Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
97-тӥ ПСАЛОМ
[Давидлэн] крезьгурез.
1Кузё-Инмарлы выль кырӟан кырӟалэ,
уго Со паймымон ужъёс лэсьтӥз.
Бур киыз, Солэн кужымез Солы вормон вайизы.
2Утёнэз сярысь Кузё-Инмар тодытӥз,
калыкъёслэн син азязы шонерлыксэ усьтӥз.
3[Иаковез] гажаса-жаляса улэмзэ,
Израиль юртлы оскиськымон луэмзэ Со тодаз вайиз.
Инмармылэсь утёнзэ музъемлэн вань пумъёсыз адӟизы.
4Быдэс музъем, Кузё-Инмарез данъялэ, шумпотэлэ,
шулдыръяське, тау карыса кырӟалэ.
5Крезь шудыса, Кузё-Инмарез данъяса кырӟалэ,
крезь шудыса, псалом гуръёс кырӟалэ.
6Чипчирган гуръёсын, тутэктонэн шудыса,
Кузё-Инмар Эксэй азьын шулдыръяське-шумпотэ.
7Мед куашетоз зарезь но со пушкын улӥсь вань макеос,
дунне выл но отын улӥсьёс.
8Шуръёс кизэс мед чабозы,
гурезьёс мед шумпотозы-шулдыръяськозы
9Кузё-Инмарлэн азяз.
Со музъемез судить карыны лыктэ.
Дуннеез Со шонерлыко судить кароз, калыкъёслы шонер суд лэсьтоз.
Глава 97
