1Horan ohjandajale. Korejan poigiden pajo. 2Hloputagat käzil, kaik mirun rahvahad, kidastagat Jumalale ihastusiš! 3Ižand om Ülähäine, varaikat händast! Hän om kaiken man sur’ kunigaz. 4Hän pani mirun rahvahad meiden valdan alle, rahvazrodud meiden jaugoiden alle. 5Hän valiči meile jäl’gestuseks hüvän man, miččes hänen armaz Jakov-ki oli korktad mel’t.
6Jumal libui ičeze valdištmele iloäniden aigan, Ižand tuli torvien vändos kesked aigad. 7Pajatagat meiden Jumalale, pajatagat, pajatagat meiden kunigahale, pajatagat! 8Ved’ Jumal om kaiken mirun kunigaz, ka pajatagat hänele melevašti. 9Jumal om mirun rahvahiden kunigaz, Jumal ištub ičeze pühäl valdištmel. 10Mirun rahvahiden valdmehed kerazihe ühtes Avraaman Jumalan rahvahanke, ved’ Jumalan valdas oma kaik man vägevad. Hän om ülenzoittud heiden päl.
с русским текстом