Выбрать язык
Книги Ветхого Завета
Книги Нового Завета
без русского текстаAPOSTOLOIDEN TEGOD | ДЕЯНИЯ АПОСТОЛОВ |
Глава 25 | Глава 25 |
| 1Oldes koume päiväd manižandan Fest läksi Kesariaspäi Jerusalimha. | 1Фест, прибыв в область, через три дня отправился из Кесарии в Иерусалим. |
| 2Sigä ülembaine pap i evrejalaižiden pämehed tuliba hänennoks sanumaha, miše tahtoiba väritada Pavlad. Hö tomotiba Festad i | 2Тогда первосвященник и знатнейшие из Иудеев явились к нему с жалобою на Павла и убеждали его, |
| 3pakičiba, miše hän oliži heile hüvä i toiži Pavlan Jerusalimha. Hö peitoiči ladiba rikta Pavlad matkas. | 3прося, чтобы он сделал милость, вызвал его в Иерусалим; и злоумышляли убить его на дороге. |
| 4No Fest sanui, miše Pavel pidetas türmas Kesarias, i hän iče teravas tahtoib lähtta Kesariaha. | 4Но Фест отвечал, что Павел содержится в Кесарии под стражею и что он сам скоро отправится туда. |
| 5«Lähtkaha teiden pämehed minunke», hän sanui, «i väritagha necidä mest sigä, ku hän om tehnu midä-ni pahad.» | 5Итак, сказал он, которые из вас могут, пусть пойдут со мною, и если есть что-нибудь за этим человеком, пусть обвиняют его. |
| 6Fest oli Jerusalimas vaiše kahesa vai kümne päiväd i pördihe tagaze Kesariaha. Toižel päiväl hän ištuihe sudjansijale i käski toda Pavlad ičezennoks. | 6Пробыв же у них не больше восьми или десяти дней, возвратился в Кесарию, и на другой день, сев на судейское место, повелел привести Павла. |
| 7Pavel tuli, i Jerusalimaspäi tulnuded evrejalaižed kerazihe hänes ümbri i zavodiba väritada händast äjiš jügedoiš azjoiš. No hö ei voinugoi vahvištoitta ičeze väritusid. | 7Когда он явился, стали кругом пришедшие из Иерусалима Иудеи, принося на Павла многие и тяжкие обвинения, которых не могли доказать. |
| 8Pavel pagiži ičeze poles muga: «Minä en ole tehnu nimidä pahad evrejalaižiden käskištod vasthapäi, pühäkodid vasthapäi i ei kesarid vasthapäi.» | 8Он же в оправдание свое сказал: я не сделал никакого преступления ни против закона Иудейского, ни против храма, ни против кесаря. |
| 9No Fest tahtoi olda hüvän evrejalaižile, sikš hän küzui Pavlal: «Tahtoid-ik lähtta Jerusalimha, miše minä sudižin sindai sigä neciš azjas?» | 9Фест, желая сделать угождение Иудеям, сказал в ответ Павлу: хочешь ли идти в Иерусалим, чтобы я там судил тебя в этом? |
| 10Pavel sanui: «Minä olen nügüd' kesarin sudan edes, i tägä mindai tarbiž-ki sudida. Minä en tegend nimidä pahad evrejalaižile, kut sinä iče-ki hüvin tedad. | 10Павел сказал: я стою перед судом кесаревым, где мне и следует быть судиму. Иудеев я ничем не обидел, как и ты хорошо знаешь. |
| 11A ku minä olen vär i olen tehnu sidä, miš suditas surmale, ka en eci päzundad surmaspäi. No ku neniden mehiden väritused oma tühjad, ka niken ei voi antta mindai heiden käzihe. Minä tahtoin sudad kesarin edes.» | 11Ибо, если я неправ и сделал что-нибудь, достойное смерти, то не отрекаюсь умереть; а если ничего того нет, в чем сии обвиняют меня, то никто не может выдать меня им. Требую суда кесарева. |
| 12Fest pagiži ičeze nevondkundanke i jäl'ges sanui Pavlale: «Sinä pakičid kesarin sudad, ka mäne hänen edehe.» | 12Тогда Фест, поговорив с советом, отвечал: ты потребовал суда кесарева, к кесарю и отправишься. |
| 13Mäni äjak-se aigad, i Agrippa-kunigaz i Verenika tuliba Kesariaha sanumaha tervhensanoid Festale. | 13Через несколько дней царь Агриппа и Вереника прибыли в Кесарию поздравить Феста. |
| 14Hö oliba hänenno äi päivid, i Fest starinoiči kunigahale Pavlan azjan. Hän sanui: «Tägä om eraz mez', kudamban Feliks jäti türmha. | 14И как они провели там много дней, то Фест предложил царю дело Павлово, говоря: здесь есть человек, оставленный Феликсом в узах, |
| 15Konz minä olin Jerusalimas, evrejalaižed ülembaižed papid i vanhembad väritiba händast i pakičiba, miše hän oliži suditud. | 15на которого, в бытность мою в Иерусалиме, с жалобою явились первосвященники и старейшины Иудейские, требуя осуждения его. |
| 16Minä sanuin heile, miše nece ei ole Riman veron mödhe antta keda-ni surmale edel, ku hän nägištaiži väritajid oc ocha i saiži valdan puhtastadas väritusišpäi. | 16Я отвечал им, что у Римлян нет обыкновения выдавать какого-- нибудь человека на смерть, прежде нежели обвиняемый будет иметь обвинителей налицо и получит свободу защищаться против обвинения. |
| 17Konz hö tuliba tänna, ka minä vitkotamata, toižel-žo päiväl ištuimoi sudjansijale i käskin toda mehen minun edehe. | 17Когда же они пришли сюда, то, без всякого отлагательства, на другой же день сел я на судейское место и повелел привести того человека. |
| 18Väritajad zavodiba pagišta, no hö ei väritanugoi händast ni ühtes mugoižes azjas, midä minä varastin. | 18Обступив его, обвинители не представили ни одного из обвинений, какие я предполагал; |
| 19Hö ridliba hänenke heiden ühthižes religias i miččes-se kolnudes Iisusas, kudamban polhe Pavel sanui, miše hän om eläb. | 19но они имели некоторые споры с ним об их Богопочитании и о каком-то Иисусе умершем, о Котором Павел утверждал, что Он жив. |
| 20Minei oli jüged pätta necen azjan, i sikš küzuin hänel, tahtoib-ik hän lähtta Jerusalimha, miše sigä oliži suditud neciš azjas. | 20Затрудняясь в решении этого вопроса, я сказал: хочет ли он идти в Иерусалим и там быть судимым в этом? |
| 21No nece Pavel pakiči, miše hän oliži suditud Avgustan sudal. I minä käskin pidäda händast türmas i varjoita sihesai, kuni oigendan händast kesarinnoks.» | 21Но как Павел потребовал, чтобы он оставлен был на рассмотрение Августово, то я велел содержать его под стражею до тех пор, как пошлю его к кесарю. |
| 22Agrippa sanui Festale: «Minä-ki tahtoižin kundelta sidä mest.» «Homen sinä void kulištada händast», sanui Fest. | 22Агриппа же сказал Фесту: хотел бы и я послушать этого человека. Завтра же, отвечал тот, услышишь его. |
| 23Toižel päiväl Agrippa i Verenika kaik sur'kulu prazniksatand kerdal tuliba sudzalha. Hö tuliba sinna ühtes kogortoiden pämehidenke i lidnan ezmäižiden mehidenke. Fest käski toda Pavlan. | 23На другой день, когда Агриппа и Вереника пришли с великою пышностью и вошли в судебную палату с тысяченачальниками и знатнейшими гражданами, по приказанию Феста приведен был Павел. |
| 24Fest sanui: «Kunigaz Agrippa i tö toižed, ked olet tägä meidenke! Täs tö näget mehen, kudambad vasthapäi oma kaik evrejalaižed, kut Jerusalimas, muga tägä Kesarias-ki. Hö tartuiba minuhu i kidastiba, miše hänele ei pida enambad eläda. | 24И сказал Фест: царь Агриппа и все присутствующие с нами мужи! вы видите того, против которого всё множество Иудеев приступали ко мне в Иерусалиме и здесь и кричали, что ему не должно более жить. |
| 25No minä nägištin, miše hän ei tegend nimidä mugošt, miš voiži surmita. Ku hän iče om pakičenu sudad Avgustan edes, ka minä pätin oigeta händast sinna. | 25Но я нашел, что он не сделал ничего, достойного смерти; и как он сам потребовал суда у Августа, то я решился послать его к нему. |
| 26No minai ei ole nimiččid sel'ktoid azjoid hänes, miš kirjutada minun ižandale. Sikš olen-ki tonu händast teiden edehe — edel kaiked sinun edehe, Agrippa-kunigaz — miše sudan küzelusen jäl'ghe minai oliži, midä kirjutada. | 26Я не имею ничего верного написать о нем государю; посему привел его пред вас, и особенно пред тебя, царь Агриппа, дабы, по рассмотрении, было мне что написать. |
| 27Olen mugošt mel't, miše ei ole melevašti oigeta tabatud mest matkha ozutamata sidä, miš händast väritadas.» | 27Ибо, мне кажется, нерассудительно послать узника и не показать обвинений на него. |
Глава 25