Выбрать язык
Книги Ветхого Завета
Книги Нового Завета
без русского текстаEZMÄINE KIRJEINE KORINFALAIŽILE | ПЕРВОЕ ПОСЛАНИЕ К КОРИНФЯНАМ |
Глава 3 | Глава 3 |
| 1Minä en voind pagišta muga teidenke, velled, kut pagištas hengeližiden mehidenke, a pagižin kut nenidenke, ked eläba necen mirun mödhe i oma Hristosan tedamižes völ kuti pened lapsed. | 1И я не мог говорить с вами, братия, как с духовными, но как с плотскими, как с младенцами во Христе. |
| 2Minä sötin teid maidol, a en koval sömäl; tö et olnugoi vaumhed sada sidä. Da nügüd'-ki völ et olgoi, | 2Я питал вас молоком, а не твердою пищею, ибо вы были еще не в силах, да и теперь не в силах, |
| 3sikš ku völ-ki elät, kut necen mirun rahvaz. Ku teil nügüd'-ki om ičekesken kadehut, ridoid da erimeližut, siloi vanh elon vero eläb teiš, i tö iče elät, kut kaik rahvaz eläb. | 3потому что вы еще плотские. Ибо если между вами зависть, споры и разногласия, то не плотские ли вы? и не по человеческому ли обычаю поступаете? |
| 4Ku üks' sanub: «Minä olen Pavlan polel», toine: «Minä — Apollosan polel», et-ik tö olgoi, kut toižed-ki mehed? | 4Ибо когда один говорит: `я Павлов', а другой: `я Аполлосов', то не плотские ли вы? |
| 5Ken siloi Apollos om? Vai Pavel? Hö oma vaiše käskabunikad, kudambad toiba teid uskondaha, kaikutte tegi nenid azjoid, kudambid heile andoi Ižand. | 5Кто Павел? кто Аполлос? Они только служители, через которых вы уверовали, и притом поскольку каждому дал Господь. |
| 6Minä ištutin, Apollos valoi, a Jumal andoi kazvon. | 6Я насадил, Аполлос поливал, но возрастил Бог; |
| 7Sid' ištutai ei ole niken, i valai ei ole niken, a Jumal, kazvon andai, om kaik. | 7посему и насаждающий и поливающий есть ничто, а все Бог возращающий. |
| 8Ištutai i valai oma siš-žo rados, no kaikutte sab paukan ičeze radon mödhe. | 8Насаждающий же и поливающий суть одно; но каждый получит свою награду по своему труду. |
| 9Mö olem Jumalan radvelled, a tö olet Jumalan pöud i Jumalan pert'. | 9Ибо мы соработники у Бога, а вы Божия нива, Божие строение. |
| 10Minä Jumalan armoiš olen tehnus hüväks sauvojaks i olen tehnu pertin alandusen, kudambale ken-ni toine lendab pertin. No kaikutte kackaha, kut hän sauvob. | 10Я, по данной мне от Бога благодати, как мудрый строитель, положил основание, а другой строит на нем; но каждый смотри, как строит. |
| 11Alanduz om jo tehtud, i se om Iisus Hristos. Tošt alandust niken ei voi tehta. | 11Ибо никто не может положить другого основания, кроме положенного, которое есть Иисус Христос. |
| 12Necile alandusele voib sauda midä-se kuldaspäi, hobedaspäi, kal'hiš kivišpäi, puspäi, heinäspäi libo ol'gespäi, | 12Строит ли кто на этом основании из золота, серебра, драгоценных камней, дерева, сена, соломы, -- |
| 13no ičeze aigan näguškandeb se, ken i midä om saunu. Sudanpäiv sidä avaidab: se päiv ozutase lämoinkeliš, i lämoi ozutab kaikuččen mehen radon, mitte se om. | 13каждого дело обнаружится; ибо день покажет, потому что в огне открывается, и огонь испытает дело каждого, каково оно есть. |
| 14Se, kenen pert' püžuškandeb, sab paukan. | 14У кого дело, которое он строил, устоит, тот получит награду. |
| 15Se, kenen pert' palab, kadotab sen. Iče hän päzub eloho, no kuti lämoiš läbi. | 15А у кого дело сгорит, тот потерпит урон; впрочем сам спасется, но так, как бы из огня. |
| 16Et-ik tö tekoi, miše olet Jumalan pühäkodi i miše Jumalan Heng eläb teiš? | 16Разве не знаете, что вы храм Божий, и Дух Божий живет в вас? |
| 17Ku ken-ni murendab sen Jumalan pühäkodin, ka Jumal murendab händast-ki. Jumalan kodi om pühä, i tö olet se kodi. | 17Если кто разорит храм Божий, того покарает Бог: ибо храм Божий свят; а этот храм --вы. |
| 18Algha niken manitagoi ičtaze. Ku ken-ni teišpäi meletab, miše hän om melev neciš mirus, ka hänele pidaiži olda meletoman, miše hän tegižihe melevaks. | 18Никто не обольщай самого себя. Если кто из вас думает быть мудрым в веке сем, тот будь безумным, чтобы быть мудрым. |
| 19Necen mirun melevuz' om Jumalan sil'miš meletomuz'. Ved' om kirjutadud: — Hän tabadab melevid heiden vällišpämeles. | 19Ибо мудрость мира сего есть безумие пред Богом, как написано: уловляет мудрых в лукавстве их. |
| 20I mugažo: — Ižand tedab meleviden meled, hän lugeb ned tühjikš. | 20И еще: Господь знает умствования мудрецов, что они суетны. |
| 21Sikš nikenele ei pida baffalidas mehil, ved' kaik om teiden: | 21Итак никто не хвались человеками, ибо все ваше: |
| 22Pavel, Apollos i Kifa, mir, elo i surm, kaik nügüdläine i tulii. Se kaik om teiden, | 22Павел ли, или Аполлос, или Кифа, или мир, или жизнь, или смерть, или настоящее, или будущее, --все ваше; |
| 23no tö olet Hristosan, i Hristos om Jumalan. | 23вы же--Христовы, а Христос--Божий. |
Глава 3