Выбрать язык
Книги Ветхого Завета
Книги Нового Завета
без русского текстаTOINE KIRJEINE KORINFALAIŽILE | ПЕРВОЕ ПОСЛАНИЕ К КОРИНФЯНАМ |
Глава 11 | Глава 11 |
| 1Voi, ku tö voižit tirpta mindai, miše minä olen vähäižel kuti meletoi! Ka tö jo tirpat. | 1О, если бы вы несколько были снисходительны к моему неразумию! Но вы и снисходите ко мне. |
| 2Minä varjoičen teid, kut tat varjoičeb ičeze tütärt, Jumalan täht. Minä olen toivotanu teid vaiše ühtele mehele, Hristosale, i tahtoižin toda teid hänen edehe kuti puhthan nevestan. | 2Ибо я ревную о вас ревностью Божиею; потому что я обручил вас единому мужу, чтобы представить Христу чистою девою. |
| 3No varaidan: kut mado kelhas maniti Evan, muga teiden-ki mel' traviše, i tö jät puhthita südäimita Hristosan edehe. | 3Но боюсь, чтобы, как змий хитростью своею прельстил Еву, так и ваши умы не повредились, уклонившись от простоты во Христе. |
| 4Ku ken-se tuleb i saneleškandeb teile toižes Iisusas, kudambas mö em sanelnugoi, vai toižes henges, kudambad tö et otnugoi, vai toižes hüväs vestiš, kudambad tö et sanugoi, ka ved' tö kaiken necen hüvin-ki tirpat! | 4Ибо если бы кто, придя, начал проповедывать другого Иисуса, которого мы не проповедывали, или если бы вы получили иного Духа, которого не получили, или иное благовестие, которого не принимали, --то вы были бы очень снисходительны к тому. |
| 5No üks'kaik minä lugen, miše en ole hondomb nenid muga sanutud surid apostoloid! | 5Но я думаю, что у меня ни в чем нет недостатка против высших Апостолов: |
| 6Voib olda, minä en mahta hüvin pagišta, no minä tedan äjan. Dai mö kaikes olem teile ani tetabad. | 6хотя я и невежда в слове, но не в познании. Впрочем мы во всем совершенно известны вам. |
| 7A voib olda minun grähk om täs: minä olen alenzoitnu ičtain, miše pidäda teid korktembas arvos, i paukata olen sanelnu teile hüväd vestid? | 7Согрешил ли я тем, что унижал себя, чтобы возвысить вас, потому что безмездно проповедывал вам Евангелие Божие? |
| 8Toižiš uskondkundišpäi minä kuti vargastelin, konz sain dengoid heišpäi, miše abutada teile. | 8Другим церквам я причинял издержки, получая от них содержание для служения вам; и, будучи у вас, хотя терпел недостаток, никому не докучал, |
| 9Oldes teidenno minä nikeda en mokičend, hot' elin mairhes. Midä minei tarbiž, sidä minei andoiba uskondvelled, konz tuliba Makedoniaspäi. Minä en tahtoind eläda teiden niškal, i edeleze-ki en tahtoi. | 9ибо недостаток мой восполнили братия, пришедшие из Македонии; да и во всем я старался и постараюсь не быть вам в тягость. |
| 10Hristosan todel, kudamb eläb minus, sanun: minun korktad mel't niken ei voi anastada kaikes Ahaijan mas! | 10По истине Христовой во мне скажу, что похвала сия не отнимется у меня в странах Ахаии. |
| 11Mikš muga? Jose en armasta teid? Jumal tedab, minä armastan teid! Midä minä nügüd' tegen, sidä tegeškanden edeleze-ki. | 11Почему же так поступаю? Потому ли, что не люблю вас? Богу известно! Но как поступаю, так и буду поступать, |
| 12Minä en anda süd toižile ülendeldas, miše hö tegeba ičeze radod ningažo, kut mö-ki. | 12чтобы не дать повода ищущим повода, дабы они, чем хвалятся, в том оказались такими же, как и мы. |
| 13Nene mehed oma värad apostolad, manitajad radajad; hö vaiše heitäsoiš Hristosan apostoloikš. | 13Ибо таковые лжеапостолы, лукавые делатели, принимают вид Апостолов Христовых. |
| 14Ka ved' nece ei ole čud. Iče soton-ki heitäse päivänvauktan angelaks. | 14И неудивительно: потому что сам сатана принимает вид Ангела света, |
| 15Ka siš ei ole nimidä, miše sotonan käskabunikad heitäsoiš Jumalan azjan tegijoikš. Heiden lop linneb heiden tegoiden mödhe. | 15а потому не великое дело, если и служители его принимают вид служителей правды; но конец их будет по делам их. |
| 16Sanun völ kerdan: algat pidägoi mindai meletoman. A hot' oližin-ki meletoi, sikš antkat minei vald olda mugoižen, miše voižin minä-ki vähäižen baffalidas. | 16Еще скажу: не почти кто-нибудь меня неразумным; а если не так, то примите меня, хотя как неразумного, чтобы и мне сколько-- нибудь похвалиться. |
| 17Midä minä nügüd' baffalides sanun — ka se ei ole Ižandaspäi. Pagižen kuti meletoi. | 17Что скажу, то скажу не в Господе, но как бы в неразумии при такой отважности на похвалу. |
| 18Ku neciš mirus äjan baffališoiš, ka minä-ki zavodin baffalidas. | 18Как многие хвалятся по плоти, то и я буду хвалиться. |
| 19Ved' tö tahtonke tirpat meletomid — tö, ked iče olet melevad. | 19Ибо вы, люди разумные, охотно терпите неразумных: |
| 20Ved' tö tirpat, konz teid val'l'astadas, anastadas kaiken, polgetadas, alenzoittas da anttas korvha. | 20вы терпите, когда кто вас порабощает, когда кто объедает, когда кто обирает, когда кто превозносится, когда кто бьет вас в лицо. |
| 21Om huiged, no sanun, miše sihe meil ei täudund väged. No ku toižed rohtiba tehta sidä — minä pagižen sid' kut meletoi — rohtin minä-ki. | 21К стыду говорю, что на это у нас недоставало сил. А если кто смеет хвалиться чем-либо, то (скажу по неразумию) смею и я. |
| 22Oma-k hö evrejalaižed? Ka minä-ki. Izrail'aižed-ik? Ka minä-ki. Oma-k Avraaman semnespäi? Ka ved' minä-ki! | 22Они Евреи? и я. Израильтяне? и я. Семя Авраамово? и я. |
| 23Oma-k hö Hristosan käskabunikad? A minä völ enamba heid olen Hristosan käskabunik — pagižen ninga kut meletoi. Minä völ enamban mokičin ičtain radol, mi hö, enamban ištuin türmas, mindai lödihe ülimärašti, äi kerdoid olin surman kündusel. | 23Христовы служители? (в безумии говорю:) я больше. Я гораздо более был в трудах, безмерно в ранах, более в темницах и многократно при смерти. |
| 24Viž kerdad sain evrejalaižišpäi pletil nel'l'kümne iškud üht lugemata, | 24От Иудеев пять раз дано мне было по сорока ударов без одного; |
| 25koume kerdad mindai löiba palikoil rimalaižed, kerdan minuhu tactihe kivil, koume kerdad olin laivas, kudamb upsi, i mindai tacli aldoiš kogonaižen ön da päivän. | 25три раза меня били палками, однажды камнями побивали, три раза я терпел кораблекрушение, ночь и день пробыл во глубине морской; |
| 26Minä kaiken aigan olin matkoiš, kaiken aigan olin läz surmad: voinuižin upota jogihe, voinuižin putta razbainikoiden käzihe, minei pidi varaita ičein man eläjid dai verazmaižid, pidi varaita lidnoiš da rahvahatomiš tahoiš, varaita merel, varaita nenid, ked heitäsoiš uskondvellikš. | 26много раз был в путешествиях, в опасностях на реках, в опасностях от разбойников, в опасностях от единоплеменников, в опасностях от язычников, в опасностях в городе, в опасностях в пустыне, в опасностях на море, в опасностях между лжебратиями, |
| 27Äjan radoin da nägin gor'ad, paksus olin magadamata, tirpoin sömän- da jomannäl'gäd, pühütin paksus, elin vilus da alasti. | 27в труде и в изнурении, часто в бдении, в голоде и жажде, часто в посте, на стуже и в наготе. |
| 28Kaiken necen ližaks minai oli kaikuččen päivän hol' uskondkundiš. | 28Кроме посторонних приключений, у меня ежедневно стечение людей, забота о всех церквах. |
| 29Ku ken-ni om vägetoi, ka minä-ki olen vägetoi. Ku ken-se lankteb grähkähä, ka se poltab mindai. | 29Кто изнемогает, с кем бы и я не изнемогал? Кто соблазняется, за кого бы я не воспламенялся? |
| 30Ku pidaškandeb mil-ni baffalidas, ka baffalimoi ičein vägetomudel. | 30Если должно мне хвалиться, то буду хвалиться немощью моею. |
| 31Meiden Ižandan Iisusan Hristosan Jumal dai Tat — olgha hän kittud igän — tedab, miše minä en kelasta. | 31Бог и Отец Господа нашего Иисуса Христа, благословенный во веки, знает, что я не лгу. |
| 32Damaskas Areta-kunigahal pandud pämez' käski varjoita damaskalašt lidnad, miše tabata mindai, a mindai lasketihe maha iknaspäi puzus lidnan seinädme, i muga minä pagenin hänen käzišpäi. | 32В Дамаске областной правитель царя Ареты стерег город Дамаск, чтобы схватить меня; и я в корзине был спущен из окна по стене и избежал его рук. |
Глава 11