Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
81 Псалом
Асафын псаломжо.1 Юмо шогалын юмо тӱшка коклаште,
юмо-влак коклаште судым ыштен:
2 «Мыняр жап те эше чын огыл судитледа
да осал-влак велне лийыда?
3 Йорло еҥ ден тулык йочалан чын судым ыштыза,
пызырналтше ден незерлан чынлыкым ончыктыза.
4 Утарыза нужна ден йорлым,
осал еҥын кидше гыч шупшын налза».
5 Но нине юмо-влак огыт пале, огыт умыло –
коштыт нуно пычкемыште.
Мландын чыла негызше лӱҥгалтеш.
6 «Мый каласышым: кеч те юмо,
Чыла деч Кӱшылысын эргыже улыда,
7 но те еҥ-шамыч семын коледа,
тӧра-влак семын пытеда».
8 Кынел, Юмем, судитле мландым,
вет чыла калык Тыйын улыт!
Глава 81
