Библия
Выбрать язык
Книги Ветхого Завета
Книги Нового Завета
с русским текстом
ИЕЗЕКИИЛЬ ПРОРОКЛЭН КНИГАЕЗ
15-тӥ ЛЮКЕТ
1Кузё-Инмар дорысь мыным верамын вал:2«Адямилэн пиез! Виноградпуд мукет вань писпуослэсь маин вылӥлыкогес? Виноградпудлэн вайыз нюлэскысь писпуослэсь маин умойгес?3Солэн люкетэз бордысь кыӵе ке арбери лэсьтыны быгато-а? Кыӵе ке но тӥрлыкъёсты ошылон понна ӵоглы ке но солэсь марзэ ке басьто-а?4Тани, со тыллы сиыны сётэмын; кык пал пумзэ ик тыл сииз, шорсюлэмыз но котырак ӝуаз; кыӵе ке но арбери лэсьтыны таре со яра на-а?5Соку но, быдэс дыръяз но, со ӧз яра нокыӵе но арбери лэсьтыны; уката ик табере, куке сое тыл сииз, котырыз ӝуаз, кыӵе ке но арбери лэсьтыны со яралоз на-а?
6Соин ик тазьы шуэ Инмар Кузё-Инмар: кызьы виноградпудэз нюлэс писпуосын ӵош тыллы сиыны сётӥ, озьы ик Иерусалимын улӥсьёсты но тыллы сиыны сёто.7Соос шоры Мон лек синмын учко; одӥгысьтыз тыл пушкысь соос потӥзы ке, мукетыз тыл соосты сиёз, соку, соослы пумит Аслэсьтым ымнырме берыктэм берам, тӥ тододы, Мон – Кузё-Инмар.8Кескич улэмзы-выремзы понна та музъемез Мон кыр дуннелы пӧрмыто», – шуэ Инмар Кузё-Инмар.
Глава 15
