Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
53 Псалом
1 Хор вуйлатышылан. Кылан семӱзгар дене. Давидын туныктымашыже.2 Тудым Давид зифей-влакын Саул деке толмышт да «Давид мемнан дене шылын» манмышт деч вара возен.3 Юмем, лӱметын вийже дене мыйым утаре,
шке куатет дене мылам чын судым ыште!
4 Юмем! Кол мыйын кумалмем,
умшам гыч лекше мутым колышт,
5 вет йот еҥ-влак ваштарешем шогалыныт,
чаманыдыме-шамыч мыйым пуштнешт –
уке нунын ушыштышт Юмо.
6 Но Юмо мыланем полша,
Господь чонем пеҥгыдемда.
7 Тушман-влакын осалыштым Тудо вуй ӱмбакышт пӧртылта.
Шке чынлыкет почеш нуным пытаре.
8 Шке кумылын Тылат мый надырым кондем,
Господь, Тыйын лӱметым моктем,
вет тудо поро.
9 Тый мыйым чыла ойгем деч утарышыч,
тушман ӱмбаке шинчам куанен онча.
Глава 53
