Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
15 Псалом
Давидын мурыжо.1 Арале мыйым, Юмем,
вет Тыйын полшыметлан ӱшанен илем.
2 Мый Господьлан каласенам:
«Тый мыйын Озам улат,
Тый дечет моло мыйын нимо сайжат уке».
3 Мландымбалне улшо святой да суапле-влак гына
мыйын чонемлан куаным кондат.
*а4 Кӧмыт вес юмо дек каят, нунын орлык шукемеш;
вес юмылан вӱр надырым мый ом йоктаре,
вес юмо-влакын лӱмыштым ойлаш умшамым ом поч.
5 Господь – мылам палемдыме ужаш, мыйын йӱмӧ коркам.
Мыйын шеревам – Тыйын кидыштет.
6 Мыйын межам чапле верла гоч колтымо,
да мылам логалше мланде пеш сӧрал.
7 Ой-каҥашым пуэн шогышо Господьым моктем,
эсогыл йӱдым кӧргыштем туныктымыжым колам.
8 Господьым эре шке ончылнем ужам,
мый пеҥгыдын шогаш тӱҥалам,
вет Тудо – мыйын пурла могырыштем.
9 Садлан шӱмем куана, чонем
*б йывырта,
ӱшанен вучен, капем тыныслын ила.
10 Вет Тый чонемым вес тӱняш от кодо,
шке святоетлан шӱйын кияш от пу.
11 Тый илыш корным ончыктет мылам:
ончылнет – кугу куан,
пурла велыштет – курымаш пиал.
*а 15:3 Еврей текстыште тыште мом возымым умылаш неле.
*б 15:9 «Чонем» – Еврей текстыште ’чапем’.
Глава 15
