Выбрать язык
Книги Ветхого Завета
Книги Нового Завета
с русским текстом1 Кече йымалне мый вес орлыкым ужынам, тудым еҥ-влаклан нумалаш неле:2 Юмо айдемылан поянлыкым, погым да чапым пуа – тудын мо шонымыжо чыла уло, но Юмо тудлан чыла тидым кучылт илаш ок пу – тидым вес еҥ кучылт илаш тӱҥалеш. Тиде – арам, тиде – кугу орлык!
3 Кеч айдемын шӱдӧ йочаже шочеш, тудо шуко ийым ила да пеш кужу ӱмыран лиеш, но тиде сайлык деч тудо куаным ок нал да, колымекыже, тудым огытат тойо гын, мый каласем ыле: лугыч кудалтыме аза тудын деч пиаланрак,4 вет тудыжо арам толеш да пычкемышыш кая, тудын лӱмжым тӱп пычкемыш леведеш.5 Тиде аза кечымат ужын да пален огыл, но саде айдеме деч тудлан ласкарак.6 А тиде айдеме кок тӱжем ийым ила ыле гынат, нимогай сайлык деч куаным ок нал ыле. Пытартышлан коктынат ик верышкак огыт кай мо?7 Айдемын чыла тыршымыже – мӱшкыржым темаш, а шерже нигунам ок тем.8 Тугеже мо дене мунло еҥ ушдымо деч ойыртемалтеш? Йорло еҥ моло коклаште илен мошта гынат, тидын деч тудлан могай пайда?
9 Шукташ лийдыме нерген шонкалымешке, мо улылан куанен илаш сайрак. Тидат – чыла арам, тидат – мардежым поктылмо дене иктак!10 Чыла мо улылан лӱмым пуымо, да мо тугай айдеме – шукертсек палат. Шкеж деч виянрак дене тудо ӱчашен ок керт.11 Шомакын шукеммыж дене арамлыкат ешаралтеш. Айдемылан тидын деч могай пайда?12 Кӧ пала, айдемын илышыштыже, ӱмыл семын арам илен эртарыме кечылаштыже, мо тудлан сай? Да кӧ каласа айдемылан – тудын деч вара кече йымалне мо лиеш?
Глава 6