Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАЛАХИЯ ПРОРОКЛЭН КНИГАЕЗ

4-тӥ ЛЮКЕТ

1Уго тани, вуоз гур кадь ӝуась нунал,
соку вань вылтӥяськисьёсты, сьӧлыклэсь кышкатэк улӥсьёсты
куроез кадь вуоно нунал сутоз, – шуэ Саваоф Кузё-Инмар, –
выжызы но, вайёссы но уз кыльы.
2Нош тӥ понна,
Мынэсьтым нимме гажаса-яратыса улӥсьёс понна,
шонерлыко улонлэн Шундыез ӝужалоз,
Солэн тылсиосыз бурмон сёто,
соку тӥ потоды но куаем кунянъёс кадь шумпотыса тэтчалоды.
3Сьӧлыклэсь кышкасьтэмъёсты пыд улады лёгалоды,
уго соос Мынам лэсьтон нуналам
пыдтыш улады сюй-тузон луозы, – шуэ Саваоф Кузё-Инмар.
4Аслам ляльчиелэсь, Моисейлэсь, законзэ –
курон-косонъёсты, пуктон-косонъёсты – тодады вае,
кудзэ Мон со пыр Хоривысен быдэс Израильлы сӥзи.
5Тани, Кузё-Инмарлэн быдӟым но кышкыт нуналэз вуон азьын
тӥ доры Илия пророкез ысто.
6Со атайёслэсь сюлэмъёссэс пиоссы пала,
пиоссылэсь сюлэмъёссэс атайёссы пала берыктоз,
Мон лыктӥ ке, музъемез каргаса быдтоно медам луы вал.


предыдущая глава Глава 4 следующая глава