Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
57 Псалом
1 Хор вуйлатышылан. «Ит пытаре» семлан. Давидын возымашыже.2 Судья-влак, чыным ойледа мо,
айдеме эрге-шамыч, чын судитледа мо?
3 Уке, шӱмыштыда осал шонымашым нумалыда,
тендан кидда вес еҥ-влакым темда.
4 Шочмышт годсекак йомын коштыт осал еҥ-влак,
ава мӱшкыр гыч лекмекак, чын корно гыч кораҥын, шояклат.
5 Аярышт нунын кишкын гай,
соҥгыра шемгишкын гай,
кудо петыра шке пылышыжым
6 да кишкым юлен туныктышын йӱкшым ок кол,
кеч-мыняр устан тудыжо юла гынат.
7 Юмем, умшасе пӱйыштым шалате,
Господь, нине лев-влакын оҥылашлуштым шалате!
8 Тек нуно вӱд йоген кайыме семын йомыт!
Кунам Юмо чымалтара шке пикшыжым,
лийыт нуно сӱмырен кудалтыме.
9 Тек нуно коштшыжла тазылашукш семын кошкат,
лугыч лийше аза семын огыт уж кечым.
10 Подышт-влакын йӱлышӧ шуанвондо шокшым шижын шуктымешкышт,
нуным, ужаргым але когаргышым, тек пӧрдшымардеж наҥгая.
*а11 Нунылан ӱчым шуктымым ужмеке,
чын ыштыше айдеме йывырта,
йолжым мушкеш осал еҥын вӱрешыже.
12 Тунам еҥ-влак каласат:
«Чын ыштыше айдемылан суап лиеш!
Уло Юмо, мландымбалне судитлыше!»
Тау
*а 57:10 Еврей текстыште тыште мом возымым умылаш неле.
Глава 57
