Выбрать язык
Книги Ветхого Завета
Книги Нового Завета
с русским текстом1Кузё-Инмар мыным шуиз: «Мынам азям Моисеен Самуил ке но султысалзы, Мынам лулы уз берыктӥськы та калык пала: син азьысьтым улля соосты, мед кошкозы.2Нош тыныд шуизы ке: ”Кытчы милемлы мыноно?” Соослы шу:
”Тазьы шуэ Кузё-Инмар: кин кулонлы кельтэмын, мын кулыны;
кин меч улэ, мын меч улэ;
кин сютэм улонэ, мын сютэм улонэ;
кин пленэ – мын пленэ”.
3Соос вылэ ньыль пумо виён лэзё, – шуэ Кузё-Инмар: меч – адямиосты кораны, айы пуныосты – куртчылыны-сыскыны, ин тылобурдоосты – шӧйёсты кокчаны, бусыысь пӧйшуръёсты – шӧйёсты кесяны, быдтыны;4Иудей эксэйлэн, Езекиялэн Манассия пиезлэн, Иерусалимын сыӵе ужез лэсьтэмез понна дунне вылысь вань эксэйлыкъёслы соосты ёртыса-ӝикатыса возьыны эрик сёто.
5Уго кин тонэ жалялоз, Иерусалим?
Кин тыныд гажам-жалямзэ возьматоз?
Кин тон доры тынэсьтыд улэм-вылэмдэ юаны пыроз?
6Тон Монэ куштӥд, – шуэ Кузё-Инмар, – берлань чигнад,
со понна ик Мон тон вылэ киме урдо, виё тонэ:
тонэ жаляса, Мон жади ни.
7Соосты Мон тӧлберез кадь
мурт музъеме, капка сьӧры пельтӥсько:
соосты нылпитэк кельтӥсько,
Ас калыкме погыртӥсько
асьсэлэн сюрес вылысьтызы берыктӥськымтэзы понна.
8Палкышнооссы зарезьысь луолэсь но тросгес луозы;
нуназе шорын соос вылэ, егит пиослэн анайзы вылэ, таркасез лэзё;
шӧдтэк шорысь соос вылэ кышкан, куалекъян вуоз.
9Кынартэм кылле сизьым нылпи вайись, лул-буссэ лэзе;
эшшо нуназе куазен солэн шундыез ворсаськиз:
со возьытэ вуттэмын, ултӥямын.
Соослэсь кылем муртъёссэс тушмонъёссылэн син азязы
тӥр-пурт улэ сёто», – шуэ Кузё-Инмар.
10«Эй, анае, куректон-кайгу мыным, –
быдэс музъем вылэн ченгешись, даллашись адями карыса,
монэ вордскытэмед понна.
Пунэмез мултэсэн басьтон понна нокинлы но ӧй сётылы,
мыным но мултэсэн басьтон вылысь нокин но ӧз сётылы,
озьы ке но ваньмыз монэ каргало».
11Кузё-Инмар шуиз: «Улонэдлэн пумыз ӟеч луоз; шугадӟон дыръёсы, куректоно-кайгуо нуналъёсы тушмонлы тонэ ёртыса-ӝикатыса возьыны эрик уг сёты.
12Уйпалась кортэз но ыргонэз быгатэ-а корт пыргытыны?
13Вань сьӧлыкъёсыд понна вань музъем вылъёсысьтыд,
дун тырытэк, ваньбурдэ, узырлыктэ тарканы сёто;
14тушмонъёсыд валче тыныд тодмотэм музъем вылэ тонэ келяло;
Мынам вожпотэменым ӝуатскем тыл тӥ вылын гомаса улоз».
15Эй, Кузё-Инмаре! Тон ваньзэ тодӥськод;
монэ тодад вай, лыкты мон доры но
мон понна монэ уллясь-ёртӥсьёслы пунэмзэ берыкты;
Тон кема чидась, монэ эн быдты;
Тон тодӥськод, мон Тон понна сантэманэз чидано луисько шуыса.
16Тынад кылъёсыд шедьтэмын, мон соосты сии;
Тынад кылыд монэ шумпоттӥз, сюлэмме шулдыр кариз;
уго Тынад нимыд монэ утьыны сётэмын,
Кузё-Инмаре Саваоф Инмар.
17Серекъяса-горыса улӥсьёслэн люкаськоназы мон ӧй пукы,
ӧй но шулдыръяськы:
Тынад зӥбыса возись киыд улын мон мӧзмылэс пуки,
Тон уго монэ вожпотонэн пачылмытӥд.
18Мар понна мынам висёнэ сокем кужмо,
ярае но сокем бурмисьтэм – эмъяны уг сётӥськы?
Оло Тон синпӧет ошмес кадь луод-а мыным,
оскиськыны ярасьтэм ву кадь-а?
19Та пумысен Кузё-Инмар шуиз: «Тон берыктӥськид ке,
Мон тонэ ӝуто но, тон Мынам азям султод;
вань ӟечсэ-йӧнозэ гинэ тон вайид ке,
нош номыр но окты-калтызэ ӧд ке вайы,
соку Мынам нимыным вераськись луод.
Соос асьсэос тыныд вазиськылозы,
тон соослы уд вазиськылы.
20Та калык понна Мон тонэ юн ыргон борддор каро;
соос тыныд пумит ожмаськозы, но тонэ уз ворме,
уго Мон тонэн огазьын,
тонэ утён, мозмытон понна сылӥсько, – шуэ Кузё-Инмар.
21Уродъёслэн-лекъёслэн кизылэсь тонэ утё,
ӝикатыса возисьёслэн кизылэсь тонэ мозмыто».
Глава 15