Выбрать язык
Книги Ветхого Завета
Книги Нового Завета
с русским текстом2-тӥ книга
1Эксэе пуксьыкуз, Иосиялы тямыс арес вал, куамын одӥг ар ӵоже со Иерусалимын эксэй вал,2Кузё-Инмар азьын ярамон ужъёс лэсьтыса улӥз, атаезлэн, Давидлэн, сюрес кузяз ветлӥз, бурпала но, паллян пала но ӧз кожылы.
3Эксэйын тямысэтӥ арзэ пукыкуз, со пинал пи вал на, атаезлэн, Давидлэн, Инмарезлы вазиськылыны кутскиз, нош эксэйын дас кыкетӥ арзэ пукыкуз, Иудеяез но Иерусалимез сузяны кутскиз – отысь гурезь йыл вӧсяськонъёсты, сӥзиськем писпуосты, вӧлыса, кисьтыса лэсьтэм сульдэръёсты быдтӥз.4Иосиялэн кивалтэм улсаз Вааллы сӥзем курбон сётон интыосты, соос азьын ӝутскыса сылӥсь сульдэръёсты солэн адямиосыз куашкатӥзы, вӧсяськон писпуосты погыръязы, вандылыса, ӵыжатыса лэсьтэм сульдэръёсты тӥязы, пыргытӥзы но соослы курбон сётыса улӥсьёслэн шайгуоссы вылэ пызьназы;5Иосия вӧсясьёссылэсь лыоссэс курбон сётон интыосазы сутӥз но Иудеяен Иерусалимез сузяз;6Манассиялэн, Ефремлэн, Симеонлэн городъёсазы, Неффалим выжылэн городъёсаз, соослэн куашкатэм ёросъёсазы7курбон сётылон интыосты куашкатъяз, вӧсяськон писпуосты погыръяз, сульдэръёсты пыргытъяз, быдэс Израиль музъемысь вань сульдэръёсты-статуяосты сузмытъяз но Иерусалиме берытскиз.
8Дас тямысэтӥ арзэ эксэйын пукыкуз, та музъемез, Инмар коркаез сузям бераз со Ацалиялэсь Шафан пизэ, городлэсь йырзэ Маасеяез, Иоахазлэсь Иоах пизэ, подъясез, Инмарзылэсь Кузё-Инмарлэсь корказэ выльдыны ыстӥз.9Соос Хелкия архиерей доры лыктӥзы но ӧс выжыын возьмаськыса сылӥсь левитъёслэсь Манассиялэн, Ефремлэн, мукет израиль выжыослэн киысьтызы, Иудеяын вань улӥсьёслэсь, Вениаминлэсь, Иерусалимын улӥсьёслэсь бичам азвесьсэс Инмар корка вайыса сётӥзы,10Кузё-Инмар корка борды ужаны пуктэмъёслэн киязы азвесьсэс сётӥзы, соос Кузё-Инмар коркаез тупатъян, выльдон бордын ужасьёслы мед сётъялозы шуыса.11Тӥрен ужасьёслы, лэсьтӥськисьёслы сётъязы, соос вӧлэм изъёс, герӟетъёс лэсьтыны кор мед басьтозы шуыса, Иудей эксэйёсын таркам юртъёслы липиськон арбериос мед басьтозы шуыса.12Адямиос ӧрекчаськытэк ужазы, пӧртэм шудон арбериосын шудыны быгатӥсь левитъёс, Иахафен Овадия, Мерари пиос пӧлысь, Захарияен Мешуллам, Кааф пиос пӧлысь левитъёс, соослэсь ужамзэс эскерыны-чакланы пуктэмын вал.13Нош соосты носилкаен ужасьёсты чакланы пуктӥзы, вань ужъёсты быдэсъясьёсты соос чакласа улӥзы; гожъясьёс-подъясьёсты но, эскерись-чакласьёсты но, капка дорын возьмаськисьёс но левитъёс пӧлысь ик бырйизы.
14Кузё-Инмарлэн корказ ваем азвесез поттыкузы, Хелкия священник Моисейлэн киыныз сётэм Кузё-Инмарлэн законэныз книгаез шедьтӥз.15Хелкия Шафан подъясьлы шуиз: «Кузё-Инмар коркась законэн книгаез шедьтӥ». Хелкия со книгаез Шафан кие сётӥз.16Шафан книгаез эксэй доры нуиз, соин валче со эксэйлы ивор вуттӥз: «Ляльчиосыдлы мар косэмын, соос ваньзэ лэсьто».17Кузё-Инмар коркась шедьтэм азвесез кисьтӥзы но эскерыны-чакланы пуктэмъёслэн, ужез быдэсъясьёслэн киязы сётӥзы.18Шафан подъясь эксэйлы ивор вуттыса шуиз: «Хелкия священник мыным книга сётӥз». Шафан сое эксэй азьын лыдӟиз.19Законлэсь кылъёссэ эксэй кылӥз но дӥськутсэ ӵыжак кесиз.20Хелкиялы, Шафанлэн Ахикам пиезлы, Михейлэн Авдон пиезлы, Шафан подъясьлы, эксэй медолы, Асаиялы, эксэй косон сётыса шуиз:21«Мынэлэ, мон понна но, Израильлэн кылем люкетэз понна но, Иуда понна но шедьтэм книгалэн кылъёсыз сярысь Кузё-Инмарлэсь юалэ, малы ке шуоно асьме вылэ Кузё-Инмарлэн туж бадӟым вожпотонэз улэ, со ӝуатскиз атайёсмылэн Кузё-Инмарлэсь кылъёссэ утьымтэзы понна, та книгаын вань гожтэмъёсъя улымтэзы понна».
22Хелкия но эксэйлэн лэзем муртъёсыз дӥськутъёсты чакласа улӥсь Хасралэн Тавкегаф пиезлэн Шаллум пиезлэн кышноез, азьпалзэ верась Олдана, доры мынӥзы, нош со улэ вал Иерусалимлэн кыкетӥ люкетаз, – соин соос та сярысь вераськизы.23Кышномурт соослы шуиз: «Тазьы шуэ Израильлэн Инмарез Кузё-Инмар: тӥледыз ыстӥсь муртлы тазьы шуэ:24”Тазьы шуэ Кузё-Инмар: тани та инты вылэ шугадӟон лэзё, Иудеялэн эксэез азьын лыдӟем книгаысь вань карганъёсты татын улӥсьёс вылэ лэзё,25Мынэсьтым палэнскемзы но ас киынызы лэсьтэм ужъёсынызы Мынэсьтым вожме поттэмзы понна, мурт инмаръёс азьын ӵындытылыса улэмзы понна. Та инты йылэ Мынам вожпотонэ ӝуатскоз но уз ни кысы”.26Тӥледыз Кузё-Инмарлэсь юаны ыстэм Иудеялэн эксэезлы тазьы шуэ: ”Израильлэн Инмарез Кузё-Инмар тынад кылэм кылъёсыд пумысен тазьы шуэ:27Тынад сюлмыд небӟиз бере, та инты пумысен, отын улӥсьёсыз пумысен Солэсь кылъёссэ кылэм берад Инмар азьын тэрытскись луэмед понна, – Мон азьын зӥбыт-востэм луэмед понна, дӥськуттэ ӵажак кесемед понна, Мон азьын бӧрдэмед понна Мон но тонэ кылӥ, – шуэ Кузё-Инмар.28Тани, Мон тонэ атайёсыд вӧзы выдто, каньылэн шайгуэ понэмын луод, та инты вылэ, отын улӥсь калык вылэ лэзем вань шугадӟонъёсты тынад синъёсыд уз адӟе”». Эксэйлы ответ вуттӥзы.
29Соку эксэй Иудеяысь но Иерусалимысь вань тӧроосты люказ.30Эксэй но соин ӵош вань иудейёс, Иерусалимын улӥсьёс, священникъёс, левитъёс, пичиос бордысен кутскыса пересьёс дорозь – вань калык – Кузё-Инмарлэн корказ мынӥзы: Кузё-Инмар коркась шедьтэм сӥзён-косон книгалэсь вань кылъёссэ со шара лыдӟиз.31Эксэй ас интыяз султӥз но Кузё-Инмар азьын Кузё-Инмар сьӧры мынон сярысь, Солэсь курон-косонъёссэ, пуктон-косонъёссэ, усьтӥськонъёссэ вань сюлмысь, вань лулысь быдэсъяны, – та книгаысь сӥзён-косонлэсь кылъёссэ быдэстон понна сӥзён кутӥз.32Иерусалиме, Вениамин музъеме вань люкаськемъёсты тае юнматыны эксэй косӥз. Иерусалимын улӥсьёс Инмарлэн, атайёссылэн Инмарзылэн, сӥзён-косонэзъя улыны кутскизы.33Израиль пиослэн вань музъем вылъёсысьтызы вань юрӟым макеосты Иосия сэрпалтӥз но Израиль музъемын вань улӥсьёсты Инмарзылы Кузё-Инмарлы ужаса-тыршыса улыны косӥз. Иосиялэн вань улон нуналъёсаз атайёссылэн Инмарзылэсь Кузё-Инмарлэсь ӧз ни палэнскылэ.
Глава 34