Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
39 Псалом
1 Хор вуйлатышылан. Давидын псаломжо.2 Господьым мый вучен иленам,
да Тудо мый декем лап лийын,
полышым йодын кычкырымем колын.
3 Луктын мыйым шучко вынем гыч,
лӱҥген шинчыше лӱкӧ куп гыч,
йолем кӱ курык ӱмбак шогалтен,
йолтошкалтышем пеҥгыдемден,
4 у мурым умшашкем пыштен –
мемнан Юмыланна моктеммурым.
Шукын тидым ужыт да лӱдыт,
Господьлан инанаш тӱҥалыт.
5 Пиалан тудо айдеме, кӧ Господьлан инана,
кӧ кугешныше, шояк корныш шогалше дене ок ушно.
6 Господь, мыйын Юмем!
Шуко Тыйын ӧрыктарыше пашат,
мемнан шотышто мом ышташ шонымет!
Мый нунын нерген увертарынем ыле,
но ок лий нуным шотлен пытараш.
Кӧ эше Тый гает уло?!
7 Надыр ден пӧлекым Тый ынет нал,
йӱлалтен пуымо вольык ден сулык верч надырым йодын отыл,
но мылам колын кертше пылышым пуэнат.
*а8 Тунам каласенам: теве мый толынам,
книгаште мыйын нергенем возымо.
9 Юмем, мый Тыйын шоныметым шуктынем,
Тыйын законет мыйын шӱмыштем.
10 Кугу погынымаште Тыйын чынле улмет нерген увертаренам,
ойлымем мый чарнен омыл –
Господь, Тый тидым палет.
11 Тыйын чынле улмет нерген шып лийын омыл,
ӱшанле улмет да утарымашет нерген мый ойленам.
Тыйын порылыкет ден йӧратымашет нерген
кугу погынымаш ончылно ойлыде кодын омыл.
12 Господь, порылыкетым ит нал мый дечем,
тек Тыйын чаманымашет ден чынет мыйым шогат арален.
13 Шотлен пытарыдыме ойго мыйым авырен,
сулыкем-влак мыйым поктен шуыныт,
нимом мый ужынат ом керт.
Титакем-влак вуйысо ӱпем деч шукырак улыт,
шӱмемым лӱдмаш авалтен.
14 Поро лий, Господь, утаре!
Господь, мылам полшаш вашке!
15 Чонемлан колымашым кычалше-влак чылан
тек вожылыт да намысыш пурат!
Мыланем осалым шонышо-шамыч
тек мӧҥгеш савырыме да воштылчыкыш лукмо лийыт!
16 Мыланем «Тыгак кӱлеш! Тыгак кӱлеш!» манын ойлышо-влак
тек намысыш пурымышт деч ӧрткат.
17 Тек Тыйым кычалше-влак чылан Тылат куанен йывыртат,
Тыйын утарымашетым йӧратыше-влак чарныде ойлат:
«Господь кӱдыратле!»
18 Мый улам незер да йорло,
но Господь мыланем полша.
Тый мыйын полышем, утарышем улат!
Мыйын Юмем! Тол, ит шуйкале.
Тау
*а 39:7 «Мылам колын кертше пылышым пуэнат»: Септуагинтын южо кидвозышыштыжо «мылам капым ямдыленат».
Глава 39
