Выбрать язык
Книги Ветхого Завета
Книги Нового Завета
с русским текстом1Кузё-Инмар дорысь мыным верамын вал:2«Адямилэн пиез! Израильлэн азьпалзэ тодытыса верась пророкъёсызлы азьпалзэ тодытыса вера, ас тодэмзыя азьпалзэ тодытыса верась пророкъёслы шу: ”Кузё-Инмарлэсь верамзэ кылзэ!3Тазьы шуэ Инмар Кузё-Инмар: куректон-кайгу визьзэс ыштэм пророкъёслы! Соос номыр но ӧз адӟе, соос ас тодэмзыя азьпалзэ тодытыса верало.4Тынад пророкъёсыд, Израиль, куашкам юрт бервылысь ӟичыос кадесь.
5Борддорысь пась карем интыосы тӥ уд пыриське, Кузё-Инмарлэн суд нуналаз ожмаськон кутскыку юн сылон вылысь израиль калыкез борддорен уд котыртӥське.6Ӧвӧлтэмез соос адӟо, пӧяськыса азьпалзэ тодытыса верало но шуо: ”Кузё-Инмар вераз”; нош Кузё-Инмар соосты ӧз ысты азьпал адӟон сярысь вераны, нош соос азьпалзэ тодытыса веранзы быдэсмоз шуыса оскытыны выро.
7Оскыны ярантэм адӟонэз ӧд адӟе-а тӥ? Азьпалзэ ӧрекчи тодытонъёс тазьы шуыса уд вераське-а: ”Кузё-Инмар шуиз”, нош Мон со кылъёсты ӧй вералля?8Соин ик тазьы шуэ Инмар Кузё-Инмар: ӧвӧлтэмзэ вань карыса вераськоды бере, ӧвӧлтэм адӟонъёсты адӟиськоды бере, со понна Мон, тани, тӥледлы пумит султӥсько, – шуэ Инмар Кузё-Инмар.9Ӧвӧлтэмзэ вань карыса, пӧяськыса азьпалзэ тодытӥсь пророкъёслы пумит Мынам киы ӝутӥськоз; Мынам калыкелэн кенешаз соос уз луэ, израиль калык радэ уз гожтӥське, Израиль музъем вылэ уз пыре; соку тӥ тододы, Мон – Инмар Кузё-Инмар.
10Мынэсьтым калыкме соос йыромонэ нуо но шуо: ”Тупаса улон”, нош тупаса улон ӧвӧл; калык борддор ӝутэ ке, соку соос сое избурен зырало,11борддорез избурен зырасьёслы ”со погралоз” шу. Туж зол зорыны кутскиз ке, тӥ, из йӧзоръёс, усёды; кужмо сильтӧл борддорез куашкатоз.12Борддор куашказ ке, соку тӥледлы уз шуэ-а: ”Кытын борддорез наштам избурды?”13Соин ик тазьы шуэ Инмар Кузё-Инмар: воже потыку, кужмо сильтӧл лэзё, йыры кур луыку, туж зол зорыны кутскоз, леке потыку, борддорез быдтон вылысь из кадь йӧзор усёз.14Избурен наштам борддордэс куашкато, музъем вылэ погырто сое, соку солэн инъетэз кыре потоз, борддор погралоз но, соин валче тӥ быроды; соку тӥ тододы, Мон – Кузё-Инмар.15Борддорлы йыркурме потто, сое избурен наштасьёс вылэ но йыркурме потто, соку тӥледлы шуо: ”Борддор ӧвӧл, сое избурасьёс но ӧвӧл –16Иерусалимлэсь азьпал адӟонъёссэ тодытыса верась Израильлэн пророкъёсыз тупаса улон сярысь адӟем адӟонъёссэс солы ивортылӥзы, нош тупаса улон ӧвӧл”, – шуэ Кузё-Инмар.
17Нош тон, адямилэн пиез, ас калыкедлэн нылъёсыз пала ымнырдэ берыкты, соослы пумит, ас сюлэм тодэмзыя азьпалзэ тодытыса верасьёслы пумит кылъёс вера, азьпалзэ тодытыса соослы шу:18”Тазьы шуэ Инмар Кузё-Инмар: куректон-кайгу луоз лулъёсты кутылон понна кунулазы тунаськон-пелляськон пуйы вурисьёслы, ӝужыто-лапего вань адямиослы йыр шобрет лэсьтӥсьёслы! Мынам калыкелэсь лулзэ кутылыса, оло нош тӥ асьтэлэсь лулдэс утёды шуыса малпаськоды-а?19Тӥ Монэ Ас калыке азьын сантэмаськоды одӥг кырым йыды понна, шорем нянь понна, виыны ярамон уж лэсьтымтэ лулъёсты виылӥськоды, нош виыны ярамон уж лэсьтэм лулъёсты улыны кельтӥськоды, пӧяськонэз зэм кожась калыкез ӧрекчаськоды.
20Соин ик тазьы шуэ Инмар Кузё-Инмар: тани, Мон тӥлесьтыд лулъёсты кутылон понна, тылобурдоос кадь, дорады мед лобозы шуыса вурем тунаськон-пелляськон пуйыостэс, кунулысьтыды ишкалто но кутылэм лулъёстэс эрике лэзё.21Шобретъёстэс кесё но киулысьтыды Аслэсьтым калыкме мозмыто, тӥляд киулады киултэм люкет уз ни луэ, соку тӥ тододы, Мон – Кузё-Инмар.22Шонер улӥсьлэсь сюлэмзэ Мынам уг поты вал ӝоже уськытэме, но тӥ солэсь сюлэмзэ ӧрекчаськыса ӝоже уськытӥськоды; законлы пумит улӥсь аслаз сьӧлыко сюрес вылысьтыз медаз берытскы но аслэсьтыз улонзэ медаз утьы шуыса, тӥ солэсь суйёссэ юнматӥськоды, –23со понна тырттэм-буш адӟонъёсты уз ни луэ, тунаськыса азьпалзэ тодыны уд ни быгатэ; Аслэсьтым калыкме тӥляд киулысьтыды Мон мозмыто, соку тододы, Мон – Кузё-Инмар”».
Глава 13