Выбрать язык
Книги Ветхого Завета
Книги Нового Завета
с русским текстом1Азорсь мярьгсь Моисеенди: «Лаксек эстейть кафта кевонь седяфт ингольцетнень лаца, и ня седяфнень лангса Мон сёрмадсайне валхнень, конат ульсть ингольцетнень лангса, конатнень тон лазыть.2Ульхть анок шобдавать самс. Шобдава куцть Синай пандть лангс и тоса, пандть пряса, стяк Монь инголен.3Катк кивок аф куценди мархтот, и катк кивок аф няфнесы прянц марнек пандть лангса. Тяфта жа сяватне, учатне, траксне и букатне катк аф ярхцайхть тя пандть маласа».4Моисей лаксесь кафта кевонь седяфт ингольцетнень лаца. Валдашкодомшовор сон стясь, сявозень кафта кевонь седяфнень и куцсь Синай пандть пряс, кода и кошардозе Азорсь.5Азорсь валгсь тоза ковол потмоса, лоткась Моисеень малас и азозе-панжезе Азорть лемонц.6Азорсь ётась Моисеень шаманц инголе и мярьгсь: «Азор, Азор, седиень маряй и паронь тии Шкай. Сон куватьс кирди, лама кельгозь ужяльди и валонь кирди.7Сон ляткшни кельгозь ужяльдикс тёжянце юропнень самс, нолнесыне пежетнень, кальдяв тефнень и каршек молематнень, но муворуть аф кадондсы наказамафтома. Сон пантфтсы алянь-тядянь пежеть иттнень и унокнень кядьста колмоце и нилеце юропнень самс».8Моисей эстокиге прась плманжа лангс, комафтозе шаманц Шкайти9и мярьгсь: «Азор, кда Тонь мяльце ладяф тейне, эста молеза Азорсь минь мархтонк. Аф ваномок ломаньтналть каршек молеманц лангс, нолдайть коень коламаньконь и пеженьконь и сявомасть минь Эстейть ломаньтналкс».
10Азорсь мярьгсь: «Вага, Мон тиян соткс: сембе тонь ломаньтналцень инголе Мон тиян дивань тефт, кодапт нинге ашельхть сембе масторть лангса и кодамовок ломаньтналхнень ёткса. И марнек ломаньтналсь, конань ёткса тон эрят, няйсы Азорть тевонц, сяс мес ся парось, конань Мон тиса тейть, ули пелькс лиятненди.11Ванфтк сянь, мезе Мон тяни мярьган тейть: "Вага, Мон паньцайне тонь ингольдет аморрейхнень, ханаанейхнень, хеттейхнень, ферезейхнень, евейхнень и иевусейхнень.12Аньцек ватт, тят латце соткст ся ломаттнень мархта, конатнень модазост тон молят, – афольхть ара синь тейнть туворкс.13Калафтость синь алтарьснон, лазость иняру кевснон и керость сембе иняру шуфтснон.14Тейть аф мярьгондеви сюконякшнемс лия шкаенди, Азорда башка, сяс мес Сонь лемоц – Куне. Сон кунеляй Шкай.15Тят латце соткст тона модань ломаттнень мархта. Афоль лисе тяфта: мзярда синь кармайхть усксевома эсь шкайснон мархта и каннема тейст озксказнет, и тердендярятядезь тинь эсь пялост, эста тиньге ярхцатада озксказнень сивольдост.16И тят сявонде эсь цёратненди рьват синь стирьснон ёткста, кода ба синь стирьсна, эсь шкайснон мархта усксевомста, афолезь вяте тинь цёрантеньге тяфтама усксевомас.17Тят тиенде эстейть кшниста валф шкайхть».
18«Ётафнек аф шапама кшинь илать: Авив ковть ладяф пингстонза сисем шит ярхцак аф шапама кшида, кода Мон кошардыхтень тонь, сяс мес Авив ковста тон лисеть Египетста.19Эрсь, кие васенцекс панжезе тядянь потмоть, васень шачф цёранясь, макссема Тейне. Тяфта жа жуватань эрь васень шачф атялефкссь, буканнесь и учаннесь, макссемат Тейне.20Ишимть эрь васень шачф вашенянц полафнек вероскя лангс. А кда аф полафтсак, эста пувордак ишимвашенять прянц. Сембе васень цёратнень инкса пантт питне. Катк кивок аф сашенды Монь шамаликозень инголи шавонь кятть.21Кота шит покотть, а сисемце шиня ваймосек. Ваймосек сокамань и нумань пингстовок.22Ётафнить недялятнень иласнон, мзярда кочкасайть тозерть васень иможензон, и кизоть песта ётафнек сёронь урядама илать.23Колмоксть кизоти сембе алянтенди сашендома Сембонь Кирдить, Азорть, Израилень Шкайть, шамаликонц инголи.24Мон паньцайне тонь ингольдет ломаньтналхнень и оцюлгофтса эряма вастцень. Киньге аф ули мялец сявомс модацень, кда тон колмоксть кизоти кармат сашендома Азор Шкайть шамаликонц инголи.25Мзярда кандат Тейне озксказненди жувата, тяк валонда сонь веронц кшить лангс, кона ичф шапафтома мархта, и Очижинь илать озксказненц тяк кадонда шобдавать самс.26Тонь модацень васенце иможензон эзда инь цебярьхнень кандыть Азорть, Шкайцень, кудозонза. Тяк пице сявань лефксть тядянц лофцсонза».
27Азорсь мярьгсь Моисеенди: «Сёрмадыть эстейть ня валхнень, сяс мес ня валхнень коряс Мон тиян соткс тонь и Израильть мархта».28Моисей ащесь тоса, Азорть ширеса, нильгемонь ши и нильгемонь ве. Сон изь ярхца кшида и изь симе ведьта. Моисей сёрмадозень кевонь седяфнень лангс сотксонь валхнень – Кемонь кошаркснень.29Мзярда Моисей валгондсь Синай пандста и сотксонь няфти кафта седяфне ульсть кядьсонза, сон ашезе сода: Шкайть мархта корхнемда меле сонь шамац кармась пиндолдома.30Мзярда Аарон и Израилень сембе ломаттне няезь Моисеень и сянь, кода пиндолды сонь шамац, синь пелезевсть маладомс тейнза.31Но Моисей тердезень синь, и Аарон ломаньтналонь сембе оцюнятнень мархта састь тейнза, и Моисей корхнесь мархтост.32Тяда меле Израилень сембе ломаттне маладсть, и сон ёфтазень тейст сембе кошаркснень, конатнень Азорсь максозень тейнза Синай пандть лангса.33Мзярда Моисей лоткась мархтост корхтамда, сон вельхтязе шаманц вельхтердаса.34Но мзярда Моисей сувсесь Азорть мархта корхтама, эста сон валхнезе вельхтердать шамастонза ся пингс, мзярс изь лисенде тоста. А лисемда меле азонкшнезе Израилень ломаньтналти семботь, мезти кошардсь Азорсь.35Израилень ломаттне няезь: Моисеень шамац пиндолды. Эста Моисей вельхнезе шаманц вельхтердаса, мзярс тага изь сувсе Азорть мархта корхтама.
Глава 34