Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
144-тӥ ПСАЛОМ
Давидлэн ушъянэз.
1Ушъяло, вылӥ каро Тонэ, Инмаре, Эксэе,
Тынэсьтыд нимдэ вапумъёсысь вапумъёсы данъяса уло.
2Нуналлы быдэ Тыныд тау каро,
Тынэсьтыд нимдэ пумтэм вапумъёсы ушъяса верало.
3Кузё-Инмар быдӟым, ушъянлэсь ушъямон,
Солэн быдӟымлыкез мертаны луонтэм.
4Выжы выжылы ужъёстэ ушъяса вералоз,
кужымлыкед сярысь ивортылоз.
5Быдӟымлыкедлэн вылӥ данэз сярысь,
паймымон ужъёсыд сярысь мон малпаськыса уло.
6Кышкыт ужъёсыдлэн кужымлыксы сярысь вералозы,
мон но быдӟымлыкед сярысь ивортыло.
7Быдӟым ӟечлыктэ буре вайыса улозы,
шонерлыктэ ушъяса кырӟалозы.
8Шырыт сямо, гажась-жалясь Кузё-Инмар, уно чидась, уно жалясь.
9Кузё-Инмар ваньмызлы ӟеч, вань ужъёсызлы берекет сётэ.
10Кузё-Инмаре, вань ужъёсыд Тонэ мед данъялозы,
дун-чылкыт улӥсьёсыд Тыныд тау мед карозы.
11Эксэйлыкедлэсь данзэ мед тодытозы,
кужымлыкед сярысь мед вералозы.
12Кужымлыкед сярысь адямиослы мед тодытозы,
эксэйлыкед дано, быдӟымлыко шуыса мед ивортозы.
13Тынад эксэйлыкед вань вапумъёс ӵоже улэ,
вань выжыослы Тон кузё луиськод.
[Кузё-Инмарлэн вань верам кылъёсыз оскиськымонэсь,
вань ужъёсаз Со дун-шектэм.]
14Вань усисьёсты Кузё-Инмар кутыса возе,
вань погыртэмъёсты ӝутыса пуктэ.
15Ваньмызлэн синъёссы Тон шоры оскиськыса учко,
Тон соослы ас дыраз сиён сётӥськод.
16Киыныд сётӥськод но вань улэп макеосты, ваньзэс тыр кариськод.
17Кузё-Инмар мар лэсьтэ, ваньзэ шонерлыко лэсьтэ,
вань ужъёсыз Солэн ӟечлыкоесь.
18Ваньмызлы вӧсяськисьёслы,
ваньмызлы чылкыт сюлмын вӧсяськисьёслы,
Кузё-Инмар матын улэ.
19Кышканэн улӥсьёсызлэсь куронъёссэс Инмар быдэстэ,
викышъям-бӧрдэмзэс кылэ но соосты уте.
20Кузё-Инмар ваньзэс Сое яратӥсьёсты возьма-уте,
нош сьӧлыклэсь кышкасьтэмъёсты ваньзэс быдтоз.
21Кылыным-ымыным Кузё-Инмарез ушъяса верало,
вань адямиос Солэсь дун-чылкыт нимзэ
вапумъёсысь вапумъёсы мед данъялозы.
Глава 144
