Выбрать язык
Книги Ветхого Завета
Книги Нового Завета
с русским текстом1«Кышномуртлэсь вордскем адямилэн улон нуналэз вакчи,
куректон-кайгуосын тырмемын:
2сяська кадь со усьтӥське, собере кисьтӥське;
вужер кадь бызе, уг дугдылы.
3Со вылэ ик-а Тон Аслэсьтыд синъёстэ мертчытӥськод,
монэ Асэныд судэ валтӥськод?
4Кырсь муртлэсь кин ке но дун-чылкыт вордскоз-а? Одӥгез но уз.
5Солы нуналъёс лыдъяса сётэмын ке,
солэн толэзьёсызлэн лыдзы но Тон киын ке,
солы Тон пумгож понӥд ке, со вамен солэн потэмез уз луы,
6соку солэсь палэнскы ук: медъяськем мурт кадь,
аслэсьтыз нуналзэ йылпумъятозязлы, со мед шутэтскоз.
7Писпулэн вань оскиськонэз: со корамын ке но луиз,
выльысен улӟоз,
выжы пушъетъёсыз потэмысь уз дугдэ:
8музъемын солэн выжыез пересьмемын ке но ини,
лӥялэз но тузон пӧлын кулэмын,
9но ӧжыт гинэ вуэз шӧдӥз но со пушъет сётэ,
выльысен мерттэм кадь вайёс лэзе.
10Нош адями кулэ но сисьме; кошкиз, но кытын со?
11Тыысь вуос кошко но, шур пашме, куасьме:
12озьы адями выдоз но уз султы;
ин бырытозь со уз сайка, иземысьтыз уз султы.
13Э, Тон монэ дунне пыдэскы ватысалыд ке,
вожпотонэд ортчытозь, шобыртыса монэ возьысалыд ке,
мыным срок понӥд но собере мон сярысь тодад вайысалыд!
14Адями кулэм бераз нош ик улоз на-а?
Мыным лыдъяса сётэм вапумлэн вань нуналъёсаз
монэ воштӥсьлэсь лыктэмзэ мон возьмасал.
15Тон вазиськы вал но, мон Тыныд ответ сётысал,
Тон Ас киыныд лэсьтэмедлы (адямилы) ӟеч эриктэ возьматысалыд.
16Соку уго Тон мынэсьтым вамышъёсме лыдъясалыд,
мынэсьтым сьӧлыкме лушкемен возьмаса ӧй улысалыд;
17мынам законлы пумит улэме пуйыын печать нюртыса
керттэмын луысал,
Тон мынэсьтым янгышме ворсасалыд.
18Гурезь усьыкуз куашка, изгурезь но интыысьтыз вырӟе;
19ву изъёсты миське; солэн тудӟем вуэз музъем выл тузонэз гылтэ;
озьы ик адямилэсь оскиськонзэ но Тон быдтӥськод.
20Пумозяз тон сое ӝикатӥськод но, со кошке;
солэсь ымнырзэ воштӥськод но сое келяськод.
21Сӥё-саноесь-а солэн нылпиосыз – со уг тоды,
ултӥямын-а – со уг шӧды;
22нош солэн лулмугорыз висе, пушказ лулыз курадӟе».
Глава 14