Выбрать язык
Книги Ветхого Завета
Книги Нового Завета
без русского текстаEVANGELII MARKAN MÖDHE | ЕВАНГЕЛИЕ ОТ МАРКА |
Глава 15 | Глава 15 |
| 1Aigoiš homendesel ülembaižed papid, rahvahan vanhembad, käskištonopendajad i kaik Nevondkund pagižiba kesknezoi, sidoiba Iisusan, veiba sigäpäi i andoiba Pilatale. | 1Немедленно поутру первосвященники со старейшинами и книжниками и весь синедрион составили совещание и, связав Иисуса, отвели и предали Пилату. |
| 2Pilat küzui Iisusal: «Oled-ik sinä evrejalaižiden kunigaz?» «Sinä sen sanuid», Iisus sanui. | 2Пилат спросил Его: Ты Царь Иудейский? Он же сказал ему в ответ: ты говоришь. |
| 3Ülembaižed papid väritiba händast äjiš azjoiš. | 3И первосвященники обвиняли Его во многом. |
| 4Pilat möst küzui: «Mikš ed sanu vastha nimidä? Kuled ved', miš kaikes hö sindai väritaba?» | 4Пилат же опять спросил Его: Ты ничего не отвечаешь? видишь, как много против Тебя обвинений. |
| 5No Iisus enamba nimidä ei sanund vastha, i Pilat čududelihe. | 5Но Иисус и на это ничего не отвечал, так что Пилат дивился. |
| 6Praznikan aigan hän kaiken pästli ühten mehen, kudamb oli türmas, sen, kudamban rahvaz pakiči. | 6На всякий же праздник отпускал он им одного узника, о котором просили. |
| 7Sil kerdal türmas oli mehid, kudambad libuiba pämehid vastha i toran aigan rikoiba mehen. Heiden keskes oli mez', kudamb kuctihe Varavvaks. | 7Тогда был в узах некто, по имени Варавва, со своими сообщниками, которые во время мятежа сделали убийство. |
| 8Rahvaz zavodi kidastada i pakita Pilatad siš, midä hän edel-ki tehli heiden täht. | 8И народ начал кричать и просить Пилата о том, что он всегда делал для них. |
| 9Pilat küzui heil: «Tahtoit-ik, miše pästaižin teile evrejalaižiden kunigahan?» | 9Он сказал им в ответ: хотите ли, отпущу вам Царя Иудейского? |
| 10Ved' hän el'genzi, miše ülembaižed papid kadehen tagut oliba andnuded Iisusan hänen käzihe. | 10Ибо знал, что первосвященники предали Его из зависти. |
| 11No ülembaižed papid hus'utiba rahvast pakičemha heile paremba Varavvan. | 11Но первосвященники возбудили народ просить, чтобы отпустил им лучше Варавву. |
| 12Pilat völ küzui heid: «A midä tö tahtoit, miše minä tegižin sille, kudamban tö kucut evrejalaižiden kunigahaks?» | 12Пилат, отвечая, опять сказал им: что же хотите, чтобы я сделал с Тем, Которого вы называете Царем Иудейским? |
| 13Hö möst kidastaškanziba: «Nagloiče ristha!» | 13Они опять закричали: распни Его. |
| 14«Midä pahad hän om tehnu?» küzui Pilat. No hö kidastiba völ-ki lujemba: «Nagloiče ristha nece mez'!» | 14Пилат сказал им: какое же зло сделал Он? Но они еще сильнее закричали: распни Его. |
| 15Miše olda hüvän rahvahale Pilat pästi Varavvan, a Iisusan hän käski löda kunutoil i nagloita ristha. | 15Тогда Пилат, желая сделать угодное народу, отпустил им Варавву, а Иисуса, бив, предал на распятие. |
| 16Saldatad veiba Iisusan manižandan Pilatan horomoihe i kucuiba sinna kaikid ičeze sebran saldatoid. | 16А воины отвели Его внутрь двора, то есть в преторию, и собрали весь полк, |
| 17Hö sädatiba händast purpuranrusktaha sädoho, tegiba ternan barboišpäi vencan i paniba sen hänen pähä. | 17и одели Его в багряницу, и, сплетши терновый венец, возложили на Него; |
| 18Hö zavodiba sanuda hänele tervhensanoid: «Tervhen eläd, evrejalaižiden kunigaz!» | 18и начали приветствовать Его: радуйся, Царь Иудейский! |
| 19Hö löiba händast kaluil, sül'giba hänehe, kombištuiba i kumardelihe hänele. | 19И били Его по голове тростью, и плевали на Него, и, становясь на колени, кланялись Ему. |
| 20Muga nagroiba händast, jäl'ges heitiba hänespäi purpuranrusktan sädon, sobitiba händast ičeze sobihe i veškanziba nagloičemha ristha. | 20Когда же насмеялись над Ним, сняли с Него багряницу, одели Его в собственные одежды Его и повели Его, чтобы распять Его. |
| 21Saldatad käskiba Iisusan ristad kantta erasele siričimänijale, kudamb astui küläspäi lidnaha. Hän oli Simon, Kirinejan eläi, Aleksandran i Rufan tat. | 21И заставили проходящего некоего Киринеянина Симона, отца Александрова и Руфова, идущего с поля, нести крест Его. |
| 22Hö veiba Iisusan tahole, kudamban nimi oli Golgofa, mi znamoičeb Pämal'l'ansija. | 22И привели Его на место Голгофу, что значит: Лобное место. |
| 23Hö taričiba hänele vinad, kudamb oli segoitadud smirnanke, no hän ei otand sidä. | 23И давали Ему пить вино со смирною; но Он не принял. |
| 24Jäl'ges hö nagloičiba händast ristha i jagoiba kesknezoi hänen sobad, tacliba arban, ken midä sab. | 24Распявшие Его делили одежды Его, бросая жребий, кому что взять. |
| 25Oli koumanz' čas, konz hö nagloičiba händast ristha. | 25Был час третий, и распяли Его. |
| 26Ülähäks ristale oli kirjutadud hänen viga: «Evrejalaižiden kunigaz». | 26И была надпись вины Его: Царь Иудейский. |
| 27Hänenke nagloitihe völ kaks' razbainikad, toižen oiktale, toižen hurale kädele. | 27С Ним распяли двух разбойников, одного по правую, а другого по левую сторону Его. |
| 28Muga tegihe kut oli sanutud Pühiš Kirjutusiš: «Händast lugetihe razbainikaks.» | 28И сбылось слово Писания: и к злодеям причтен. |
| 29Siričimänijad nagroiba händast. Likutaden päl hö saneliba: «Kac, sinä pühäkodin murendai i koumes päiväs sauvoi! | 29Проходящие злословили Его, кивая головами своими и говоря: э! разрушающий храм, и в три дня созидающий! |
| 30Ka päzuta nügüd' ičtaiž, tule alahaks ristaspäi!» | 30спаси Себя Самого и сойди со креста. |
| 31Ülembaižed papid zavodiba mugažo nagrda ühtes käskištonopendajidenke. Hö pagižiba kesknezoi: «Toižid hän päzuti, no ičtaze ei voi päzutada. | 31Подобно и первосвященники с книжниками, насмехаясь, говорили друг другу: других спасал, а Себя не может спасти. |
| 32Tulgha nügüd' alahaks ristaspäi, Messia, Izrail'an kunigaz, miše nägižim i zavodižim uskta!» Ned-ki, ked oli nagloitud ristha ühtes hänenke, lajiba händast. | 32Христос, Царь Израилев, пусть сойдет теперь с креста, чтобы мы видели, и уверуем. И распятые с Ним поносили Его. |
| 33Keskpäiväd, kudendel časul, tegihe pimed kaikes mas, i nece oli ühesandehe čashusai. | 33В шестом же часу настала тьма по всей земле и продолжалась до часа девятого. |
| 34Ühesandel časul Iisus kirgouzi komedal änel: «Eloi, Eloi, lamma savahfani?», mi znamoičeb ‘Minun Jumal, minun Jumal, mikš jätid mindai?’ | 34В девятом часу возопил Иисус громким голосом: Элои! Элои! ламма савахфани? --что значит: Боже Мой! Боже Мой! для чего Ты Меня оставил? |
| 35Erased sil tahol seižujad sanuiba: «Kulgat, hän kucub Iljad.» | 35Некоторые из стоявших тут, услышав, говорили: вот, Илию зовет. |
| 36Üks' mez' joksi i kastoi gupkan muiktaha vinha, pani sen kalun pähä, tariči Iisusale joda i sanui: «Anda-ške, kacum, tuleb-ik Ilja otmaha händast alahaks.» | 36А один побежал, наполнил губку уксусом и, наложив на трость, давал Ему пить, говоря: постойте, посмотрим, придет ли Илия снять Его. |
| 37No Iisus kirgouzi komedal änel i pästi hengen. | 37Иисус же, возгласив громко, испустил дух. |
| 38Siloi pühäkodin keskuudin rebitihe poleti ülähänpäi alahakssai. | 38И завеса в храме раздралась надвое, сверху донизу. |
| 39Konz ristan kohtas seižui sadanpämez' nägišti, miše Iisus muga kirgouzi i pästi hengen, ka hän sanui: «Nece mez' oli todeks Jumalan Poig!» | 39Сотник, стоявший напротив Его, увидев, что Он, так возгласив, испустил дух, сказал: истинно Человек Сей был Сын Божий. |
| 40Sid' oliba mugažo naižed, kudambad kacuiba necidä edahanpäi. Heiden keskes oliba Magdalan Maria, i toine Maria, kudamb oli noremban Jakovan i Josijan mam, i Salomia. | 40Были тут и женщины, которые смотрели издали: между ними была и Мария Магдалина, и Мария, мать Иакова меньшего и Иосии, и Саломия, |
| 41Siloi-ki, konz Iisus oli Galilejas, hö oliba kävelnuded hänenke i pidänuded hol't hänes. Sigä oli äi toižid-ki naižid, kudambad oliba tulnuded Jerusalimha Iisusanke. | 41которые и тогда, как Он был в Галилее, следовали за Ним и служили Ему, и другие многие, вместе с Ним пришедшие в Иерусалим. |
| 42Päiv sirdihe ehthapäi, oli pätnič, vaumištandpäiv. | 42И как уже настал вечер, --потому что была пятница, то есть день перед субботою, -- |
| 43Sinna tuli Josif, Arimafejan eläi, lujas arvokaz Nevondkundan mez', kudamb iče-ki varasti Jumalan valdkundad. Hän rohti mända Pilatannoks pakičemha Iisusan hibjad. | 43пришел Иосиф из Аримафеи, знаменитый член совета, который и сам ожидал Царствия Божия, осмелился войти к Пилату, и просил тела Иисусова. |
| 44Pilat čududelihe, miše Iisus jo koli. Hän kucui sadanpämehen i küzui, amu-k hän om kolnu. | 44Пилат удивился, что Он уже умер, и, призвав сотника, спросил его, давно ли умер? |
| 45Tedištades necen sadanpämehespäi hän andoi Josifale otta hibjan. | 45И, узнав от сотника, отдал тело Иосифу. |
| 46Josif osti pölvazkangast, heiti Iisusan ristaspäi, käri händast pölvazkanghaze i pani haudha, kudamb oli kaidud kal'l'oho. Haudan hän saupsi kivel. | 46Он, купив плащаницу и сняв Его, обвил плащаницею, и положил Его во гробе, который был высечен в скале, и привалил камень к двери гроба. |
| 47Magdalan Maria i Maria, Josijan mam, kacuiba, kuna Iisus pandihe maha. | 47Мария же Магдалина и Мария Иосиева смотрели, где Его полагали. |
Глава 15