Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгупро «Ташта Соткс»содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета про «Од Соткс»содержаниесловариот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровение

ПАВЕЛОНЬ СЁРМАЦ ТИТОНДИ

Глава 3

Кода кемай ломанти эрямс масторлангса

1Лятфнек Критонь кемайхненди: катк улихть кулхцондыкс эсь масторонь оцюнятненди и азорхненди и анокт тиемс эрь кодама пара тев.2Катк киньге аф сялдыхть и аф сялонкшнихть, меколанкт, катк улихть сетьмот и сембоса няфнесазь эрь ломанти эсь лямбе седиснон.3Вдь минь минцьке мзярда-бди ашеме шарьхкоде, ашеме кулхцонда, минь улеме васькафтфт-эрьготьфт, улеме урекс эрь кодама пежу таколдоматненди и синь топафтомаснонды. Минь эряме кяжса и сельмонь каязь, улеме нильготьксокс и прокс афолеме няе фкя-фкянь.4Но мзярда Шкайть, минь Идиеньконь, пароц и ломанень кельгомац эвондась масторлангти,5эста Сон идемазь минь. Шкайсь тиезе тянь аф минь видексшинь тевоньконь коряс, но аньцек Эсь кельгозь ужяльдеманц коряс. Шкайсь аруяфтомазь ваймонь штамать вельде, конаса минь одукс шачеме, и Иняру Ваймопожфсь одкстоптомазь минь.6Тя Ваймопожфть Сон козяста валозе лангозонк Иисус Христос Идиеньконь вельде,7сяс мес Шкайть мялец лувомс минь аф муворукс Эсь пароказненц вельде и мялец максомс тейнек пефтома эряф минь надияманьконь коряс.

8Ня валхне видет. И монь мялезе: кемоста корхталеть тянь колга. Катк Шкайти кемайхне улихть анокт тиендемс пара тефт. Тя пара и канды лезкс сембе ломаттненди.9Но кирдефт ёньфтома пялькстомада, шачемань юрда и сялондомада-тюремада койть колга, сяс мес синь аф кандыхть лезкс и прокс шавот.10А сянь, кие калафты кемаень пуромкс, кардак весть-кафксть и сяда меле аертт эздонза.11Тон жа содасак, сон шаркстсь виде киста и арась пежу ки лангс. Тяфта сон сонць судендазе эсь прянц.

Мекольце валхне

12Мзярда кучсайне тейть Артемань али Тихиконь, эряскотт самс тейне Никополи, сяс мес тоса ёран ётафтомс тялоть.13Срхкафтыть кис Зинань, коень содайть, и Аполлосонь. Лезтт тейст: катк мезьсовок афольхть сода ашуши.14Катк и Критонь кемайхневок тонафнихть тиендемс пара тефт сятненди, кинди тя афкукс эряви, эста синь аф илядыхть иможфтома.

15Сембе, кит тяса мархтон, кучихть тейть пара валхт. А тон тоса аст пара валхт минь кельгома кемай ялганьконди. Катк Шкаень пароказнесь ули сембонь тинь мархтонт! Аминь.

 Глава 3