Выбрать язык
Книги Ветхого Завета
Книги Нового Завета
без русского текстаEVANGELII JOANNAN MÖDHE | ЕВАНГЕЛИЕ ОТ ИОАННА |
Глава 13 | Глава 13 |
| 1Äipäivän praznik oli jo läheli, i Iisus tezi, miše om tulnu se aig, konz hänele tarbiž lähtta neciš miruspäi Tatannoks. Hän oli kaiken armastanu nenid, ked oliba neciš mirus hänen, i ani lophusai armasti heid. | 1Перед праздником Пасхи Иисус, зная, что пришел час Его перейти от мира сего к Отцу, явил делом, что, возлюбив Своих сущих в мире, до конца возлюбил их. |
| 2Hö oliba ehtlongičemas, konz lemboi oli jo pannu Juda Iskariotale, Simonan poigale, südäimehe meletusen, miše hän möiži Iisusad. | 2И во время вечери, когда диавол уже вложил в сердце Иуде Симонову Искариоту предать Его, |
| 3Iisus tezi, miše Tat oli andnu kaiken hänen käzihe i miše hän oli tulnu Jumalannopäi i nügüd' pidi pörtas hänennoks. | 3Иисус, зная, что Отец все отдал в руки Его, и что Он от Бога исшел и к Богу отходит, |
| 4Muga hän libui sömäspäi, heiti pälembaižen soban i sidoi vösijale pölvasižen käzipaikan. | 4встал с вечери, снял с Себя верхнюю одежду и, взяв полотенце, препоясался. |
| 5Sid' hän valoi vet pezuastijaha i pezeškanzi openikoiden jaugad i pühki ned pölvasižel käzipaikal, kudamb oli sidotud vösijale. | 5Потом влил воды в умывальницу и начал умывать ноги ученикам и отирать полотенцем, которым был препоясан. |
| 6Konz Iisus tuli Simon Petran kohtale, Petr sanui: «Ižand, ka jose sinä pezeškanded minun jaugad?» | 6Подходит к Симону Петру, и тот говорит Ему: Господи! Тебе ли умывать мои ноги? |
| 7Iisus vastsi: «Necidä, midä minä nügüd' tegen, sinä ed völ el'genda, no möhemba sen tedaškanded.» | 7Иисус сказал ему в ответ: что Я делаю, теперь ты не знаешь, а уразумеешь после. |
| 8Petr sanui hänele: «Sinä igäs ed pezeškande minun jaugoid!» Iisus sanui: «Ku minä en peze sindai, sinei ei sa olda minunke.» | 8Петр говорит Ему: не умоешь ног моих вовек. Иисус отвечал ему: если не умою тебя, не имеешь части со Мною. |
| 9Siloi Simon Petr sanui: «Ižand, ala peze vaiše jaugoid, peze mugažo käded i pä.» | 9Симон Петр говорит Ему: Господи! не только ноги мои, но и руки и голову. |
| 10Neche Iisus sanui: «Sille, kudamb om jo peznus, tarbiž pesta vaiše jaugad. I muga hän linneb kaik puhtaz. I tö olet-ki puhthad, no et kaik.» | 10Иисус говорит ему: омытому нужно только ноги умыть, потому что чист весь; и вы чисты, но не все. |
| 11Iisus tezi, ken händast möb, i sikš hän sanui: «Tö et olgoi kaik puhthad.» | 11Ибо знал Он предателя Своего, потому и сказал: не все вы чисты. |
| 12Konz Iisus oli peznu heiden jaugad i pannu päle soban, hän ištuihe möst ehtlongičemha. Hän sanui heile: «El'gendat-ik tö, midä teile tegin? | 12Когда же умыл им ноги и надел одежду Свою, то, возлегши опять, сказал им: знаете ли, что Я сделал вам? |
| 13Tö kucut mindai opendajaks i Ižandaks, i oikti teget: minä olen-ki se. | 13Вы называете Меня Учителем и Господом, и правильно говорите, ибо Я точно то. |
| 14Ku minä, teiden Ižand i Opendai, olen peznu teiden jaugad, ka teile-ki tarbiž pesta jaugad toine toižel. | 14Итак, если Я, Господь и Учитель, умыл ноги вам, то и вы должны умывать ноги друг другу. |
| 15Minä ozutin teile, miše tö-ki tegižit muga, kut minä olen tehnu teile. | 15Ибо Я дал вам пример, чтобы и вы делали то же, что Я сделал вам. |
| 16Todest tozi sanun teile: ei ole käskabunik suremb ičeze ižandad, i oigetud ei ole suremb ičeze oigendajad. | 16Истинно, истинно говорю вам: раб не больше господина своего, и посланник не больше пославшего его. |
| 17Ku tö necen tedat i tegeškandet muga, tö olet ozavad. | 17Если это знаете, блаженны вы, когда исполняете. |
| 18Minä en sanu necidä teiš kaikiš. Minä tedan, keda valičin. No necile Pühiden Kirjutusiden sanale tarbiž todenzuda: ‘Mez', kudamb söb minunke, om lendnu käden minun päle.’ | 18Не о всех вас говорю; Я знаю, которых избрал. Но да сбудется Писание: ядущий со Мною хлеб поднял на Меня пяту свою. |
| 19Minä sanun necen teile jo nügüd', edel ku se todenzub, miše siloi, konz se todenzub, tö uskoižit: nece olen minä. | 19Теперь сказываю вам, прежде нежели то сбылось, дабы, когда сбудется, вы поверили, что это Я. |
| 20Todest tozi sanun teile: ken otab ičezennoks sen, kudamban minä oigendan, ka otab ičezennoks mindai, i ken otab ičezennoks mindai, ka otab ičezennoks minun Oigendajan.» | 20Истинно, истинно говорю вам: принимающий того, кого Я пошлю, Меня принимает; а принимающий Меня принимает Пославшего Меня. |
| 21Muga Iisus pagiži. Südäintuskiš hän sanui heile: «Todest tozi sanun teile: üks' teišpäi möb mindai.» | 21Сказав это, Иисус возмутился духом, и засвидетельствовал, и сказал: истинно, истинно говорю вам, что один из вас предаст Меня. |
| 22Openikad kacuiba toine toižhe tedmata, kenen polhe hän pagiži. | 22Тогда ученики озирались друг на друга, недоумевая, о ком Он говорит. |
| 23Üks' openikoišpäi, kudambad Iisus armasti, ehtlongiči hänen rindal. | 23Один же из учеников Его, которого любил Иисус, возлежал у груди Иисуса. |
| 24Simon Petr ozuti sille, miše hän küzuiži Iisusal, kenen polhe oli pagin. | 24Ему Симон Петр сделал знак, чтобы спросил, кто это, о котором говорит. |
| 25Openik sirdihe lähemba Iisusannoks, kändihe hänehepäi i küzui: «Ižand, ken hän om?» | 25Он, припав к груди Иисуса, сказал Ему: Господи! кто это? |
| 26Iisus sanui: «Se, kenele andan necen leibsupalan.» Sid' hän painoi supalan padaha i andoi sen Juda Iskariotale, Simonan poigale. | 26Иисус отвечал: тот, кому Я, обмакнув кусок хлеба, подам. И, обмакнув кусок, подал Иуде Симонову Искариоту. |
| 27Siloi, sen supalan jäl'ghe soton mäni Judaha. Iisus sanui hänele: «Midä teget, tege teramba!» | 27И после сего куска вошел в него сатана. Тогда Иисус сказал ему: что делаешь, делай скорее. |
| 28Niken, ken oli ehtlongičemas, ei el'gendand, mikš Iisus sanui hänele muga. | 28Но никто из возлежавших не понял, к чему Он это сказал ему. |
| 29Sikš miše Judal oli ühthine kukor, erased meletiba, miše Iisus käski hänele ostta midä-ni praznikaks vai antta midä-ni gollile. | 29А как у Иуды был ящик, то некоторые думали, что Иисус говорит ему: купи, что нам нужно к празднику, или чтобы дал что-- нибудь нищим. |
| 30Juda oti necen supalan i sid'-žo läksi. Oli ö. | 30Он, приняв кусок, тотчас вышел; а была ночь. |
| 31Konz Juda läksi, Iisus sanui: «Nügüd' Mehen Poigan korged arv om tulnu sil'mnägubale i Jumalan korged arv om tulnu sil'mnägubale hänes. | 31Когда он вышел, Иисус сказал: ныне прославился Сын Человеческий, и Бог прославился в Нем. |
| 32I ku Jumalan korged arv tuleb sil'mnägubale hänes, ka Jumal-ki ozutab hänen korktan arvon ičesaze, i Jumal tegeb necen jo teravas. | 32Если Бог прославился в Нем, то и Бог прославит Его в Себе, и вскоре прославит Его. |
| 33Lapsed! Minei om jänu vähän aigad olda teidenke. Tö eciškandet mindai, no minä sanun nügüd' teile sen-žo, midä sanuin evrejalaižile: kuna minä mänen, sinna tö et voigoi putta. | 33Дети! недолго уже быть Мне с вами. Будете искать Меня, и, как сказал Я Иудеям, что, куда Я иду, вы не можете придти, так и вам говорю теперь. |
| 34Minä andan teile uden käskön: armastagat toine tošt! Muga kut minä olen armastanu teid, armastagat tö-ki toine tošt. | 34Заповедь новую даю вам, да любите друг друга; как Я возлюбил вас, так и вы да любите друг друга. |
| 35Kaik tundištaba teiš minun openikoid, ku tö armastat toine tošt.» | 35По тому узнают все, что вы Мои ученики, если будете иметь любовь между собою. |
| 36«Ižand, kuna sinä mäned?» küzui Simon Petr. Iisus sanui: «Kuna minä mänen, sinä ed voi nügüd' tulda minunke, a möhemba tuled.» | 36Симон Петр сказал Ему: Господи! куда Ты идешь? Иисус отвечал ему: куда Я иду, ты не можешь теперь за Мною идти, а после пойдешь за Мною. |
| 37Petr sanui hänele: «Ižand, mikš en voi nügüd' lähtta sinunke? Minä andan ičein hengen sinun täht.» | 37Петр сказал Ему: Господи! почему я не могу идти за Тобою теперь? я душу мою положу за Тебя. |
| 38Iisus sanui: «Andad-ik sinä ičeiž hengen minun täht? Todest tozi sanun sinei: ei ehti kukoi launda, kut sinä koumašti sanud, miše ed tunde mindai.» | 38Иисус отвечал ему: душу твою за Меня положишь? истинно, истинно говорю тебе: не пропоет петух, как отречешься от Меня трижды. |
Глава 13