Выбрать язык
Книги Ветхого Завета
Книги Нового Завета
без русского текстаTOINE KIRJEINE KORINFALAIŽILE | ПЕРВОЕ ПОСЛАНИЕ К КОРИНФЯНАМ |
Глава 4 | Глава 4 |
| 1Jumalan armoiš meil om mugoine rad, sikš mö em kadotagoi rohktust. | 1Посему, имея по милости Божией такое служение, мы не унываем; |
| 2Mö olem tacnuded kaik huiktad peitradod, em manitelgoi, em värištelgoi Jumalan sanad, a avaidam toden i andam jogahižele sudida meid ičeze hengen mödhe Jumalan edes. | 2но, отвергнув скрытные постыдные дела, не прибегая к хитрости и не искажая слова Божия, а открывая истину, представляем себя совести всякого человека пред Богом. |
| 3Ku meiden hüvä vest' om peitos, se om peitos nenišpäi, ked mäneba igähižihe mokihe. | 3Если же и закрыто благовествование наше, то закрыто для погибающих, |
| 4Se om peitos neniš uskmatomišpäi, kudambiden meled nügüdläižen mirun jumal om sogenzoitnu, miše hö ei nägiži sidä lämoid, kudamb lähteb Hristosan hüvän vestin korktas arvospäi, Hristosan, kudamb om nägumatoman Jumalan kuva. | 4для неверующих, у которых бог века сего ослепил умы, чтобы для них не воссиял свет благовествования о славе Христа, Который есть образ Бога невидимого. |
| 5A mö ved' em sanelgoi ičemoi polhe. Mö sanelem Hristosan Iisusan polhe, miše hän om Ižand, a mö olem teiden käskabunikad Iisusan täht. | 5Ибо мы не себя проповедуем, но Христа Иисуса, Господа; а мы--рабы ваши для Иисуса, |
| 6Jumal, kudamb sanui: «Loštkaha lämoi pimedas», loštaškanzi meiden südäimiš, miše opeta meid tundmaha Jumalan korktan arvon hoštotest, kudamb nägub Iisusan Hristosan modos. | 6потому что Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа. |
| 7Nece bohatuz' om meiš kut saviastijas, miše näguiži: se ülimäraine vägi om tulnu Jumalaspäi, a ei meišpäi. | 7Но сокровище сие мы носим в глиняных сосудах, чтобы преизбыточная сила была приписываема Богу, а не нам. |
| 8Meid kaikjal ahtištadas, no ei voigoi ajada čurha; meile om lujas jüged, no mö em langekoi opalaha; | 8Мы отовсюду притесняемы, но не стеснены; мы в отчаянных обстоятельствах, но не отчаиваемся; |
| 9meid kükstas, no meid ei tacind Jumal; meid polgetadas maha, no mö em olgoi surmitud. | 9мы гонимы, но не оставлены; низлагаемы, но не погибаем. |
| 10Mö kaiken kandam ičemoi hibjas Ižandan Iisusan surman, miše Iisusan elo-ki tuliži sil'mnägubale meiden hibjas. | 10Всегда носим в теле мертвость Господа Иисуса, чтобы и жизнь Иисусова открылась в теле нашем. |
| 11Ved' mö, elos olijad, andamoiš surmale kaiken aigan Iisusan täht, miše Iisusan elo-ki tuliži sil'mnägubale meiden surmaližiš hibjoiš. | 11Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, |
| 12Muga surm radab meiš, a elo — teiš. | 12так что смерть действует в нас, а жизнь в вас. |
| 13Meiš om se mugoine uskondheng, kudambas om kirjutadud: «Minä uskoin, sikš zavodin sanelda.» Mö-ki uskom, sikš sanelem. | 13Но, имея тот же дух веры, как написано: я веровал и потому говорил, и мы веруем, потому и говорим, |
| 14Mö tedam, miše hän, kudamb om eläbzoitnu Ižandan Iisusan, eläbzoitab meid-ki Iisusan kartte i seižutab ühtes teidenke ičeze edehe. | 14зная, что Воскресивший Господа Иисуса воскресит через Иисуса и нас и поставит перед Собою с вами. |
| 15Kaik nece om teiden täht, miše mi enamba rahvast tedištaiži Jumalan armoiš, sidä enamba i enamba tuliži kitändad Jumalan korktaks arvoks. | 15Ибо всё для вас, дабы обилие благодати тем большую во многих произвело благодарность во славу Божию. |
| 16I sikš mö em kadotagoi rohktust. Hot' hibjal mö vanhtum, no südäimespäi mö udištamoiš päiväspäi päivhä. | 16Посему мы не унываем; но если внешний наш человек и тлеет, то внутренний со дня на день обновляется. |
| 17Meiden ahtištused oma lühüdaigaižed da kebnad, a toba meile igähižen korktan arvon, kudamb om agjatomašti sur'. | 17Ибо кратковременное легкое страдание наше производит в безмерном преизбытке вечную славу, |
| 18Mö em kackoi sihe, mi om sil'mnägubal, a kacum nägumatomaha, sikš ku se, mi nägub, om lühüdaigaine, a nägumatoi om igähine. | 18когда мы смотрим не на видимое, но на невидимое: ибо видимое временно, а невидимое вечно. |
Глава 4