Выбрать язык
Книги Ветхого Завета
Книги Нового Завета
с русским текстом2-тӥ книга
1Соломонлэн Кузё-Инмарлы корка лэсьтон вань ужъёсыз йылпумъяськизы. Давидлэсь, атаезлэсь, сӥзем азвесьсэ но, зарнизэ но, вань арбериоссэ Соломон вайиз но Инмарлэн корказ ваньбур возён интые сётӥз.
2Соку Соломон Израильлэсь тӧрооссэ, вань выжыослэсь йыръёссэс, израиль пиослэн улы-бечеоссылэсь кивалтӥсьёссэс Иерусалиме люказ Кузё-Инмарлэсь сӥзён-косонэн ковчегзэ Давидлэн городысьтыз, Сӥонысь, нуон понна.3Вань израиль калык сизьыметӥ толэзе эксэй доры празднике люкаськиз.4Израильлэн вань тӧроосыз лыктӥзы. Левитъёс ковчегез ӝутӥзы но5ковчегез нуизы, люкаськыса вӧсяськон скинияез но, скиния пушкысь вань вӧсяськон тӥрлыкез, – соосты священникъёс, левитъёс нуизы.6Нош Соломон эксэй, вань израиль калык, ковчег азе люкаськыса, ыжъёсты, ошъёсты курбон сётылӥзы, – туж трос луэмысьтыз, лыдъяны но, ӵотаны но уг луы вал.7Кузё-Инмарлэсь сӥзён-косонэн ковчегзэ священникъёс ас интыяз вайизы, храмлэн Давираз – Святойлэсь но Святой интые – херувимъёслэн бурд улазы пуктӥзы.8Ковчеглэсь сылон интызэ херувимъёс бурдъёсынызы шобыртӥзы, ковчегез но, солэсь сюрыоссэ но вылласянь шобыртӥзы.9Сюрыос мычиськыса улӥзы, соослэн йылъёссы давир азьысь адӟисько вал, но педло паласен ӧз адӟиське; соос туннэ нуналозь но отын.10Египетысь потэм беразы, Кузё-Инмар израиль калыкен кусып кылдытыку, Хоривысен Моисейлэн понэм кык изпулъёсыз сяна, ковчег пушкын номыриз но ӧй вал.
11Священникъёс вӧсяськон интыысь потэм бере, служить карон черодзы шоры учкытэк, ваньзы лыктӥзы, отчы сюрем вань священникъёс дун-чылкыт кариськизы;12левит кырӟасьёс но – ваньзы соос: Асаф, Еман, Идифун, соослэн пиоссы, агай-вынъёссы – виссонэн дӥсяськемъёс, кимвалъёсын, псалтирен, цитраосын сылӥзы курбон сётон ӝӧклэн шундыӝужан палаз, соосын ӵош вал сю кызь священникъёс – гумыосын пеллясьёс.13Одӥг ымысь кадь пеллязы, кырӟазы, Кузё-Инмарез данъясь, ушъясь гуръёс поттӥзы. Нош куке гудыртӥзы гумы, кимвал но мукет шудон арбериослэн куаразы, Кузё-Инмарез ушъязы, уго Со ӟечлыко, Солэн гажан-жалянэз пумтэм вапумъёс улэ; соку коркаез, Кузё-Инмарлэсь корказэ, пилем пачылмытӥз,14пилемлы луыса священникъёслэн вӧсяськонын сылэмзы ӧз луы, уго Кузё-Инмарлэн данлыкез Инмар корка пачылаз люкаськиз.
Глава 5