutadas Jumalan edes mugoižen radnikan, kenele voiži uskta, i ken ei huiktelde ičeze radod da ken opendab toden sanan mödhe. | 15Старайся представить себя Богу достойным, делателем неукоризненным, верно преподающим слово истины. |
| 16Čurate jumalatomid da tühjid paginoid, sikš ku necen pagižijad sirdäsoiš Jumalaspäi kaiken edemba i edemba. | 16А непотребного пустословия удаляйся; ибо они еще более будут преуспевать в нечестии, |
| 17Heiden opendused levineba kuti tartläžundad. Heiden sebras oma Imenei da Filit. | 17и слово их, как рак, будет распространяться. Таковы Именей и Филит, |
| 18Hö oma segoinuded i kadotanuded toden, ku sanuba, miše eläbzoituz om jo tehnus. Muga hö murendaba erasil uskondan alandused. | 18которые отступили от истины, говоря, что воскресение уже было, и разрушают в некоторых веру. |
| 19No Jumalal tehtud alanduz püžub vahvas, i sihe om kirjutadud nene sanad: «Ižand tundeb ičeze rahvahan» i «Kaikutte, kenel Ižandan nimi om huliš, olgha laptas kaikes pahaspäi». | 19Но твердое основание Божие стоит, имея печать сию: `познал Господь Своих'; и: `да отступит от неправды всякий, исповедующий имя Господа'. |
| 20Sures pertiš om astijoid ei vaiše kuldaspäi da hobedaspäi, a tehtud puspäi da savespäi. Toižid pidetas praznikan aigan, toižid muupäivän. | 20А в большом доме есть сосуды не только золотые и серебряные, но и деревянные и глиняные; и одни в почетном, а другие в низком употреблении. |
| 21I ku ken puhtastab ičtaze kaikes pahaspäi, hän tegese kuti praznikastii, pühä da ižandale tarbhaine, kožui kaikuččehe hüvähä radho. | 21Итак, кто будет чист от сего, тот будет сосудом в чести, освященным и благопотребным Владыке, годным на всякое доброе дело. |
| 22Sikš pagene noren igän himoišpäi da eci oiktad elod, uskondad, armastust da kožmust kaikidenke, ked puhthas südäimespäi kucuba abuhu Ižandad. | 22Юношеских похотей убегай, а держись правды, веры, любви, мира со всеми призывающими Господа от чистого сердца. |
| 23Ala tartu nimiččihe tühjiže i meletomihe paginoihe. Iče tedad, miše ned toba ridoid. | 23От глупых и невежественных состязаний уклоняйся, зная, что они рождают ссоры; |
| 24Ižandan radnikale pidab olda hüvätabaižen kaikidenke, mahtta opeta i tirpta. | 24рабу же Господа не должно ссориться, но быть приветливым ко всем, учительным, незлобивым, |
| 25Hänele pidab laskvas škol'da vastustajid. Voib olda, Jumal abutab heile kärautas grähkišpäi, i hö tedištaba, mi om tozi. | 25с кротостью наставлять противников, не даст ли им Бог покаяния к познанию истины, |
| 26Sid' hö il'mestuba i pageneba lemboin verkoišpäi, kudambihe se om tabadanu heid, miše käskta ičeze tahtoid täutmaha. | 26чтобы они освободились от сети диавола, который уловил их в свою волю. |
Глава 2