Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
46 Псалом
1 Хор вуйлатышылан. Корей эрге-влакын псаломышт.2 Совыдам кырыза, чыла калык,
Юмылан йывыртен кычкырыза!
3 Вет Чыла деч Кӱшылысӧ Господь лӱдмашым луктеш,
Тудо уло мландылан кугу Кугыжа.
4 Калык-влакым Тудо мемнан кидыш пуэн,
тукым-шамычым йол йымакына пыштен,
5 мыланна мландым ойырен налын,
йӧратыме Иаковшын кундемжым пуэн,
кудыж дене тудо кугешнен илен.
6 Йывыртен кычкырыме годым Юмо престолыш шинче,
пуч пуымо йӱк дене Господь кӱшкӧ нӧлталте.
7 Мурыза мемнан Юмылан, мурыза,
моктыза мемнан Кугыжанам, моктыза!
8 Вет Юмо – пӱтынь мландын Кугыжаже,
муро дене Тудым чапландарыза!
9 Юмо – чыла калыкын Кугыжаже,
шке святой престолышкыжо Тудо шинчын.
10 Авраамын Юмыжын калыкше деке
калык-влакын онышт погыненыт,
вет мландысе вуйлатыше-влак
*а Юмын улыт,
Тудо нунын дечын кӱшнӧ!
*а 46:10 Вуйлатыше-влак – але: авыртыш-влак.
Глава 46
