Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
86-тӥ ПСАЛОМ
1Корей пиослэн. Крезьгур. Кырӟан.
2Святой гурезьёсын солэн*а инъетэз.
Иаковлэн вань улон интыосыз пӧлысь
Кузё-Инмар ваньмызлэсь юнгес Сӥонлэсь капкаоссэ яратэ.
3Инмарлэн городэз! Тон данлыко луиськод шуыса верамын!
4Раавез*б но Вавилонэз монэ тодӥсьёс шуыса верало,
озьы ик филистим калык но, Тирен Эфиопия но шуозы:
«Сыӵе-сыӵе мурт отын вордӥськиз».
5Нош Сӥон сярысь шуозы:
«Сыӵе но сыӵе пиосмурт отын вордӥськиз,
Ачиз Вылысь Инмар сое юнматӥз».
6Калыкъёсты гожъян книгаяз Кузё-Инмар гожтоз:
«Сыӵе-сыӵе мурт отын вордӥськиз».
7Кырӟасьёс но, шудӥсьёс но, мынам вань ошмесъёсы – тон дорын.
*а 86:2 солэн – Иерусалимлэн
*б 86:4 Раав – тазьы нимало куд-ог учыре Египетэз
Глава 86
