Выбрать язык
Книги Ветхого Завета
Книги Нового Завета
без русского текстаEVANGELII LUKAN MÖDHE | ЕВАНГЕЛИЕ ОТ ЛУКИ |
Глава 23 | Глава 23 |
| 1Hö läksiba sigäpäi kaik ühtes i veiba Iisusan Pilatan edehe | 1И поднялось все множество их, и повели Его к Пилату, |
| 2i väritaškanziba händast. Hö sanuiba: «Mö voim sanuda vahvas, miše nece mez' segoitab meiden rahvast. Hän ei käske rahvahale maksta nalogoid kesarile i sanub, miše hän om Messia, kunigaz.» | 2и начали обвинять Его, говоря: мы нашли, что Он развращает народ наш и запрещает давать подать кесарю, называя Себя Христом Царем. |
| 3Pilat küzui Iisusal: «Oled-ik sinä evrejalaižiden kunigaz?» «Sinä sen sanuid», Iisus sanui. | 3Пилат спросил Его: Ты Царь Иудейский? Он сказал ему в ответ: ты говоришь. |
| 4Pilat sanui ülembaižile papile i rahvazkogole: «Minä en löuda nimittušt vigad, miš väritada necidä mest.» | 4Пилат сказал первосвященникам и народу: я не нахожу никакой вины в этом человеке. |
| 5No hö udes i udes saneliba ühthe änhe: «Hän semendab torad ičeze opendusel kaikiš Judejan agjoiš, Galilejaspäi tännasai.» | 5Но они настаивали, говоря, что Он возмущает народ, уча по всей Иудее, начиная от Галилеи до сего места. |
| 6Pilat kulišti sanan Galileja i küzui, om-ik mez' galilejalaine. | 6Пилат, услышав о Галилее, спросил: разве Он Галилеянин? |
| 7Konz tedišti, miše Iisus oli siš tahospäi, kudamb oli Irodan valdan al, hän oigenzi Iisusan Irodannoks, sikš miše se oli nenil päivil Jerusalimas. | 7И, узнав, что Он из области Иродовой, послал Его к Ироду, который в эти дни был также в Иерусалиме. |
| 8Irod ihastui lujas, konz nägišti Iisusan. Hän amu jo tahtoi vastata händast. Hän oli äjan kulnu Iisusan polhe i nadeihe, miše Iisus tegiži hänen sil'miš miččen-ni čudon. | 8Ирод, увидев Иисуса, очень обрадовался, ибо давно желал видеть Его, потому что много слышал о Нем, и надеялся увидеть от Него какое-нибудь чудо, |
| 9Midä hän vaiše ei küzelend Iisusal, no Iisus ei andand hänele nimittušt vastust. | 9и предлагал Ему многие вопросы, но Он ничего не отвечал ему. |
| 10Ülembaižed papid i käskištonopendajad seižuiba sigä i lujas väritiba Iisusad. | 10Первосвященники же и книжники стояли и усильно обвиняли Его. |
| 11Irod i hänen saldatad zavodiba nügüd' hondostada Iisusad i nagrda händast. Sid' Irod pani hänen päle čoman sädon i oigenzi tagaze Pilatannoks. | 11Но Ирод со своими воинами, уничижив Его и насмеявшись над Ним, одел Его в светлую одежду и отослал обратно к Пилату. |
| 12Sil päiväl Pilat i Irod tegihe sebranikoikš; nechesai hö oliba vihanikad kesknezoi. | 12И сделались в тот день Пилат и Ирод друзьями между собою, ибо прежде были во вражде друг с другом. |
| 13Pilat kogozi ühthe ülembaižid papid, valdanpidäjid i rahvast | 13Пилат же, созвав первосвященников и начальников и народ, |
| 14i sanui heile: «Tö toit necen mehen minunnoks i väritat händast, miše hän libutab rahvast pämehid vaste. Teiden aigan minä olen pagižnu hänenke i kulnu händast, no en löudand nimittušt vigad, miš tö händast väritat. | 14сказал им: вы привели ко мне человека сего, как развращающего народ; и вот, я при вас исследовал и не нашел человека сего виновным ни в чем том, в чем вы обвиняете Его; |
| 15Irod-ki ei löudand, ved' minä olin oigendanu necen mehen hänennoks. Nece mez' ei tegend nimidä, miš voiži sudida händast surmale. | 15и Ирод также, ибо я посылал Его к нему; и ничего не найдено в Нем достойного смерти; |
| 16Ezmäi minä käsken händast löda i sid' pästan valdale.» | 16итак, наказав Его, отпущу. |
| 17Hänele tarbiž-ki praznikan aigan pästta heile üks' mez' türmaspäi. | 17А ему и нужно было для праздника отпустить им одного узника. |
| 18No kaik kidastaškanziba ühthe änhe: «Surmita nece mez'! Pästa meile Varavva!» | 18Но весь народ стал кричать: смерть Ему! а отпусти нам Варавву. |
| 19Varavva oli tactud türmha sen tagut, miše libutoiti lidnan rahvast pämehid vaste i rikoi mehen. | 19Варавва был посажен в темницу за произведенное в городе возмущение и убийство. |
| 20Pilat möst pagižeškanzi, ku tahtoi pästta Iisusad. | 20Пилат снова возвысил голос, желая отпустить Иисуса. |
| 21No rahvaz kidasti: «Nagloiče, nagloiče händast!» | 21Но они кричали: распни, распни Его! |
| 22Pilat sanui heile koumanden kerdan: «Midä pahad hän om tehnu? En löudand hänes nimittušt vigad, miš voiži sudida surmale. Ezmäi minä käsken händast löda i sid' pästan valdale.» | 22Он в третий раз сказал им: какое же зло сделал Он? я ничего достойного смерти не нашел в Нем; итак, наказав Его, отпущу. |
| 23No hö kidastiba surel änel i völ lujemba pakičiba, miše Iisus oliži nagloitud. Necil kidastusel hö i ülembaižed papid saiba, midä tahtoiba. | 23Но они продолжали с великим криком требовать, чтобы Он был распят; и превозмог крик их и первосвященников. |
| 24Pilat lopuks tegi muga, kut hö pakičiba. | 24И Пилат решил быть по прошению их, |
| 25Hän andoi heile sen mehen, kudamban hö tahtoiba — mehen, kudamb oli tactud türmha rahvahan libutusen i rikondan tagut, a Iisusan hän andoi heiden valdha. | 25и отпустил им посаженного за возмущение и убийство в темницу, которого они просили; а Иисуса предал в их волю. |
| 26Konz Iisusad veškatihe sigäpäi, saldatad tabaziba tel kirinejalaižen mehen, kudamban nimi oli Simon. Hän astui lidnaha pöudolpäi; hänele käsktihe kantta rist Iisusan jäl'ghe. | 26И когда повели Его, то, захватив некоего Симона Киринеянина, шедшего с поля, возложили на него крест, чтобы нес за Иисусом. |
| 27Hänen jäl'ghe astui sur' rahvazkogo, i mugažo äi akoid, kudambad voikiba i itkiba Iisusas. | 27И шло за Ним великое множество народа и женщин, которые плакали и рыдали о Нем. |
| 28No Iisus kärauzihe heihe i sanui: «Algat voikkoi minus, Jerusaliman tütred, voikkat ičetoi dol'as i lapsiš. | 28Иисус же, обратившись к ним, сказал: дщери Иерусалимские! не плачьте обо Мне, но плачьте о себе и о детях ваших, |
| 29Tuleb aig, konz sanutas: ‘Ozavad oma ned, ked ei voigoi sada last, ozavad ned vacad, kudambad ei sündutanugoi, i nižad, kudambad lapsid ei imetanugoi!’ | 29ибо приходят дни, в которые скажут: блаженны неплодные, и утробы неродившие, и сосцы непитавшие! |
| 30Sen aigan mehed sanuba mägile: ‘Langekat meiden päle!’ i mäthile: ‘Peitkat meid!’ | 30тогда начнут говорить горам: падите на нас! и холмам: покройте нас! |
| 31I ku muga tehtas kazvajale pule, ka midä tegese kuivale?» | 31Ибо если с зеленеющим деревом это делают, то с сухим что будет? |
| 32Iisusanke surmale vedihe völ kaks' tošt mest, kaks' razbainikad. | 32Вели с Ним на смерть и двух злодеев. |
| 33Konz tuldihe tahole, kudamban kuctas Pämal'l'aks, hö nagloičiba Iisusan i kaks' pahantegijad, toižen hänen oiktale kädele, toižen hurale. | 33И когда пришли на место, называемое Лобное, там распяли Его и злодеев, одного по правую, а другого по левую сторону. |
| 34No Iisus sanui: «Tatam, prosti heid, hö ei tekoi, midä tegeba.» Saldatad taciba arbad i jagoiba Iisusan sobad kesknezoi. | 34Иисус же говорил: Отче! прости им, ибо не знают, что делают. И делили одежды Его, бросая жребий. |
| 35Rahvaz seižui i kacui. Pämehed nagroiba Iisusad. Hö sanuiba: «Toižid hän om päzutanu surmaspäi — päzutagha nügüd' ičtaze, ku hän om Messia, Jumalan valitud mez'.» | 35И стоял народ и смотрел. Насмехались же вместе с ними и начальники, говоря: других спасал; пусть спасет Себя Самого, если Он Христос, избранный Божий. |
| 36Mugažo saldatad nagroiba händast. Hö tuliba hänennoks, taričiba hänele muiktad vinad | 36Также и воины ругались над Ним, подходя и поднося Ему уксус |
| 37i sanuiba: «Ku oled evrejalaižiden kunigaz, ka päzuta ičtaiž surmaspäi.» | 37и говоря: если Ты Царь Иудейский, спаси Себя Самого. |
| 38Iisusan pän päl oli kirjutadud grekan, latinan i evrejan kelel: «Nece om evrejalaižiden kunigaz.» | 38И была над Ним надпись, написанная словами греческими, римскими и еврейскими: Сей есть Царь Иудейский. |
| 39Üks' ristas ripujiš pahantegijoišpäi nagraškanzi Iisusad. Hän sanui: «Ku sinä oled Messia, ka päzuta nügüd' ičtaiž i meid!» | 39Один из повешенных злодеев злословил Его и говорил: если Ты Христос, спаси Себя и нас. |
| 40No toine vastkarin lajiškanzi händast i sanui: «Ed-ik sinä varaida Jumalad, ved' sinä iče-ki oled suditud surmale? | 40Другой же, напротив, унимал его и говорил: или ты не боишься Бога, когда и сам осужден на то же? |
| 41No meid oikti om suditud, mö saim sen, midä meile tarbiž sada meiden tegoiden tagut, no nece mez' ei ole tehnu nimidä pahad.» | 41и мы осуждены справедливо, потому что достойное по делам нашим приняли, а Он ничего худого не сделал. |
| 42I hän sanui Iisusale: «Johtuta mindai, Ižand, konz tuled ičeiž valdkundaha.» | 42И сказал Иисусу: помяни меня, Господи, когда приидешь в Царствие Твое! |
| 43Iisus sanui: «Todeks sanun sinei: tämbei-žo sinä linned minunke rajus.» | 43И сказал ему Иисус: истинно говорю тебе, ныне же будешь со Мною в раю. |
| 44Oli jo kudenz' čas keskpäiväd, i pimed tegihe kaikes mas. Se oli ühesandehe čashusai. | 44Было же около шестого часа дня, и сделалась тьма по всей земле до часа девятого: |
| 45Päiväine sambui. I pühäkodin keskuudin rebini poleti. | 45и померкло солнце, и завеса в храме раздралась по средине. |
| 46I Iisus kirgouzi komedal änel: «Tatam, sinun käzihe minä andan ičein hengen!» Sanudes necen hän pästi hengen. | 46Иисус, возгласив громким голосом, сказал: Отче! в руки Твои предаю дух Мой. И, сие сказав, испустил дух. |
| 47Konz sadanpämez' nägišti, midä tegihe, hän ülenzoiti Jumalad i sanui: «Nece mez' todeks oli oiged.» | 47Сотник же, видев происходившее, прославил Бога и сказал: истинно человек этот был праведник. |
| 48I kaik nene mehed, kudambad surel kogol oliba keradanus kacmaha, necen nägištades pördihe kodihe i löiba ičtaze rindhiže. | 48И весь народ, сшедшийся на сие зрелище, видя происходившее, возвращался, бия себя в грудь. |
| 49Kaik Iisusan tutabad seižuiba i edahanpäi kacuiba, midä tegihe. Sigä oliba mugažo naižed, kudambad oliba hänenke tulnuded Galilejaspäi. | 49Все же, знавшие Его, и женщины, следовавшие за Ним из Галилеи, стояли вдали и смотрели на это. |
| 50Üks' Nevondkundan mez', Josif, hüvätabaine i oiged mez', | 50Тогда некто, именем Иосиф, член совета, человек добрый и правдивый, |
| 51ei ühtnend Nevondkundan sudha i sihe, midä hö tegiba Iisusale. Hän oli evrejalaižes Arimafejan lidnaspäi i varasti Jumalan valdkundad. | 51не участвовавший в совете и в деле их; из Аримафеи, города Иудейского, ожидавший также Царствия Божия, |
| 52Hän tuli Pilatannoks i pakiči Iisusan hibjad. | 52пришел к Пилату и просил тела Иисусова; |
| 53Hän heiti sen ristaspäi, käri pölvazkanghaze i pani haudha, kudamb oli kaidud kal'l'oho i kudambaha völ nikeda ei olend mahapandud. | 53и, сняв его, обвил плащаницею и положил его в гробе, высеченном в скале, где еще никто не был положен. |
| 54Oli pätnič, evrejalaine sobat oli zavodimas. | 54День тот был пятница, и наступала суббота. |
| 55Naižed-ki, ked oliba tulnuded Iisusanke Galilejaspäi, läksiba Josifan jäl'ghe. Hö nägiba kal'l'kauman i sen, kut Iisusan hibj pandihe sinna. | 55Последовали также и женщины, пришедшие с Иисусом из Галилеи, и смотрели гроб, и как полагалось тело Его; |
| 56Hö pördihe lidnaha i tegiba void i čomahajuižid voiškid, i sobatan hö oliba lebul käskišton mödhe. | 56возвратившись же, приготовили благовония и масти; и в субботу остались в покое по заповеди. |
Глава 23