Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
107 Psalm
1Pajo. Davidan psalm.2Minun südäin om vaumiž, minun Jumal,
minun südäin om vaumiž pajatamha i vändmaha.
3Heraštugat, arfa i lira!
Minä nouzen aigoiš.
4Ižand, minä ülenzoitaškan sindai rahvahan keskes,
pajataškan kitändpajon sinun täht kaikile mirun rahvahile.
5Ved’ sinun armod oma korktemb taivhid,
pil’vihesai libub sinun tozi.
6Olgha ülenzoittud sinä, minun Jumal, korktemba taivhid,
i olgha sinun hoštotez kaiken man päl!
7Miše päzuižiba ned, keda sinä armastad,
ka kaiče heid ičeiž oiktal kädel,
kulišta mindai!
8Jumal sanui ičeze pühäkodiš:
«Hüväl melel minä jagan Siheman,
märičen Sokhofan alangon.
9Minun om Galaadan ma,
minun om Manassian ma,
Efrem om šlem minun päs,
Juda om minun valdpalik.
10Moav om minun pezuastii,
Edomaha minä lükäidan ičein kengän,
Filistias libutan ičein ihastuzkidan».
11Kenak tob mindai vahvištoittud lidnaha?
Kenak vedäb mindai Edomaha?
12Ed-ik sinä, minun Jumal, ken hül’gäiži meid,
i ed astu, minun Jumal, meiden torasaldatoidenke?
13Abuta meile, mö olem ahtištusiš.
Tühj om rahvahan abu.
14Jumalan vägel mö tegem surid radoid.
Hän polgetab maha meiden vihanikad.
Глава 107
