Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
13 Псалом
Хор вуйлатышылан. Давидын псаломжо.1 Ушдымо еҥ шке семынже шона: «Юмо уке».
Тыгай еҥ-влак пужленыт, нуно йырнык пашам ыштат,
коклаштышт порым ыштыше уке.
2 Пылпомыш гыч Господь айдеме эрге-влак ӱмбак онча –
уло мо шонен моштышо, Юмым кычалше?
3 Но чыланат кораҥыныт, чылан йӧрдымӧ лийыныт;
уке порым ыштыше, иктат уке.
4 Нимат огыт умыло мо осалым ыштыше нине еҥ-влак,
мыйын калыкемым киндым кочмо семын кочшо
да Господьын лӱмжым ӱжде илыше-влак?
5 [Тудо верыште, кушто лӱдмаш уке,]
нуным пеш кугу лӱдмаш авалта,
вет Юмо – чын ыштыше-влак дене.
6 Незер еҥын вучымыжлан те воштылыда,
но полышым тудо Господь деч ӱшанен вуча.
7 Сион гыч Израильлан утарымаш толжо ыле!
Куана Иаков, Израиль йывырта,
кунам Господь пленыште улшо калыкшым мӧҥгеш пӧртылта.
Тау
Глава 13
