Выбрать язык
Книги Ветхого Завета
Книги Нового Завета
без русского текстаKIRJEINE KOLOSSALAIŽILE | ПОСЛАНИЕ К КОЛОССЯНАМ |
Глава 3 | Глава 3 |
| 1Ku teid ühtes Hristosanke om eläbzoittud kollijoišpäi, ka eckat sidä, mi om ülähän, taivhas, kus Hristos ištub Jumalan oiktal kädel. | 1Итак, если вы воскресли со Христом, то ищите горнего, где Христос сидит одесную Бога; |
| 2Meletagat siš, mi om taivhas, algat siš, mi om mal. | 2о горнем помышляйте, а не о земном. |
| 3Ved' tö olet kolnuded, i teiden elo om peittud ühtes Hristosanke Jumalaha. | 3Ибо вы умерли, и жизнь ваша сокрыта со Христом в Боге. |
| 4Konz Hristos, teiden elo, tuleb udes, sid' tö-ki linnet hänenke hänen korktan arvon hoštoteses. | 4Когда же явится Христос, жизнь ваша, тогда и вы явитесь с Ним во славе. |
| 5Ka sid' surmitagat se, mi om teiš neciš miruspäi: vedeluzelo, pagan elo, himonkobaiduz, paha himo da ažlakuz', kudamb om tühjile jumaloile kumardelend. | 5Итак, умертвите земные члены ваши: блуд, нечистоту, страсть, злую похоть и любостяжание, которое есть идолослужение, |
| 6Niiden tagut tuleb Jumalan viha kundlematomiden päle. | 6за которые гнев Божий грядет на сынов противления, |
| 7Tö-ki kävelit nenid teidme, konz elit mugošt elod. | 7в которых и вы некогда обращались, когда жили между ними. |
| 8A nügüd' lükäikat kaik: viha, käreganduz, pahuz', lajindsanad da toižed huiktatomad sanad. | 8А теперь вы отложите все: гнев, ярость, злобу, злоречие, сквернословие уст ваших; |
| 9Algat kelastagoi toine toiženke pagištes. Ved' tö olet rušnuded ičetoi «vanh minä» sen kaikiden tegoidenke | 9не говорите лжи друг другу, совлекшись ветхого человека с делами его |
| 10da olet sädnus udehe, mi kaiken aigan udištase, opendase paremba tundmaha ičeze Tegijad, miše tehtas hänen karččeks. | 10и облекшись в нового, который обновляется в познании по образу Создавшего его, |
| 11Siloi ei linne enamba grekalaižid, evrejalaižid, ümbrileiktud da ümbrileikmatomid, varvaroid, skifoid, orjid, valdakahid, vaiše Hristos om kaik, hän om kaikiš. | 11где нет ни Еллина, ни Иудея, ни обрезания, ни необрезания, варвара, Скифа, раба, свободного, но все и во всем Христос. |
| 12Tö, ked olet Jumalan valitud, pühäd da hänele armhad, säkatoiš südäimeližehe žalleičendaha, hüvüdehe, hilläha da laskvaha tabaha, tirpandaha. | 12Итак облекитесь, как избранные Божии, святые и возлюбленные, в милосердие, благость, смиренномудрие, кротость, долготерпение, |
| 13Tirpkat i prostigat toine tošt, hot' oliži-ki laida toine tošt miš-ni. I muga kut Hristos om prostinu teid, muga prostigat tö-ki. | 13снисходя друг другу и прощая взаимно, если кто на кого имеет жалобу: как Христос простил вас, так и вы. |
| 14No pälembaižeks sobaks pangat armastuz, kudamb hüvin sidob kaiken ühthe. | 14Более же всего [облекитесь] в любовь, которая есть совокупность совершенства. |
| 15Mir, kudamban Jumal andab, ohjakaha teiden südäimed, ved' Jumal om ühtenzoitnu teid ühthe hibjaha i kucnu elämaha kožmuses. Algat unohtagoi kitta! | 15И да владычествует в сердцах ваших мир Божий, к которому вы и призваны в одном теле, и будьте дружелюбны. |
| 16Elägaha Hristosan sana täudel märal teiden keskes. Opendagat toine tošt da nevogat toine toižele kaikel melevudel i kitkat Ižandad pajataden südäimiš hänele psalmoid, ülenzoituzrunoid da hengeližid pajoid. | 16Слово Христово да вселяется в вас обильно, со всякою премудростью; научайте и вразумляйте друг друга псалмами, славословием и духовными песнями, во благодати воспевая в сердцах ваших Господу. |
| 17Midä teget, sanoiš vai tegoiš, tehkat kaik Ižandan Iisusan Hristosan nimes i kitkat hänen kal't Jumalad da Tatad. | 17И всё, что вы делаете, словом или делом, всё [делайте] во имя Господа Иисуса Христа, благодаря через Него Бога и Отца. |
| 18Akad, kundelkat ičetoi mužikoid, muga kut pidab-ki tehta Ižandan uskojile. | 18Жены, повинуйтесь мужьям своим, как прилично в Господе. |
| 19Mužikad, armastagat ičetoi akoid, algat olgoi heile kovad. | 19Мужья, любите своих жен и не будьте к ним суровы. |
| 20Lapsed, kundelkat kaikes ičetoi kazvatajid, nece om Ižandale mel'he. | 20Дети, будьте послушны родителям вашим во всем, ибо это благоугодно Господу. |
| 21Tatad, algat kaiken aigan lajigoi lapsid, miše hö ei höšttuiži. | 21Отцы, не раздражайте детей ваших, дабы они не унывали. |
| 22Orjad, kundelkat kaikes ičetoi ižandoid, algat tehkoi necidä vaiše sil'miš, miše olda heile mel'he, a puhthas südäimespäi, Jumalad varaiten. | 22Рабы, во всем повинуйтесь господам вашим по плоти, не в глазах только служа [им], как человекоугодники, но в простоте сердца, боясь Бога. |
| 23I kaik, midä teget, tehkat kaikes südäimespäi, muga kut tegižit sidä Ižandale, a et toižile mehile. | 23И всё, что делаете, делайте от души, как для Господа, а не для человеков, |
| 24Muštkat, miše sat Ižandaspäi paukaks jäl'gestusen. Ved' tö služit Ižandale Hristosale. | 24зная, что в воздаяние от Господа получите наследие, ибо вы служите Господу Христу. |
| 25Se, kudamb tegeb värin, sab paukan ičeze radoiden mödhe, sikš ku Jumal ei kacu čomaha modho. | 25А кто неправо поступит, тот получит по своей неправде, [у Него] нет лицеприятия. |
Глава 3