Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
32 Псалом
[Давидын псаломжо.]1 Чын ыштыше-влак, Господьлан куаныза!
Чынле-влаклан Господьым мокташ келшен толеш.
2 Моктыза Господьым лира дене,
мурыза Тудлан лу кылан кӱсле дене!
3 Мурыза Тудлан у мурым,
шоктыза моторын, кугу йӱкын куанен!
4 Вет Господьын шомакше чын,
Тудын чыла пашаже ӱшанле.
5 Господь йӧрата чынлык ден чын ыштымашым,
Тудын порылыкшо дене мланде темын.
6 Господьын шомакше дене кава шочын,
чыла, мо тушто уло, Тудын умша шӱлышыж дене ышталтын.
7 Кугу ора семын Тудо теҥыз вӱдым поген,
пундашдыме вӱдым аралыме верлашке пыштен.
8 Тек уло мланде Господь деч лӱдеш,
тӱняште илыше-влак ончылныжо чытырат.
9 Вет мом Тудо каласен – тидак ышталтын,
Тудо кӱштен ойлен – тыгак лийын.
10 Господь калык-влакын шонен пыштымыштым,
тукым-шамычын шонымыштым шалата,
[тӧра-влакын каҥашыштым укешке луктеш].
11 Господьын пунчалже курымашле,
мом шонен пыштымыже тукым гыч тукымыш кодеш.
12 Пиалан тудо калык, кӧн Юмыжо – Господь,
пиалан тудо тукым, кӧм Тудо Шкаланже ойырен налын.
13 Онча Господь пылпомыш гыч,
чыла айдеме эрге-влакым ужеш.
14 Шке престолжо гыч, шинчыме верже гыч,
Тудо мландымбалне илыше-влак ӱмбаке онча:
15 чыланыштын шӱмыштым Тудо ыштен
да нунын чыла пашаштым пала.
16 Кугыжам кугу сарзывийже ок утаре,
патырым кугу куатше ок арале.
17 Имне сеҥымашым конда манын, ӱшанаш огеш кӱл,
тудын кугу вийже ок утаре.
18 Господьын ончалтышыже – Тудын деч лӱдшӧ-влак ӱмбалне,
Тудын порылыкшылан инаныше-влак ӱмбаке Тудын шинчаже онча.
19 Нунын чоныштым Тудо колымаш деч утара,
шужымаш годым илен лекташ полша.
20 Мемнан чонна Господьым ӱшанен вуча,
Тудо – мемнан полыш ден аралтышна.
21 Тудлан куана мемнан шӱмна,
святой лӱмжылан ме эҥертена.
22 Тек порылыкет, Господь, лиеш мемнан ӱмбалне,
вет ме Тылат эҥертена.
Глава 32
