Выбрать язык
Книги Ветхого Завета
Книги Нового Завета
без русского текстаKIRJEINE RIMALAIŽILE | ПОСЛАНИЕ К РИМЛЯНАМ |
Глава 3 | Глава 3 |
| 1Midä hüväd om olda evrejalaižen, da mittušt ližad tob ümbrileiktuz? | 1Итак, какое преимущество быть Иудеем, или какая польза от обрезания? |
| 2Äjan da erazvuittušt! Ezmäi kaiked sidä, miše Jumal om andnu ičeze sanan heiden holihe. | 2Великое преимущество во всех отношениях, а наипаче в том, что им вверено слово Божие. |
| 3No hot' erased heišpäi ei usknugoi, znamoičeb-ik nece, miše Jumalale ei voi uskta? | 3Ибо что же? если некоторые и неверны были, неверность их уничтожит ли верность Божию? |
| 4Ka ei! Olgha hot' kaik mehed kelastajad, Jumal üks'kaik ei kelasta. Ved' om sanutud Pühiš Kirjutusiš: — Sinä linned oiged kaikiš ičeiž sanoiš, i sad vägestusen sudas. | 4Никак. Бог верен, а всякий человек лжив, как написано: Ты праведен в словах Твоих и победишь в суде Твоем. |
| 5No ku meiden värhuz' ozutab Jumalan oiktusen, midä sid' meile sanuda? Om-ik Jumal vär — pagižen nügüd' kuti mehed — konz oigendab vihan meiden päle? | 5Если же наша неправда открывает правду Божию, то что скажем? не будет ли Бог несправедлив, когда изъявляет гнев? (говорю по человеческому рассуждению). |
| 6Ka ei! Kutak hän sid' voiži sudida mirud? | 6Никак. Ибо иначе как Богу судить мир? |
| 7No ku minun kelastusen kal't Jumalan tozi näguškandeb paremba da tob hänele korktad arvod, mikš sid' mindai pidaiži sudida kut grähkhišt? | 7Ибо, если верность Божия возвышается моею неверностью к славе Божией, за что еще меня же судить, как грешника? |
| 8Ka jose meile pidaiži tehta pahad, miše tuliži hüvä, kut meiden päle erašti kelastadas i sanutas, miše mö muga opendam-ki? Naku hö saba-ki oiktan sudan. | 8И не делать ли нам зло, чтобы вышло добро, как некоторые злословят нас и говорят, будто мы так учим? Праведен суд на таковых. |
| 9I kutak sid'? Olem-ik mö, evrejalaižed, Jumalan edes parembal sijal? Ka nikut. Minä olen jo ozutanu, miše kut evrejalaižed, muga grekalaižed-ki oma grähkän valdas. | 9Итак, что же? имеем ли мы преимущество? Нисколько. Ибо мы уже доказали, что как Иудеи, так и Еллины, все под грехом, |
| 10Ved' om sanutud Pühiš Kirjutusiš: — Ei ole tozioiktad, ni üht, | 10как написано: нет праведного ни одного; |
| 11ei ole el'gendajad, nikeda, ken ecib Jumalad. | 11нет разумевающего; никто не ищет Бога; |
| 12Kaik oma käraudanus tespäi i tehnus kožutomikš. Ei ole nikeda, ni üht, ken tegeb hüväd. | 12все совратились с пути, до одного негодны; нет делающего добро, нет ни одного. |
| 13Heiden kurk om avoin kaum, kelel hö manitaba, heiden huliden taga om kün jad, | 13Гортань их--открытый гроб; языком своим обманывают; яд аспидов на губах их. |
| 14heiden su om täuz' sapid i pahut. | 14Уста их полны злословия и горечи. |
| 15Hö rigehtiden rigehtiba pästta vert, | 15Ноги их быстры на пролитие крови; |
| 16murenduz i gol'l'uz' jäba heiden jäl'ghe. | 16разрушение и пагуба на путях их; |
| 17Kožmusen te heile ei ole tetab, | 17они не знают пути мира. |
| 18heiden sil'miš ei ole Jumalan varaidust. | 18Нет страха Божия перед глазами их. |
| 19Mö tedam: midä käskišt sanub, sidä se sanub nenile, ked oma käskišton valdas, miše niken ei rohtiži avaita sud i kaik mir oliži vär Jumalan edes. | 19Но мы знаем, что закон, если что говорит, говорит к состоящим под законом, так что заграждаются всякие уста, и весь мир становится виновен пред Богом, |
| 20Ved' ni üks' mez' ei tehte tozioiktaks Jumalan edes eläden käskišton mödhe. Käskišton kal't mez' tedištab, miše hän om grähkhine. | 20потому что делами закона не оправдается пред Ним никакая плоть; ибо законом познаётся грех. |
| 21No nügüd käskištoho kacmata Jumal om avaidanu ten tozioiktusehe, kudamban polhe todištaba käskišt i Jumalan sanankandajad. | 21Но ныне, независимо от закона, явилась правда Божия, о которой свидетельствуют закон и пророки, |
| 22Nece Jumalan tozioiktuz' tuleb uskondan kal't Iisusaha Hristosaha kaikile i kaikiden täht, ked uskoba. Kaik oma ühtejiččed, | 22правда Божия через веру в Иисуса Христа во всех и на всех верующих, ибо нет различия, |
| 23sikš ku kaik oma tehnuded grähkid i heiš ei ole Jumalan korktad arvod. | 23потому что все согрешили и лишены славы Божией, |
| 24Ani muite, hänen armoiden kal't hö tegesoiš tozioiktoikš, sikš ku Hristos Iisus om pästnu heid valdale. | 24получая оправдание даром, по благодати Его, искуплением во Христе Иисусе, |
| 25Jumal pani händast žertvaks grähkiš. Hänen veri pästab grähkäd nenile, ked uskoba. Jumal om ozutanu ičeze tozioiktusen muga, miše pästi männuden aigan grähkäd opendamata niiš. | 25которого Бог предложил в жертву умилостивления в Крови Его через веру, для показания правды Его в прощении грехов, соделанных прежде, |
| 26Hän om tirpnu i tehnu necen, miše ozutada nügüd' ičeze tozioiktusen: hän iče om tozioiged i tegeb tozioiktoikš nenid, ked uskoba Iisusaha. | 26во время долготерпения Божия, к показанию правды Его в настоящее время, да явится Он праведным и оправдывающим верующего в Иисуса. |
| 27Om-ik sid' mil ülendeldas? Ei ole. Sil ei ole pohjad. Mitte käskišt om lükäidanu sen pohjan? Ei-ik se, kudamb käskeb eläda sen mödhe? Ka ei, a se, kudamb käskeb uskta. | 27Где же то, чем бы хвалиться? уничтожено. Каким законом? законом дел? Нет, но законом веры. |
| 28Mö vahvištoitam sen, miše mez' tegese tozioiktaks, ku hän uskob, a ei muga, konz hän tegeb sidä, midä tarbiž käskišton mödhe. | 28Ибо мы признаём, что человек оправдывается верою, независимо от дел закона. |
| 29Jose Jumal om vaiše evrejalaižiden Jumal? Ei-ik hän ole toižiden-ki rahvahiden Jumal? Ka om toižiden-ki, | 29Неужели Бог есть Бог Иудеев только, а не и язычников? Конечно, и язычников, |
| 30ved' Jumal om vaiše üks' i sikš hän tegeb tozioiktoikš nenid, ked uskoba — ümbrileiktud i mugažo ümbrileikmatomad. | 30потому что один Бог, Который оправдает обрезанных по вере и необрезанных через веру. |
| 31Murendam-ik mö käskištod uskondal? Ka em, mö vastkarin vahvištoitam sidä, midä käskišt sanub. | 31Итак, мы уничтожаем закон верою? Никак; но закон утверждаем. |
Глава 3