Выбрать язык
Книги Ветхого Завета
Книги Нового Завета
без русского текстаEVANGELII MATVEJAN MÖDHE | ЕВАНГЕЛИЕ ОТ МАТФЕЯ |
Глава 22 | Глава 22 |
| 1Iisus möst pagiži heile ozoitezstarinoil i sanui: | 1Иисус, продолжая говорить им притчами, сказал: |
| 2«Taivhan valdkund om kuti kunigaz, kudamb tegi ičeze poigale sajan. | 2Царство Небесное подобно человеку царю, который сделал брачный пир для сына своего |
| 3Hän oigenzi ičeze käskabunikoid kucmaha adivoid sajaha, no hö ei tahtoinugoi tulda. | 3и послал рабов своих звать званых на брачный пир; и не хотели придти. |
| 4Möst hän oigenzi toižid käskabunikoid i sanui: ‘Sanugat kuctud mehile: ‘Minä olen vaumištanu longin, härgad i vazad om riktud, kaik om vaumiž. Tulgat sajaha.’ | 4Опять послал других рабов, сказав: скажите званым: вот, я приготовил обед мой, тельцы мои и что откормлено, заколото, и всё готово; приходите на брачный пир. |
| 5No hö pähä-ki ei otnugoi: erased läksiba pöudho, erased ičeze laukoihe, | 5Но они, пренебрегши то, пошли, кто на поле свое, а кто на торговлю свою; |
| 6a toižed tabaziba kunigahan käskabunikoid, peksiba heid i rikoiba. | 6прочие же, схватив рабов его, оскорбили и убили их. |
| 7Necen kulištades kunigaz lujas kurktui. Hän oigenzi saldatoid, rikoi nenid surmičijoid i polti heiden lidnan. | 7Услышав о сем, царь разгневался, и, послав войска свои, истребил убийц оных и сжег город их. |
| 8Sid' kunigaz sanui ičeze käskabunikoile: ‘Kaik om vaumiž sajan täht. A ned, kudambid kuctihe, ei olnugoi arvokahad. | 8Тогда говорит он рабам своим: брачный пир готов, а званые не были достойны; |
| 9Mängat nügüd' irdoile i kuckat sajaha kaikid, keda näget.’ | 9итак пойдите на распутия и всех, кого найдете, зовите на брачный пир. |
| 10Käskabunikad mäniba irdoile i keraziba kaikid, keda vaiše löuziba, kut hüvid muga i pahoid, i praznikpert' tegihe täuz' adivoid. | 10И рабы те, выйдя на дороги, собрали всех, кого только нашли, и злых и добрых; и брачный пир наполнился возлежащими. |
| 11Konz kunigaz tuli kacmaha praznikadivoid, hän nägišti sigä mehen, kudamban päl ei olend sajansädoid. | 11Царь, войдя посмотреть возлежащих, увидел там человека, одетого не в брачную одежду, |
| 12Hän küzui hänel: ‘Hüvä mez', kut sinä oled tulnu tänna sajansädota?’ Mez' ei voind sanuda nimidä. | 12и говорит ему: друг! как ты вошел сюда не в брачной одежде? Он же молчал. |
| 13Siloi kunigaz sanui ičeze käskabunikoile: ‘Sidogat händast käziš i jaugoiš, otkat händast i tackat irdale pimedaha. Sigä voiktas i kirskutadas hambhil.’ | 13Тогда сказал царь слугам: связав ему руки и ноги, возьмите его и бросьте во тьму внешнюю; там будет плач и скрежет зубов; |
| 14Äjad om kuctud, no harvad om valitud.» | 14ибо много званых, а мало избранных. |
| 15Siloi farisejad mäniba pagižemha kesknezoi, kut voiži sanoiden tagut tabata Iisusad. | 15Тогда фарисеи пошли и совещались, как бы уловить Его в словах. |
| 16Hö oigenziba hänennoks ičeze openikoid ühtes irodalaižidenke. Hö sanuiba: «Opendai, mö tedam, miše sinä oled oiged mez' i oiktas i sel'ktas opendad, kut eläda Jumalan mödhe. Sinä ed kacu rahvahaze i ed luge üht mest paremba tošt. | 16И посылают к Нему учеников своих с иродианами, говоря: Учитель! мы знаем, что Ты справедлив, и истинно пути Божию учишь, и не заботишься об угождении кому-либо, ибо не смотришь ни на какое лице; |
| 17Sanu, mittušt mel't oled: om-ik oikti maksta kesarile nalogad vai ei?» | 17итак скажи нам: как Тебе кажется? позволительно ли давать подать кесарю, или нет? |
| 18No Iisus el'genzi heiden pahuden i sanui: «Tö, koiverdelijad! Mikš tö manitelet mindai? | 18Но Иисус, видя лукавство их, сказал: что искушаете Меня, лицемеры? |
| 19Ozutagat minei raha, kudambal maksat nalogad.» Hö toiba hänele dinarijan. | 19покажите Мне монету, которою платится подать. Они принесли Ему динарий. |
| 20Iisus küzui heil: «Kenen kuva i nimi täs om?» | 20И говорит им: чье это изображение и надпись? |
| 21«Kesarin», — hö sanuiba. Siloi Iisus sanui heile: «Antkat kesarile mi kesarin om, i Jumalale mi Jumalan om.» | 21Говорят Ему: кесаревы. Тогда говорит им: итак отдавайте кесарево кесарю, а Божие Богу. |
| 22Konz hö necen kulištiba, ka čududelihe. Hö jätiba Iisusan i läksiba sigäpäi. | 22Услышав это, они удивились и, оставив Его, ушли. |
| 23Necen päivän Iisusannoks tuli erasid saddukejid, kudambad sanuba, miše eläbzumišt ei ole. Hö küzuiba hänel: | 23В тот день приступили к Нему саддукеи, которые говорят, что нет воскресения, и спросили Его: |
| 24«Opendai, Moisei om sanunu: ‘Ku mez' koleb lapsetoman, hänen vellele tarbiž naida hänen akal i tehta laps' kolnudele vellele.’ | 24Учитель! Моисей сказал: если кто умрет, не имея детей, то брат его пусть возьмет за себя жену его и восстановит семя брату своему; |
| 25Oli mijal seičeme velled. Vanhemb vel'l' nai, no koli, i sikš miše hänel ei olend lapsid, leskiak jäi hänen vellenke. | 25было у нас семь братьев; первый, женившись, умер и, не имея детей, оставил жену свою брату своему; |
| 26Mugažo tegihe toižele-ki vellele i koumandele i lopuks kaikile seičemele. | 26подобно и второй, и третий, даже до седьмого; |
| 27Jäl'gmäižen koli naine-ki. | 27после же всех умерла и жена; |
| 28Kenen akan hän linneb, konz kollijad eläbzuba? Ved' hän om olnu mehel kaikiden seičemen vellen taga.» | 28итак, в воскресении, которого из семи будет она женою? ибо все имели ее. |
| 29Iisus sanui heile: «Tö segoit, sikš ku et tuntkoi Pühid Kirjutusid i Jumalan väged. | 29Иисус сказал им в ответ: заблуждаетесь, не зная Писаний, ни силы Божией, |
| 30Eläbzunuded ei naigoi i ei lähtkoi mehele, hö oma kuti Jumalan angelad taivhas. | 30ибо в воскресении ни женятся, ни выходят замуж, но пребывают, как Ангелы Божии на небесах. |
| 31A mi koskeb kollijoiden eläbzumišt, ka et-ik tö olgoi lugenuded, min Jumal om teile sanunu: | 31А о воскресении мертвых не читали ли вы реченного вам Богом: |
| 32‘Minä olen Avraaman Jumal, Isakan Jumal i Jakovan Jumal.’ Ved' Jumal ei ole kolnuziden Jumal, a eläbiden.» | 32Я Бог Авраама, и Бог Исаака, и Бог Иакова? Бог не есть Бог мертвых, но живых. |
| 33Konz mehed kulištiba necen, hö čududelihe hänen opendushe. | 33И, слыша, народ дивился учению Его. |
| 34Konz farisejad kulištiba, miše Iisus oli sauptanu saddukejile sun, hö kogozihe ühthe. | 34А фарисеи, услышав, что Он привел саддукеев в молчание, собрались вместе. |
| 35Sid' üks' heišpäi, kudamb oli käskištonopendai, küzui Iisusal, miše kodvda händast: | 35И один из них, законник, искушая Его, спросил, говоря: |
| 36«Opendai, mitte käsk om kaikid suremb käskištos?» | 36Учитель! какая наибольшая заповедь в законе? |
| 37Iisus sanui: «Armasta Ižandad, ičeiž Jumalad, kaikel südäimel, kaikel hengel i kaikel melel. | 37Иисус сказал ему: возлюби Господа Бога твоего всем сердцем твоим и всею душею твоею и всем разумением твоим: |
| 38Nece käsk om ezmäine i kaikid suremb. | 38сия есть первая и наибольшая заповедь; |
| 39Toine mugoine-žo om nece: Armasta ičeiž lähembašt, kut ičtaiž. | 39вторая же подобная ей: возлюби ближнего твоего, как самого себя; |
| 40Kaik toižed käsköd i Jumalan sanankandajiden openduz oma neniš kahtes käskös.» | 40на сих двух заповедях утверждается весь закон и пророки. |
| 41Konz farisejad oliba ühtes, Iisus küzui heil: | 41Когда же собрались фарисеи, Иисус спросил их: |
| 42«Midä tö meletat Messian polhe? Kenen poig hän om?» Hö sanuiba: «Davidan.» | 42что вы думаете о Христе? чей Он сын? Говорят Ему: Давидов. |
| 43Siloi Iisus küzui: «Mikš-žo David Pühän Hengen valdas kucub händast Ižandaks? Hän sanub: | 43Говорит им: как же Давид, по вдохновению, называет Его Господом, когда говорит: |
| 44— Ižand sanui minun Ižandale: Ištu minun oiktal kädel, kuni panen sinun vihanikad sinun jaugoiden alle. | 44сказал Господь Господу моему: седи одесную Меня, доколе положу врагов Твоих в подножие ног Твоих? |
| 45Sanugat: ku David kucub Messian Ižandaks, ka kutak Messia voib olda hänen poigan?» | 45Итак, если Давид называет Его Господом, как же Он сын ему? |
| 46Niken ei voind sanuda hänele ni üht sanad, i niken neciš päiväspäi ei rohtind enamb küzuda hänel nimidä. | 46И никто не мог отвечать Ему ни слова; и с того дня никто уже не смел спрашивать Его. |
Глава 22