Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
74 Псалом
1 Хор вуйлатышылан. «Ит пытаре» семлан. Асафын псаломжо. Муро.2 Моктена ме Тыйым, Юмына, моктена,
вет мемнан деке Тый чак улат!
Ӧрыктарыше пашат-влак нерген еҥ-шамыч увертарат.
3 Каласенат Тый:
«Палемдыме жапыште Мый чын судым ыштем.
4 Чытырналтше кеч мланде да тушто чыла илыше,
тудым кучышо негыз меҥгым Мый пеҥгыдемдем.
5 Моктаныше-влаклан ойлем: ”Ида моктане”,
да осал-влаклан: ”Ида нӧлтӧ тӱкыдам.
6 Кӱшкӧ тӱкыдам ида нӧлтӧ,
вуйдам кӱшкӧ нӧлтен, [Юмо ваштареш] ида кутыро”».
7 Эрвел гыч огыл, касвел гыч огыл,
ир мланде гычат огыл айдеме чапым нӧлтымаш,
8 а Юмо – чылаштлан судья:
иктым Тудо ӱлыкшемда, весым нӧлта.
9 Вет Господьын кидыште тич темыме чаше,
тушто шоҥалтеш тамлештарыме
*а йошкар арака.
Тиде аракам Господь темкала,
мландымбалне илыше чыла осал еҥлан
тудын кучажымат йӱашышт логалеш.
10 А мый Иаковын Юмыж нерген ойлаш,
Тудым курымеш моктен мураш тӱҥалам!
11 «Осал еҥ-шамычын тӱкыштым пудыртем,
да чын ыштыше-влакын тӱкышт нӧлталтыт».
*а 74:9 Тамлештараш – приправлять. Йошкар аракам тӱрлӧ приправе дене тамлештареныт.
Глава 74
