Выбрать язык
Книги Ветхого Завета
Книги Нового Завета
без русского текстаEVANGELII JOANNAN MÖDHE | ЕВАНГЕЛИЕ ОТ ИОАННА |
Глава 3 | Глава 3 |
| 1Farisejiden sebras oli mez', kudamb kuctihe Nikodimaks, üks' evrejalaižiden pämehišpäi. | 1Между фарисеями был некто, именем Никодим, один из начальников Иудейских. |
| 2Hän tuli öl Iisusannoks i sanui: «Ravvi, mö tedam, miše sinä oled opendai, kudamban om oigendanu Jumal. Niken ei voi tehta mugomid tundmuztegoid kut sinä teged, ku Jumal ei ole hänenke.» | 2Он пришел к Иисусу ночью и сказал Ему: Равви! мы знаем, что Ты учитель, пришедший от Бога; ибо таких чудес, какие Ты творишь, никто не может творить, если не будет с ним Бог. |
| 3Iisus sanui: «Todest tozi sanun sinei: ku mez' ei sündu ülähänpäi, ka hän ei voi nägištada Jumalan valdkundad.» | 3Иисус сказал ему в ответ: истинно, истинно говорю тебе, если кто не родится свыше, не может увидеть Царствия Божия. |
| 4Nikodim küzui: «Kut vanh mez' voib sünduda udes? Ved' hän ei voi mända tagaze maman vacha i sünduda toižen kerdan?» | 4Никодим говорит Ему: как может человек родиться, будучи стар? неужели может он в другой раз войти в утробу матери своей и родиться? |
| 5Iisus sanui: «Todest tozi sanun sinei: ku mez' ei sündu vedespäi i Hengespäi, ka hän ei voi putta Jumalan valdkundaha. | 5Иисус отвечал: истинно, истинно говорю тебе, если кто не родится от воды и Духа, не может войти в Царствие Божие. |
| 6Mehespäi sündub mez', a Hengespäi sündub heng. | 6Рожденное от плоти есть плоть, а рожденное от Духа есть дух. |
| 7Ala čududelde, miše sanuin sinei: ‘Teile tarbiž sünduda ülähänpäi.’ | 7Не удивляйся тому, что Я сказал тебе: должно вам родиться свыше. |
| 8Heng om kuti tullei, kudamb puhub kus tahtoib. Sinä kuled sen än't, no ed teda, kuspäi se puhub i kuna se puhub. Muga tegese kaikile, ked oma sündnuded Hengespäi.» | 8Дух дышит, где хочет, и голос его слышишь, а не знаешь, откуда приходит и куда уходит: так бывает со всяким, рожденным от Духа. |
| 9«Kut nece kaik voib olda?» Nikodim küzui hänel. | 9Никодим сказал Ему в ответ: как это может быть? |
| 10Iisus sanui: «Ed-ik sinä, Izrail'an opendai, el'genda necidä? | 10Иисус отвечал и сказал ему: ты--учитель Израилев, и этого ли не знаешь? |
| 11Todest tozi sanun sinei: Mö pagižem, midä tedam, i todištam, midä olem nähnuded, a tö et otkoi meiden sanoid südäimehe. | 11Истинно, истинно говорю тебе: мы говорим о том, что знаем, и свидетельствуем о том, что видели, а вы свидетельства Нашего не принимаете. |
| 12Ku olen sanunu teile necen mirun azjoiš, a tö et uskkoi, ka kut voit uskta, ku pagižeškanden teile taivhaližiš azjoiš? | 12Если Я сказал вам о земном, и вы не верите, --как поверите, если буду говорить вам о небесном? |
| 13Niken ei ole libunu taivhaze, vaiše hän, ken om taivhaspäi tänna tulnu: Mehen Poig, kudamb om taivhas. | 13Никто не восходил на небо, как только сшедший с небес Сын Человеческий, сущий на небесах. |
| 14Muga kut Moisei rahvahatomas mas libuti kün ülähäks, muga tarbiž Mehen Poig-ki libutada ülähäks, | 14И как Моисей вознес змию в пустыне, так должно вознесену быть Сыну Человеческому, |
| 15miše ni üks', ken uskob hänehe, ei kadoiži, a saiži igähižen elon. | 15дабы всякий, верующий в Него, не погиб, но имел жизнь вечную. |
| 16Jumal om armastanu mirud muga äjal, ka andoi ičeze üksjaižen Poigan, miše ni üks', ken hänehe uskob, ei kadoiži, a saiži igähižen elon. | 16Ибо так возлюбил Бог мир, что отдал Сына Своего Единородного, дабы всякий верующий в Него, не погиб, но имел жизнь вечную. |
| 17Ei sen täht Jumal oigendand ičeze Poigad mirhu, miše sudida sidä, a sen täht, miše mir hänen kal't päzuiži pahaspäi. | 17Ибо не послал Бог Сына Своего в мир, чтобы судить мир, но чтобы мир спасен был чрез Него. |
| 18Ken uskob hänehe, ei linne suditud, no ken ei usko, om jo suditud, sikš ku ei ole usknu Jumalan üksjaižen Poigan nimehe. | 18Верующий в Него не судится, а неверующий уже осужден, потому что не уверовал во имя Единородного Сына Божия. |
| 19Sud om siš, miše lämoi om tulnu mirhu, no ičeze pahoiden tegoiden tagut mehed oma enamban navedinuded pimedad mi lämoid. | 19Суд же состоит в том, что свет пришел в мир; но люди более возлюбили тьму, нежели свет, потому что дела их были злы; |
| 20Se, kudamb tegeb pahad, ei navedi lämoid; hän ei tule lämoinnoks sikš, miše hänen pahad tegod ei pal'l'astuiži. | 20ибо всякий, делающий злое, ненавидит свет и не идет к свету, чтобы не обличились дела его, потому что они злы, |
| 21No se, kudamb eläb toden mödhe, tuleb lämoinnoks, miše hänen tegod tuližiba sil'mnägubale: ned om tehtud Jumalan edes.» | 21а поступающий по правде идет к свету, дабы явны были дела его, потому что они в Боге соделаны. |
| 22Necen jäl'ghe Iisus läksi ičeze openikoidenke Judejaha. Hän eli sigä heidenke kuverdan-se aigad i valati mehid. | 22После сего пришел Иисус с учениками Своими в землю Иудейскую и там жил с ними и крестил. |
| 23Joan mugažo valati; hän oli Enonas, läz Salimad, kus oli äi vet. Mehed tuliba sinna, i heid valatadihe. | 23А Иоанн также крестил в Еноне, близ Салима, потому что там было много воды; и приходили туда и крестились, |
| 24Joan ei olend völ tactud türmha. | 24ибо Иоанн еще не был заключен в темницу. |
| 25Kerdan Joannan openikad ridleškanziba evrejalaižidenke puhtastuzkäsköiden polhe. | 25Тогда у Иоанновых учеников произошел спор с Иудеями об очищении. |
| 26Hö mäniba Joannannoks i sanuiba: «Ravvi, nügüd' valataškanzi mugažo se mez', kudamb oli sinunke Jordanjogen toižel polel i kudamban polhe sinä hüvin todištid. Kaik mäneba hänennoks.» | 26И пришли к Иоанну и сказали ему: равви! Тот, Который был с тобою при Иордане и о Котором ты свидетельствовал, вот Он крестит, и все идут к Нему. |
| 27Joan sanui: «Mez' ei voi otta nimidä, ku hänele ei linne anttud necidä taivhaspäi. | 27Иоанн сказал в ответ: не может человек ничего принимать на себя, если не будет дано ему с неба. |
| 28Tö iče voit todištada, miše minä sanuin: ‘En minä ole Messia, a mindai oigetihe edel händast.’ | 28Вы сами мне свидетели в том, что я сказал: не я Христос, но я послан пред Ним. |
| 29Ženih om se, kudambal om nevest. No ženihon läheline mez' seižub hänen rindal i kundleb, midä hän pagižeb, i kundeltes händast lujas ihastub. Minai-ki om nügüd' mugoine ihastuz, i se om täutnus. | 29Имеющий невесту есть жених, а друг жениха, стоящий и внимающий ему, радостью радуется, слыша голос жениха. Сия-то радость моя исполнилась. |
| 30Hänele tarbiž tehtas surembaks, i minei penembaks. | 30Ему должно расти, а мне умаляться. |
| 31Hän, ken tuleb ülähänpäi, om kaikid korktemb. Hän, ken om miruspäi, om maine i pagižeb necen mirun azjoiden polhe. Hän, ken tuleb taivhaspäi, om kaikid korktemb i | 31Приходящий свыше и есть выше всех; а сущий от земли земной и есть и говорит, как сущий от земли; Приходящий с небес есть выше всех, |
| 32todištab sidä, midä om nähnu i kulnu, no niken ei ota hänen todištust südäimehe. | 32и что Он видел и слышал, о том и свидетельствует; и никто не принимает свидетельства Его. |
| 33Ken otab hänen todištusen südäimehe, ka vahvištoitab, miše Jumal pagižeb tot. | 33Принявший Его свидетельство сим запечатлел, что Бог истинен, |
| 34Ved' hän, keda Jumal om oigendanu, pagižeb Jumalan sanoid. Jumal ei anda Henged märal. | 34ибо Тот, Которого послал Бог, говорит слова Божии; ибо не мерою дает Бог Духа. |
| 35Tat armastab Poigad, i om andnu kaiken hänen käzihe. | 35Отец любит Сына и все дал в руку Его. |
| 36Ken uskob Poigha, hänel om igähine elo, no se, ken ei usko Poigha, ka ei nägišta elod, vaiše Jumalan viha jäb hänen päle.» | 36Верующий в Сына имеет жизнь вечную, а не верующий в Сына не увидит жизни, но гнев Божий пребывает на нем. |
Глава 3