Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
45-тӥ ПСАЛОМ
1Хорлэн кивалтӥсезлы. Корей пиослэн. Аламоф шудонэн. Кырӟан.
2Инмар – милям утиськон интымы, кужыммы,
шугадӟонъёс дыръя – ӝог юрттӥсьмы.
3Соин ик ум кышкалэ, музъем ке но зурказ,
зарезьёслэн шор сюлмазы гурезьёс ке но вырӟизы.
4Соослэн вуоссы шаугетозы, бугыръяськозы,
Солэн кужмо луэмысьтыз гурезьёс зуркалозы.
5Инмарлэсь городзэ шур вуос шулдырто,
Вылысь Инмарлэсь святой улон интызэ.
6Инмар солэн шораз, со уз куалекты:
ӵукна ӟардонысен ик солы Инмар юрттоз.
7Бугыръяськыны кутскизы калыкъёс, эксэйлыкъёс вырӟизы:
[Вылысь Инмар] Аслэсьтыз куаразэ сётӥз но, музъем вырӟиз.
8Ин кужымъёслэн Кузё-Инмарзы милемын,
Иаковлэн Инмарез – милям дурбасьтӥсьмы.
9Лыктэлэ, учке Кузё-Инмарлэсь ужъёссэ,
музъем вылын кыӵеесь куашкатонъёс Со лэсьтэ:
10Музъемлэн пумысеныз пумозяз ожмаськонъёсты дугдытэ,
пукыӵез сузмытэ, шибодыез тӥя, ожмаськон уробоосты тылын сутэ.
11Дугдэ: Мон – Инмар – калыкъёс пӧлын,
музъем вылын ӝутэмын луо шуыса тодэ.
12Ин кужымъёслэн Кузё-Инмарзы милемын,
Иаковлэн Инмарез – милям дурбасьтӥсьмы.
Глава 45
