Выбрать язык
Книги Ветхого Завета
Книги Нового Завета
без русского текстаEVANGELII MATVEJAN MÖDHE | ЕВАНГЕЛИЕ ОТ МАТФЕЯ |
Глава 24 | Глава 24 |
| 1Konz Iisus läksi pühäkodišpäi irdale i tahtoi jo mända, hänennoks tuliba openikad, miše ozutada pühäkodin pertid. | 1И выйдя, Иисус шел от храма; и приступили ученики Его, чтобы показать Ему здания храма. |
| 2No Iisus sanui heile: «Näget-ik kaiken necen? Todeks sanun teile: tänna ei jä kived kiven päle, kaik linneb pandud mantazale.» | 2Иисус же сказал им: видите ли всё это? Истинно говорю вам: не останется здесь камня на камне; всё будет разрушено. |
| 3Konz Iisus ištui Voipunmägel üksnäze, openikad tuliba hänennoks i küzuiba: «Sanu meile: konz kaik nece linneb? Mitte znam ozutab sinun tulendad i necen mirun lopud?» | 3Когда же сидел Он на горе Елеонской, то приступили к Нему ученики наедине и спросили: скажи нам, когда это будет? и какой признак Твоего пришествия и кончины века? |
| 4Iisus sanui: «Olgat herkhil, miše niken ei veiži teid vigaha. | 4Иисус сказал им в ответ: берегитесь, чтобы кто не прельстил вас, |
| 5Äjad tuleba minun nimes i sanuba, miše hö oma minä. Hö sanuba: ‘Minä olen Messia’ i veba äi rahvast vigaha. | 5ибо многие придут под именем Моим, и будут говорить: `Я Христос', и многих прельстят. |
| 6Tö kulištat toran änid i vestid voinan polhe, no algat pöl'gästugoi. Necile kaikele tarbiž olda, no nece völ ei linne lop. | 6Также услышите о войнах и о военных слухах. Смотрите, не ужасайтесь, ибо надлежит всему тому быть, но это еще не конец: |
| 7Rahvaz libuškandeb tošt rahvast vaste, i ma mad vaste, i äjiš sijoiš linneb näl'gäd, lendajid kibuid i manrehkaidusid. | 7ибо восстанет народ на народ, и царство на царство; и будут глады, моры и землетрясения по местам; |
| 8No nece kaik om vaiše kuti sündutandan kibuiden zavodind. | 8всё же это--начало болезней. |
| 9Siloi teid anttas mokita, teid rikoškatas, i kaik rahvahad kandaškandeba vihan teiden päle minun nimen tagut. | 9Тогда будут предавать вас на мучения и убивать вас; и вы будете ненавидимы всеми народами за имя Мое; |
| 10Siloi äjad hül'gäidaba uskondan, hö möškandeba toine tošt i kandaškandeba vihan toine toižen päle. | 10и тогда соблазнятся многие, и друг друга будут предавать, и возненавидят друг друга; |
| 11Siloi tuleb äi tühjid sanankandajid, i hö veba äi rahvast vigaha. | 11и многие лжепророки восстанут, и прельстят многих; |
| 12I ku paha sureneb, äjiden armastuz vilugandeb. | 12и, по причине умножения беззакония, во многих охладеет любовь; |
| 13No ken püžub vahvas lophusai, se päzub igähižehe eloho. | 13претерпевший же до конца спасется. |
| 14Nece hüvä vest' valdkundan polhe sanuškatas kaikjal mirus, todištuseks kaikile rahvahile, i vaiše siloi tuleb lop.» | 14И проповедано будет сие Евангелие Царствия по всей вселенной, во свидетельство всем народам; и тогда придет конец. |
| 15«A konz nägištat pühäs sijas paganan opakon azjan, kudamban polhe oli sanunu Jumalan sanankandai Daniil» — el'gekaha lugii necen! — | 15Итак, когда увидите мерзость запустения, реченную через пророка Даниила, стоящую на святом месте, --читающий да разумеет, -- |
| 16«siloi kaikile, ked eläba Judejas, tarbiž pageta mägile. | 16тогда находящиеся в Иудее да бегут в горы; |
| 17Ken om katusel, ka algha mängoi otmaha tavaroid pertišpäi, | 17и кто на кровле, тот да не сходит взять что-нибудь из дома своего; |
| 18i ken om pöudos, ka algha pörtkoiš otmaha sobad kerdale. | 18и кто на поле, тот да не обращается назад взять одежды свои. |
| 19Voi nenid, kudambad nenil päivil oma kohtukahad vai imetaba lapsid! | 19Горе же беременным и питающим сосцами в те дни! |
| 20Loičkat, miše teiden pago ei oliži tal'vel vai sobatan. | 20Молитесь, чтобы не случилось бегство ваше зимою или в субботу, |
| 21Ahtištuz linneb mugoine sur', ningošt ei ole olnu mirun tegemižespäi neche aighasai i ei linne-ki nikonz. | 21ибо тогда будет великая скорбь, какой не было от начала мира доныне, и не будет. |
| 22I ku Jumal ei lühendaiži necidä aigad, ka ni üks' mez' ei voiži kaitas. No valitud mehiden täht se aig linneb lühetud. | 22И если бы не сократились те дни, то не спаслась бы никакая плоть; но ради избранных сократятся те дни. |
| 23I ku ken-ni siloi sanub teile: ‘Tägä om Messia,’ vai: ‘Hän om sigä,’ algat uskkoi. | 23Тогда, если кто скажет вам: вот, здесь Христос, или там, --не верьте. |
| 24Ved' tuleb tühjid messioid i tühjid sanankandajid, i hö tegeškandeba surid tundmuztegoid i čudoid, miše veda, ku voiži, valitud-ki vigaha. | 24Ибо восстанут лжехристы и лжепророки, и дадут великие знамения и чудеса, чтобы прельстить, если возможно, и избранных. |
| 25Kackat, minä olen sanunu teile kaiken edelpäi.» | 25Вот, Я наперед сказал вам. |
| 26I ku teile sanutas: ‘Hän om rahvahatomas mas,’ algat mängoi sinna, i ku sanutas: ‘Hän peitäse pertiš,’ algat uskkoi. | 26Итак, если скажут вам: `вот, Он в пустыне', --не выходите; `вот, Он в потаенных комнатах', --не верьте; |
| 27Kut samalduz samaldab päivnouzmpoles i tegeb vauktaks taivhan päivlaskmpolhesai, mugoine linneb i Mehen Poigan tulend. | 27ибо, как молния исходит от востока и видна бывает даже до запада, так будет пришествие Сына Человеческого; |
| 28«Kuna om živat kolnu, sinna lendaba sured habukad-ki.» | 28ибо, где будет труп, там соберутся орлы. |
| 29«I teravas neniden päividen ahtištusen jäl'ghe päiväine pimidub, i kudmaine ei anda ičeze vauktad. Tähthad lankteba taivhaspäi i taivhan väged säregandeba. | 29И вдруг, после скорби дней тех, солнце померкнет, и луна не даст света своего, и звезды спадут с неба, и силы небесные поколеблются; |
| 30Siloi taivhas ozutase Mehen Poigan znam. Kaik man rodud laskeškandeba voikuid, konz nägištaba Mehen Poigan, kudamb tuleb pil'viden päl sures väges i hoštoteses. | 30тогда явится знамение Сына Человеческого на небе; и тогда восплачутся все племена земные и увидят Сына Человеческого, грядущего на облаках небесных с силою и славою великою; |
| 31Torven lujan änen aigan hän oigendab ičeze angeloid i keradab valitud mehid nelläs man polespäi, man agjaspäi taivhan agjahasai. | 31и пошлет Ангелов Своих с трубою громогласною, и соберут избранных Его от четырех ветров, от края небес до края их. |
| 32Opekatoiš sišpäi, midä smokvanpule tegese: konz sen oksad heraštuba i kazvaškandeba lehtesed, ka tö tedat, miše keza om läz. | 32От смоковницы возьмите подобие: когда ветви ее становятся уже мягки и пускают листья, то знаете, что близко лето; |
| 33Mugažo konz nägištat kaik nene azjad, ka tekat, miše se aig om läz, ani verajanno. | 33так, когда вы увидите всё сие, знайте, что близко, при дверях. |
| 34Todeks sanun teile: nügüdläine rahvaz ei kado sihesai, konz kaik nece tegese. | 34Истинно говорю вам: не прейдет род сей, как всё сие будет; |
| 35Taivaz i ma kadoba, no minun sanad ei kadogoi. | 35небо и земля прейдут, но слова Мои не прейдут. |
| 36No sidä päiväd i časud ei teda niken, ei taivhan angelad-ki, sen tedab vaiše minun Tat. | 36О дне же том и часе никто не знает, ни Ангелы небесные, а только Отец Мой один; |
| 37Muga kut oli Nojan päivil, muga linneb siloi-ki, konz Mehen Poig tuleb. | 37но, как было во дни Ноя, так будет и в пришествие Сына Человеческого: |
| 38Suren upotandan edel mehed söiba i joiba, naiba i andliba mehele ičeze tütrid sihe päivhäsai, kudambal Noi mäni surhe veneheze. | 38ибо, как во дни перед потопом ели, пили, женились и выходили замуж, до того дня, как вошел Ной в ковчег, |
| 39Hö ei tednugoi nimidä, kuni sur' upotand ei tulend i ei upotand heid kaikid. Mugažo linneb, konz Mehen Poig tuleb. | 39и не думали, пока не пришел потоп и не истребил всех, --так будет и пришествие Сына Человеческого; |
| 40Siloi kaks' mest linneba pöudol: toine ottas, toine jättas. | 40тогда будут двое на поле: один берется, а другой оставляется; |
| 41Kaks' našt jauhoškandeba kivel: toine ottas, toine jättas. | 41две мелющие в жерновах: одна берется, а другая оставляется. |
| 42Olgat herkhil, sikš ku tö et tekoi, miččel časul teiden Ižand tuleb. | 42Итак бодрствуйте, потому что не знаете, в который час Господь ваш приидет. |
| 43Ved' tö el'gendat, ku pertin ižand tedaiži, miččel ön aigal vargaz tuleb, ka hän oliži herkhil i ei andaiži sadas pert'he. | 43Но это вы знаете, что, если бы ведал хозяин дома, в какую стражу придет вор, то бодрствовал бы и не дал бы подкопать дома своего. |
| 44Sikš olgat tö-ki vaumhed: Mehen Poig tuleb ani sen aigan, konz tö et meletagoi-ki.» | 44Потому и вы будьте готовы, ибо в который час не думаете, приидет Сын Человеческий. |
| 45«Olgat kuti se todesine i melekaz käskabunik, keda hänen ižand om pannu abunikoiden kacujaks, miše hän andaiži toižile abunikoile sömäd ičeze aigan. | 45Кто же верный и благоразумный раб, которого господин его поставил над слугами своими, чтобы давать им пищу во время? |
| 46Ozakaz om se käskabunik, kudamb tegeb muga, i hänen ižand pörttes nägištab sen! | 46Блажен тот раб, которого господин его, придя, найдет поступающим так; |
| 47Todeks sanun teile: hän paneb händast kaiken ičeze kodielon kacujaks. | 47истинно говорю вам, что над всем имением своим поставит его. |
| 48No ku käskabunik om paha, hän sanuškandeb ičeksaze: ‘Minun ižand völ hätken ei tule,’ | 48Если же раб тот, будучи зол, скажет в сердце своем: не скоро придет господин мой, |
| 49i hän löškandeb toižid abunikoid i söškandeb i joškandeb humalikahidenke. | 49и начнет бить товарищей своих и есть и пить с пьяницами, -- |
| 50Hänen ižand tuleb sen päivän, kudambad hän ei varasta, i časun, kudambad hän ei teda, | 50то придет господин раба того в день, в который он не ожидает, и в час, в который не думает, |
| 51löb händast surmhasai i andab hänele sen-žo ozan, mitte koiverdelijoil om. Sigä voiktas i kirskutadas hambhil.» | 51и рассечет его, и подвергнет его одной участи с лицемерами; там будет плач и скрежет зубов. |
Глава 24