Выбрать язык
Книги Ветхого Завета
Книги Нового Завета
без русского текстаEVANGELII LUKAN MÖDHE | ЕВАНГЕЛИЕ ОТ ЛУКИ |
Глава 12 | Глава 12 |
| 1Sen aigan kogozihe äi tuhid rahvast, i hö polgiba toine toižen päle. Iisus zavodi ezmäi pagišta openikoile: «Varaikat farisejiden muigotest, necidä heiden koiverdelust. | 1Между тем, когда собрались тысячи народа, так что теснили друг друга, Он начал говорить сперва ученикам Своим: берегитесь закваски фарисейской, которая есть лицемерие. |
| 2Ei ole nimidä süväs peittud, mi ei tuliži sil'mnägubale, i ei ole nimidä peitolišt, mi ei tegižihe kaikile tetabaks. | 2Нет ничего сокровенного, что не открылось бы, и тайного, чего не узнали бы. |
| 3I muga se, midä tö sanuit pimedas, kuldas päivänvauktal, i midä šuhaižit kodiseiniden keskes, se koval änel saneldas katusilpäi.» | 3Посему, что вы сказали в темноте, то услышится во свете; и что говорили на ухо внутри дома, то будет провозглашено на кровлях. |
| 4«Minä sanun teile, minun sebranikad: Algat varaikoi nenid, kudambad rikoba hibjan, a jäl'ghepäi ei voigoi tehta nimidä enambad. | 4Говорю же вам, друзьям Моим: не бойтесь убивающих тело и потом не могущих ничего более сделать; |
| 5Kulgat, keda teile tarbiž varaita. Varaikat händast, kenel om vald ei vaiše rikta mest, no lükäita händast adhu-ki. Ka, sanun teile: händast teile tarbiž varaita. | 5но скажу вам, кого бояться: бойтесь того, кто, по убиении, может ввергнуть в геенну: ей, говорю вам, того бойтесь. |
| 6Voib ostta viž paskačud kahtes grošas, no ni üht niišpäi Jumal ei ole unohtanu. | 6Не пять ли малых птиц продаются за два ассария? и ни одна из них не забыта у Бога. |
| 7A teil kaikutte hibuz-ki päs om lugetud. Sikš algat varaikoi. Ved' tö olet kal'hembad mi kaik paskačud. | 7А у вас и волосы на голове все сочтены. Итак не бойтесь: вы дороже многих малых птиц. |
| 8Minä sanun teile: Ken sanub rahvahan edes, miše hän om minun läheline, sidä Mehen Poig-ki kucuškandeb läheližeks Jumalan angeloiden edes. | 8Сказываю же вам: всякого, кто исповедает Меня пред человеками, и Сын Человеческий исповедает пред Ангелами Божиими; |
| 9No ken rahvahan edes sanub, miše hän ei ole minun, ka sidä minä-ki en sanu minun läheližeks Jumalan angeloiden edes. | 9а кто отвергнется Меня пред человеками, тот отвержен будет пред Ангелами Божиими. |
| 10I kaikuččele, kudamb sanub midä-ni pahad Mehen Poigad vaste, se linneb prostitud, no sille, kudamb sanub pahoid sanoid Pühäd Henged vaste, sille ei linne prostindad. | 10И всякому, кто скажет слово на Сына Человеческого, прощено будет; а кто скажет хулу на Святаго Духа, тому не простится. |
| 11Konz teid vedas suimpertihe vai pämehiden libo valdanpidäjiden edehe, algat holdugoi siš, kut polestat ičtatoi i midä sanut. | 11Когда же приведут вас в синагоги, к начальствам и властям, не заботьтесь, как или что отвечать, или что говорить, |
| 12Konz se aig tuleb, Pühä Heng nevob, midä teile tarbiž sanuda.» | 12ибо Святый Дух научит вас в тот час, что должно говорить. |
| 13Eraz mez' rahvazkogospäi sanui Iisusale: «Opendai, sanu minun vellele, miše hän jagaiži tatan jäl'gestusen minunke.» | 13Некто из народа сказал Ему: Учитель! скажи брату моему, чтобы он разделил со мною наследство. |
| 14Iisus sanui sille mehele: «Olen-ik minä pandud tänna, miše olda teiden sudjan vai jagajan?» | 14Он же сказал человеку тому: кто поставил Меня судить или делить вас? |
| 15Sid' hän sanui heile kaikile: «Kackat, varaikat ažlakut, sikš ku mehen elo ei ripu hänen bohatusespäi.» | 15При этом сказал им: смотрите, берегитесь любостяжания, ибо жизнь человека не зависит от изобилия его имения. |
| 16I hän sanui heile ozoitezstarinan:«Oli elokaz mez', kudamban pöudol kazvoi äi hüväd villäd. | 16И сказал им притчу: у одного богатого человека был хороший урожай в поле; |
| 17Hän meleti: ‘Midä tegižin? Kuna minä mülütaižin necen villän?’ | 17и он рассуждал сам с собою: что мне делать? некуда мне собрать плодов моих? |
| 18Hän sanui: ‘Minä tegen muga: murendan aitad i tegen niiden sijale surembad. Sinna minä keradan kaiken villän i kaiken toižen-ki minun kodielon. | 18И сказал: вот что сделаю: сломаю житницы мои и построю большие, и соберу туда весь хлеб мой и всё добро мое, |
| 19Sid' sanun ičelein: Sinai om nügüd' kaiked! Kaiked hüväd om pandud varha äjikš vozikš. Lebaite nügüd', sö, jo i ihastu!’ | 19и скажу душе моей: душа! много добра лежит у тебя на многие годы: покойся, ешь, пей, веселись. |
| 20No Jumal sanui hänele: ‘Voi sinä, meletoi! Necil öl sinun heng ottas. I kenele jäb se, min oled pannu varha?’ | 20Но Бог сказал ему: безумный! в сию ночь душу твою возьмут у тебя; кому же достанется то, что ты заготовил? |
| 21Muga linneb kaikuččele, ken keradab bohatust ičeleze, no kenel ei ole bohatust Jumalanno.» | 21Так бывает с тем, кто собирает сокровища для себя, а не в Бога богатеет. |
| 22Iisus sanui ičeze openikoile: «Sen täht minä sanun teile: algat holdugoi ičetoi henges, siš midä söižit, algat holdugoi ičetoi hibjas, midä panda päle. | 22И сказал ученикам Своим: посему говорю вам, --не заботьтесь для души вашей, что вам есть, ни для тела, во что одеться: |
| 23Ved' heng om enamban mi söm' i hibj enamban mi sobad. | 23душа больше пищи, и тело--одежды. |
| 24Kackat kroikoihe: ned ei semekoi i ei rahngoi, ei ole niil aitoid, a Jumal sötab niid. No tö olet arvokahambad mi lindud! | 24Посмотрите на воронов: они не сеют, не жнут; нет у них ни хранилищ, ни житниц, и Бог питает их; сколько же вы лучше птиц? |
| 25Ken teišpäi voib holil pidenzoitta ičeze elod vaiše ühteks käzivardeks? | 25Да и кто из вас, заботясь, может прибавить себе роста хотя на один локоть? |
| 26I ku tö et voigoi tehta mugošt pen't azjad, ka midä völ holitat toižid? | 26Итак, если и малейшего сделать не можете, что заботитесь о прочем? |
| 27Kackat änikoihe, kut ned kazvaba maspäi: ned ei rakoi i ei kezerkoi. Minä sanun teile: Solomon-kunigaz-ki kaikes ičeze hoštoteses ei olend sädatadud muga, kut kaikutte niišpäi. | 27Посмотрите на лилии, как они растут: не трудятся, не прядут; но говорю вам, что и Соломон во всей славе своей не одевался так, как всякая из них. |
| 28I ku Jumal ninga sobitab heinän, kudamb tämbei kazvab normel, a homen linneb tactud päčhe, ka sidä enamban hän sobitab teid, vähäuskojad! | 28Если же траву на поле, которая сегодня есть, а завтра будет брошена в печь, Бог так одевает, то кольми паче вас, маловеры! |
| 29Algat eckoi, midä söižit i joižit. Algat olgoi holiš. | 29Итак, не ищите, что вам есть, или что пить, и не беспокойтесь, |
| 30Kaiken necen ecib-ki mirun rahvaz. Ved' teiden Tat tedab, miše sidä teile tarbiž. | 30потому что всего этого ищут люди мира сего; ваш же Отец знает, что вы имеете нужду в том; |
| 31Eckat hänen valdkundad, siloi tö sat kaiken necen-ki. | 31наипаче ищите Царствия Божия, и это всё приложится вам. |
| 32Algat varaikoi, hot' teid om vähä. Teiden Tat tahtoib antta teile valdkundan. | 32Не бойся, малое стадо! ибо Отец ваш благоволил дать вам Царство. |
| 33Mögat, midä teil om, i antkat gollile. Sagat kukroižed, kudambad ei kulugoi, kerakat kal'hut taivhaze, sigä se ei vähene. Sinna vargaz ei tule i kojeg ei sö. | 33Продавайте имения ваши и давайте милостыню. Приготовляйте себе влагалища не ветшающие, сокровище неоскудевающее на небесах, куда вор не приближается и где моль не съедает, |
| 34Kus oma teiden kal'huded, sigä linneb teiden südäin-ki.» | 34ибо где сокровище ваше, там и сердце ваше будет. |
| 35«Olgat kaiken vaumhed i palagaha teil lämoi lampoiš. | 35Да будут чресла ваши препоясаны и светильники горящи. |
| 36Olgat mugoižed kut käskabunikad, kudambad varastaba ičeze ižandad sajaspäi: hö oma vaumhed sid'-žo avaidamha uksen, konz hän tuleb i kolkotab. | 36И вы будьте подобны людям, ожидающим возвращения господина своего с брака, дабы, когда придёт и постучит, тотчас отворить ему. |
| 37Ozavad oma ned käskabunikad, kudambid ižand löudab herkhil, konz pördase! Todeks sanun teile: hän vöstase, kucub heid stolan taga i iče zavodib adivoičetada heid. | 37Блаженны рабы те, которых господин, придя, найдёт бодрствующими; истинно говорю вам, он препояшется и посадит их, и, подходя, станет служить им. |
| 38I ku tuliži hän toižen vai koumanden övarjoičendaigan i löudaiži heid herkhil, ka ozavad oma ned käskabunikad! | 38И если придет во вторую стражу, и в третью стражу придет, и найдет их так, то блаженны рабы те. |
| 39Ved' tö el'gendat, miše ku pertin ižand tedaiži, miččel ön aigal vargaz tuleb, ka hän oliži herkhil i ei andaiži varghale putta kodihe. | 39Вы знаете, что если бы ведал хозяин дома, в который час придет вор, то бодрствовал бы и не допустил бы подкопать дом свой. |
| 40Olgat tö-ki vaumhed, sikš ku Mehen Poig tuleb ani sen aigan, konz tö et meletagoi-ki.» | 40Будьте же и вы готовы, ибо, в который час не думаете, приидет Сын Человеческий. |
| 41Petr sanui: «Ižand, sanuid-ik sinä necen ozoitezstarinan vaiše meile, vai kaikile?» | 41Тогда сказал Ему Петр: Господи! к нам ли притчу сию говоришь, или и ко всем? |
| 42Ižand sanui vastha: «Ken om uskoline i melekaz pertinpidäi, kudambad ižand paneb holdumaha kaikiš käskabunikoiš i jagamaha heile leibäd märitud aigan? | 42Господь же сказал: кто верный и благоразумный домоправитель, которого господин поставил над слугами своими раздавать им в своё время меру хлеба? |
| 43Ozav om se pertinpidäi, kudamb tegeb muga, i hänen ižand pörttes nägištab sen! | 43Блажен раб тот, которого господин его, придя, найдет поступающим так. |
| 44Todeks sanun teile: hän paneb händast kaiken ičeze kodielon kacujaks. | 44Истинно говорю вам, что над всем имением своим поставит его. |
| 45No ku pertinpidäi meletab: ‘Ižandad ei linne völ pit'kha’ da zavodib löda käskabunikoid — mužikoid i akoid —, söda, joda i humaloita, | 45Если же раб тот скажет в сердце своем: не скоро придет господин мой, и начнет бить слуг и служанок, есть и пить и напиваться, -- |
| 46ka sen päivän, kudambad nece pertinpidäi ei varasta, sen aigan, kudambad hän ei teda, tuleb ižand i löb händast surmhasai, i andab hänele mugoižen-žo sijan, kut uskmatomile-ki. | 46то придет господин раба того в день, в который он не ожидает, и в час, в который не думает, и рассечет его, и подвергнет его одной участи с неверными. |
| 47Ku käskabunik tedab, midä hänen ižand tahtoib, no ei ole vaumiž i ei tege ižandan tahton mödhe, ka händast lujas löškatas. | 47Раб же тот, который знал волю господина своего, и не был готов, и не делал по воле его, бит будет много; |
| 48No ku käskabunik tedmata tegeb mugošt, min tagut lödas, ka händast löškatas vähemba. Kenele om äi anttud, silpäi äi küzutas-ki, i kenele om äi anttud ižandoitmaha, hänelpäi kovemba pakitas.» | 48а который не знал, и сделал достойное наказания, бит будет меньше. И от всякого, кому дано много, много и потребуется, и кому много вверено, с того больше взыщут. |
| 49«Lämoid minä olen tulnu tomha man päle — i lujas tahtoižin, miše se jo oliži süttunu! | 49Огонь пришел Я низвести на землю, и как желал бы, чтобы он уже возгорелся! |
| 50No minei pidab völ valatadas valatusel — i kut äi minä tirpan ahtištust, kuni kaik se tegese! | 50Крещением должен Я креститься; и как Я томлюсь, пока сие совершится! |
| 51Meletat-ik, miše olen tulnu tomha male kožmust? En — sanun teile — vaiše ridad! | 51Думаете ли вы, что Я пришел дать мир земле? Нет, говорю вам, но разделение; |
| 52Neciš aigaspäi vižmehine kanz jagase: koume mest — kaht vaste, a kaks' — koumed vaste. | 52ибо отныне пятеро в одном доме станут разделяться, трое против двух, и двое против трех: |
| 53Tat linneb poigad vaste, poig — tatad, mam — tütärt i tütär — mamad, anop' — milläd i mil'l' anoped vaste.» | 53отец будет против сына, и сын против отца; мать против дочери, и дочь против матери; свекровь против невестки своей, и невестка против свекрови своей. |
| 54Iisus sanui rahvahale:«Konz tö nägištat pil'ven päivlaskmpolespäi, sid'-žo sanut: ‘Vihmuškandeb,’ i muga linneb-ki. | 54Сказал же и народу: когда вы видите облако, поднимающееся с запада, тотчас говорите: дождь будет, и бывает так; |
| 55I konz puhub suvitullei, tö sanut: ‘Räkpäiv linneb’ i muga linneb-ki. | 55и когда дует южный ветер, говорите: зной будет, и бывает. |
| 56Tö, koiverdelijad! Man i taivhan znamad tö mahtat lugeda, no kutak et mahtkoi tundištada necidä aigad? | 56Лицемеры! лице земли и неба распознавать умеете, как же времени сего не узнаете? |
| 57Mikš tö et mahtkoi iče pätta, mi om oikti? | 57Зачем же вы и по самим себе не судите, чему быть должно? |
| 58Konz astud sudha sinun ridanikanke, tege matkas kaik, miše kožudas hänenke. Muite hän tob sindai sudjannoks, a sudj andab varjoičijale, kudamb tacib sindai türmha! | 58Когда ты идешь с соперником своим к начальству, то на дороге постарайся освободиться от него, чтобы он не привел тебя к судье, а судья не отдал тебя истязателю, а истязатель не вверг тебя в темницу. |
| 59Usko minei: sigäpäi sinä ed lähte, edel ku ed maksa kaiken jäl'gmäižehe grošahasai.» | 59Сказываю тебе: не выйдешь оттуда, пока не отдашь и последней полушки. |
Глава 12