Выбрать язык
Книги Ветхого Завета
Книги Нового Завета
с русским текстом1Иуда пиослэн выжыысьтызы улы-бечеослы таӵе пус усиз: соослэн музъемзы Идумея дорысен Сӥн нимо кыр дуннетӥ лымшор пала, Феман дорозь, кыстӥськиз;2лымшор ласянь музъемзылэн пумыз Сылало зарезьлэн лымшор пала кыстӥськись сюм (залив) дорысеныз кутскыса;3лымшор палтӥз со, Акраввим вырйылозь кыстӥськыса, Сӥн пыр ортче, лымшор палтӥз Кадес-Варни пала тубе, Хецрон пыр ортче, Аддарозь тубе, [Кадеслэн шундыпуксён палтӥз со кунгож мынэ,] Каркай пала кожытске,4собере Ацмон пыр ортче, Египет ӧр пала мынэ, озьыен, солэн пумыз – зарезь. Таиз музъемдылэн лымшор палызлэн пумыз луэ.
5Нош шундыӝужан палыз [быдэсак] Сылало зарезь борды пыкиське, Иордан шурлэн усёнозяз кыстӥське; нош уйпал ласянь кунгож кутске Иордан шурлэн усёнысеныз, Сылало зарезьлэн сюмез (заливез) бордысен;6татысен люкет музъемлэн пумыз вуэ вал Беф-Хоглаозь, Беф-Араваез со уйпалтӥз ортче, отысен кунгож йылэ тубе Рувимлэн Боган пиезлэн изэз дорозь;7собере кунгож Ахор нёжалысен Давир пала тубе, отысен со уйпала, ву ӧрлэн лымшор палаз интыяськем Адуммим вырйыллэн ваче бериназ сылӥсь Галгал пала коже; татысен кунгож мынэ Ен-Шемешлэн ошмесъёсыз пала, нош йылпумъяське Ен-Рогел дорын;8татысен кунгож вылӥе тубе Енном пилэн нёжалэз пала, Иевуслэн – Иерусалимлэн – лымшор палтӥз, кунгож гурезьлэн йылӥозяз тубе, собере кунгож Енном нёжаллэн ваче бериназ, шундыпуксён палаз, Рефаим нёжаллэн уйпалаз сылӥсь гурезьлэн йылӥозяз тубе;9гурезь йылысен кунгож Нефтоахысь потӥсь ошмес вуос пала коже но Ефрон гурезьысь городъёс пала мынэ, отысен кунгож берытске Ваал пала, – со ик Кириаф-Иарим луэ;10собере Ваал дорысен кунгож зарезь пала берытске но Сеир гурезь пала мынэ, Иеарим, яке Кесалон, гурезьлэн уйпалтӥз мынэ, отысен Вефсамис пала лэзиське но Фимна пыр ортче;11татысен кутскыса кунгож мынэ Екронлэн уйпалтӥз, собере кунгож коже Шикарон пала, Ваал [музъемысь] гурезь вамен ортче, Иавнеил дорозь вуэ но зарезь дурысен кунгож быре. Шундыпуксёнпал кунгож кыстӥське быдӟым зарезь ярдуртӥ.
12Тӥни Иуда пиослэн улы-бечеосынызы ӵош люкетлы басьтэм музъемзылэн котыр ласянь кыстӥськись кунгожез.
13Иефоннийлэн Халев пиезлы [Иисус] Иуда пиос пӧлы люкет сётӥз, кызьы Кузё-Инмар Иисусэз косӥз; [Иисус солы сётӥз] Енаклэн атаезлэсь, Арбалэсь, Кириаф-Арба городзэ, мукет нимыз – Хеврон.14[Иефоннийлэн пиез] Халев Енаклэсь куинь пиоссэ – Шешаез, Ахиманэз, Фалмаез – отысь улляз.
15Отысен [Халев] Давирын улӥсьёслы пумит ожен мынӥз, – азьвыл Давирлэн нимыз Кириаф-Сефер вал.16Соку Халев шуиз: «Кин Кириаф-Сеферез киултыны быгатӥз ке, солы Ахса нылме кышнолы сёто».17Сое киултӥз Гофониил, Халевлэн Кеназ вынызлэн [покчи] пиез, Халев Ахса нылзэ Гофонииллы сётӥз.
18Картэз сьӧры кошкон азяз Гофониил Ахсаез атаезлэсь аслыз бусы люкет курыны ӝутказ. Ахса ишак вылысьтыз васькиз. Соку Халев солэсь юаз: «Мар тыныд кулэ?»19Нылаш шуиз: «Бакель кар монэ; тон мыным лымшорпал музъемез сётӥд, вай мыным ву сётӥсь ошмесъёстэ но». Солы вылӥысьсэ но, улӥысьсэ но ошмесъёсты сётӥз.
20Тани Иуда пиослэн выжыысьтызы улы-бечеослэн басьтэм люкетсы:21Лымшор палаз Идумеяен артэ Иуда пиослэн выжызылы сюризы Кавцеил, Едер но Иагур городъёс,22Кина, Димона, Адада,23Кедес, Асор но Ифнан,24Зӥф, Телем но Валоф,25Гацор-Хадафа, Кириаф, Хецрон, мукет нимыз – Гацор,26Амам, Шема но Молада,27Хацар-Гадда, Хешмон но Веф-Палет,28Хацар-Шуал, Вирсавия но Визӥофея [гуртъёсынызы, кар котырысь интыосынызы валче],29Ваала, Иим но Ацем,30Елфолад, Кесӥл но Хорма,31Циклаг, Мадманна но Сансана,32Леваоф, Шелихим, Аин но Риммон: ваньмыз-ӧвӧлэз кызь укмыс городъёс гуртъёсынызы валче.
33Улыг интыосысь: Ештаол, Цора но Ашна,34Заноах, Ен-Ганним, Таппуах но Гаенам,35Иармуф, Одоллам, [Немра], Сохо но Азека,36Шаараим, Адифаим, Гедера яке Гедерофаим – дас ньыль городъёс гуртъёсынызы валче.37Ценан, Хадаша, Мигдал-Гад,38Дилеан, Мицфе но Иокфеил,39Лахис, Воцкаф но Еглон,40Хаббон, Лахмас но Хифлис,41Гедероф, Беф-Дагон, Наема но Макед – дас куать городъёс гуртъёсынызы валче.42Ливна, Ефер но Ашан,43Иффах, Ашна но Нецив,44Кеила, Ахзив но Мареша [но Едом] – укмыс городъёс гуртъёсынызы валче,45Екрон солы тэрытскись городъёсыныз, гуртъёсыныз валче;46Азот пала зарезь дуре нуись сюрес кузя Екрон аслаз вань городъёсыныз, гуртъёсыныз валче,47Азот аслаз городъёсыныз, гуртъёсыныз валче, Газа аслаз городъёсыныз, гуртъёсыныз валче, – Египет ӧр дорозь, быдӟым зарезь дорозь, – со ини пумыз.
48Гурезьёсысь городъёс: Шамир, Иаттир но Сохо,49Данна, Кириаф-Санна, мукет нимыз Давир,50Анаф, Ештемо но Аним,51Гошен, Холон но Гило: дас одӥг городъёс гуртъёсынызы валче.52Арав, Дума но Ешан,53Ианум, Беф-Таппуах но Афека,54Хумта, Кириаф-Арба, мукет нимыз Хеврон, но Цигор – укмыс городъёс гуртъёсынызы валче.55Маон, Кармил, Зӥф, Ютта,56Изреель, Иокдам но Заноах,57Каин, Гива но Фимна – дас городъёс гуртъёсынызы валче.58Халхул, Беф-Цур но Гедор,59Маараф, Беф-Аноф но Елтекон – куать городъёс гуртъёсынызы валче. [Феко, Ефрафа, мукет нимыз Вифлеем, Фагор, Етам, Кулон, Татами, Сорес, Карем, Галлим, Вефир но Манохо – дас одӥг городъёс гуртъёсынызы валче.]60Кириаф-Ваал, мукет нимыз Кириаф-Иарим, но Аравва: кык городъёс гуртъёсынызы, [город вӧзысь интыосынызы].
61Луоё кыр дуннеын: Беф-Арава, Миддин но Секаха,62Нившан, Ир-Мелах но Ен-Геди – куать городъёс гуртъёсынызы валче.
63Нош иевусейёсты, Иерусалимын улӥсьёсты, Иуда пиос улляны ӧз быгатэ, соин ик иевусейёс Иуда пиосын Иерусалимын огазьын уло, туннэ нуналозь но озьы.
Глава 15