Выбрать язык
Книги Ветхого Завета
Книги Нового Завета
с русским текстом1Уйпала нуись сюрес кузя со монэ педпалась азбаре поттӥз но уйпала учкись юртлы ваче пумитэ, падвожлэн ваче бериназ интыяськем комнатаос доры, монэ вайиз, –2уйпал ӧс дорысь интылэн кузьдалаез сю гырпум, пасьталаез витьтон гырпум кузьда.3Пуш азбарысь кызь гырпум пасьта буш интылы ваче пумитын но педпал азбарысь изэн вӧлдэм интылы ваче пумитын сылӥсь юртлэн борддор кузяз куинь радэн галереяос лэсьтэмын, соос ваче учкыса уло.4Комнатаос азьын дас гырпум пасьта коридорез вань, солэн пушкызлэн пасьталаез одӥг гырпум кузьда. Комнатаослэн ӧсъёссы уйпала учко.5Та юртлэн кык улысь этажъёсысьтыз комнатаос, вылысь этажысь комнатаос сярысь, ӟоскытэсьгес вал, малы ке шуоно соослэсь бадӟым интызэс галереяос басьтӥзы.6Та юрт куинь этажо вал, азбарысь юбоослы укшасьёсыз татын ӧй вал; соин ик вылысь комнатаос, выж бордысен кутскыса, ӟоскытэсьгес лэсьтэмын улысь но шорысь комнатаос сярысь.
7Педпал азбарысь та комнатаослы ваче пумитын, соослэн азьпалазы, кыр палаз борддорез вал, солэн кузьдалаез витьтон гырпум мында,8малы ке шуоно педпал азбарысь комнатаослэн но кузьдалазы витьтон гырпум кузьда, но тани, храм азьысь комнатаослэн кузьдалазы сю гырпум кузьда.9Педпал азбарысен отчы пырон понна улласянь, шундыӝужан паласен, та комнатаосы пырон ӧс лэсьтэмын.10Падвож азьысь азбарлэн шундыӝужан палась сылӥсь коркалэн пушказ комнатаосыз вань, соос борддор пасьтаесь.11Соос азьысь коридор уйпала учкись комнатаос быдӟа ик вал, соослэн кадь ик кузьдалазы, сыӵе ик пасьталазы, соослэн кадесь ик вань пырон-потонъёссы, пуктэм люкетъёссы, ӧсъёссы но соосызлэн кадесь ик.12Лымшоре учкись комнатаоссылэн кадесь ик ӧсъёссы но; соос доры пырон ӧс самой сюрес дурын ик сылэ, борддор кузя со шонерак шундыӝужан пала мынэ.
13Со мыным шуиз: «Уйпала учкись комнатаос, падвож азьын сыло лымшоре учкись комнатаос – священной комнатаос, отын Кузё-Инмарлы матэ кариськись священникъёс дун-чылкытлэсь но дун-чылкыт курбон сиёнэз сиё; отчы ик соос дун-чылкытлэсь но дун-чылкыт курбонъёсты, салам няньёсты, сьӧлык понна ваем курбонъёсты, йыруж лэсьтэм понна ваем курбонъёсты тыро, уго та святой инты.14Священникъёс отчы пырем бере, служить карем дӥськутсэс отчы кыльыса кельтытозязы, та святой интыысь соос педпал азбаре потаны кулэ ӧвӧл, уго со святой дӥськутъёс; соос асьсэ вылэ мукет дӥськут дӥсяны кулэ, соку соос калык пӧлы потыны быгатозы ни».
15Пушкысь храмез мертаса йылпумъям бере со монэ шундыӝужан пала учкись капка пыр поттӥз, собере храмлэсь сылон интызэ котырак мертаны кутскиз.16Мертаськон бодыеныз со шундыӝужан палзэ мертаз; мертаськон бодыеныз солэсь кузьдалазэ мертаз – вить сю боды.17Уйпалтӥз со мертаськон бодыеныз вить сю боды мертаз.18Лымшор палтӥз мертаськон бодыеныз вить сю боды мертаз.19Шундыпуксён пала кожыса, со палтӥз мертаськон бодыеныз вить сю боды мертаз.20Храмлэсь сылон интызэ со ньыль пал ласянь ик мертаз; солэн котыраз вить сю боды кузьда, вить сю боды пасьта борддор сылӥз, святой интыез святойтэм интылэсь висъян понна со лэсьтэм вал.
Глава 42