Выбрать язык
Книги Ветхого Завета
Книги Нового Завета
с русским текстом1Кышно басьтэм мурт кышноезлы карт луэ, нош кышномурт картэзлы уг ке кельшы, – со кышно луонэзлэсь урод палъёссэ шедьтэ ке, – соку со кышноеныз люкиськон сярысь гожтэт гожтэ но солэн кияз сое сётэ, дорысьтыз кошкыны лэзе,2кышномурт та коркась кошкоз но мукет пиосмуртлы бызёз,3нош таиз но, берпуметӥез картэз, сое синазькыль кариз ке, люкиськон сярысь гожтэт гожтыса, солэн кияз сётӥз но дорысьтыз кошкыны лэзиз ке, яке таиз, берпуметӥез картэз, сое кышно басьтӥсь, кулӥз ке,4сое кошкыны лэзем нырысетӥ картэз берен кышно карыны сое уг ни быгаты, – саптаськем бераз, уго таӵе уж [Инмаред] Кузё-Инмар азьын юрӟым луэ; Инмаредлэсь Кузё-Инмарлэсь тыныд сётоно музъемзэ эн сапта.
5Алигес гинэ кышно ваем пиосмурт оже медаз мыны, со вылэ нокыӵе но секытлыкъёс тырыны кулэ ӧвӧл; ар ӵоже аслаз юртаз эркын мед улоз, ваем кышноезлэсь мылкыдзэ лӧпкытыса мед улоз.
6Пунэмо луись муртлэсь кикӧезлэсь улысь иззэ, вылысь иззэ (пунэмзэ тырытозьлы) залоглы эн басьты, озьы карид ке, тон солэсь лулзэ залоглы басьтод.
7Израиль пиос пӧлысь, аслаз агай-вынъёсыз пӧлысь, кинэ ке но кин ке но лушкам ке, сое ляльчи карем но вузам ке, таӵе лушкаськисез виыны кулэ; озьы ас пӧлысьтыд уродэз-лекез быдты.
8Гижлочерен висьыкуд, левит священникъёс [законъя] мар лэсьтыны, мар карыны косозы, дышетозы, ваньзэ тыршыса быдэсъя; мае мон соослы лэсьтыны косӥ, тыршыса быдэсъялэ;9тодад вай, Инмаред Кузё-Инмар Мариамлы мар кариз, Египетысь сюрес кузя лыктыкуды.
10Матысь муртэдлы пунэмен мар ке сётӥд ке, эн пыры солэн корказ пунэмзэ тырытозь марзэ ке басьтыны,11ульчаын сыл, нош кинлы тон пунэмен сётӥд, со пунэмзэ тырытозязлы кияд сётыса кельтоно арберизэ (залогзэ) ульчае тыныд поттоз;12нош со адями куанер улӥсь ке, солэн пунэмзэ тырытозязлы сётыса кельтэм арбериез тынад кияд дыръя изьыны эн выды;13шунды пуксён вакытэ выл дӥсьсэ солы берыкты, выл дӥсеныз шобырскыса изьыны мед выдоз, соку со тон понна тонэ Инмар бакель мед кароз шуыса вӧсяськоз, Инмаред Кузё-Инмар азьын тыныд та шонерлык шуыса гожтӥськоз.
14Тынад музъем вылад, тынад юртад улӥсь медо муртэз, куанер, начар улӥсез, кураськисез, – агай-вынъёсыд пӧлысь-а со, сьӧрлось улыны тынад музъемад вуэм мурт-а со, – эн ултӥя соосты;15шунды пуксемлэсь азьло, со нуналэ ик, уждунзэ солы тыр, уго со куанер, солэн лулыз-сюлмыз уждундэ возьма; ӧд ке тыры, со Кузё-Инмарлы тэльмырыса вазиськоз но, тон ас вылад сьӧлык басьтод.
16Нылпиоссы понна атайёсты виыны уг яра, нылпиосты но атайёслэн урод ужъёссы понна виыны уг яра; котькудзэ но йыруж лэсьтӥсь муртэ йыружез понна виыны кулэ.
17Сьӧрлось лыктэм муртэ, анайтэм-атайтэм нылпиез, [палкышноез] умойтэм судить эн кары, пунэмзэ тырытозязлы палкышнолэсь дӥськутсэ ас кияд эн басьты;18тодад возь: тон но Египет музъемын ляльчи вал, нош Инмаред Кузё-Инмар отысь тонэ мозмытӥз: со понна ик та ужез тонэ лэсьтыны косӥсько.
19Бусыяд аракуд, культодэ ана вылад вунэтӥд ке, сое басьтыны эн ни берытскы, со мед кылёз сьӧрлось лыктэм муртлы, [кураськисьлы,] анайтэм-атайтэм нылпилы, палкышнолы, Инмаред Кузё-Инмар тонэ, ас киыныд ужъёстэ быдэсъякуд, бакель мед кароз.20Вӧйпу мульыостэ октэм берад аслад берысьтыд улвайёс шоры утчаськыса эн улы: мульыосыз сьӧрлось лыктэм муртлы, анайтэм-атайтэм нылпилы, палкышнолы мед кылёзы. [Тодад возь: Египет музъемын тон ляльчи вал, соин ик мон тонэ тазьы карыны косӥсько.]21Виноград бакчаысьтыд мульыосты октыкуд, бервылад кылем пурыосты эн окты: сьӧрлось лыктэм муртлы, анайтэм-атайтэм нылпилы, палкышнолы мед кылёз;22тодад возь: Египет музъемын тон ляльчи вал, соин ик тонэ тазьы карыны косӥсько.
Глава 24