Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
97 Псалом
[Давидын] псаломжо.1 У мурым мурыза Господьлан,
вет ӧрыктарыше паша-влакым Тудо ыштен.
Тудын пурла кидше, святой куатше
конденыт Тудлан сеҥымашым.
2 Ончыктен Господь шке утарымашыжым,
шке чынлыкшым калык-влак ончылно почын.
3 Шарнен Тудо [Иаков деке] поро улмыжым,
Израиль калык дек ӱшанле улмыжым.
Мландын чыла тӱржӧ Юмынан утарымашыжым ужын.
4 Мландымбалне илыше-влак,
Господьлан куанен кычкыралза,
йывыртыза да мурыза!
5 Мурыза Господьлан кӱсле дене,
кӱслем шоктен, муро сем почеш моктыза!
6 Той пуч ден тӱкӧ пучын йӱкышт почеш
Господь Кугыжа ончылно куанен кычкырыза.
7 Тек теҥыз да тушто мо уло,
тӱня да тушто чыла илыше куанен лӱшкат.
8 Тек эҥер-влак совыштым кырат,
курык-шамыч пырля куанен моктат
9 Господь чурий ончылно,
вет Тудо мландым судитлаш толеш.
Уло тӱням тӱҥалеш судитлаш чын дене,
калык-влакым – чынлык дене.
Глава 97
