Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
131 Псалом
Кӱзымӧ годым мурымо муро.1 Господь, шарналте Давидым,
тудын чыла орлыкшым.
2 Тудо Господьлан товатлен,
Иаковын куатан Юмыжлан мутым пуэн:
5 «Господьлан верым,
Иаковын куатан Юмыжлан илемым мумешке,
3 мый омашышкем ом пуро, вакшышкем ом воч,
4 ом пу шинчамлан омым,
шинчагомдышемлан – нерымашым».
6 Теве ме Ефрафаште ойпидыш шондык нерген колна,
Иарим нурышто тудым муна.
7 Каена Тудын илыме верышкыже,
Тудын йол шындыме верже ончылно вуйнам савена.
8 Кынел, Господь, шке илыме верышкет тол –
Тый да Тыйын куатетын шондыкшо.
*а9 Тек иерей-влакет чынлык дене вӱдылалтыт,
ӱшанле еҥет-шамыч куанен кычкырат.
10 Давид тарзетлан кӧра
шке шӱрен палемдыметым Шке дечет ит кораҥде.
11 Ӱшанле товатмутым Господь пуэн Давидлан,
шке мутшо дечын Тудо ок кораҥ:
«Тыйын тукымет гыч лекшым Мый престолышкет шындем.
12 Тӱҥалыт гын эргыч-влак шуктен шогаш ойпидышем,
нуным туныктымо сугынь-влакем –
тунам нунын эргыштат тыйын престолыштет
шинчаш тӱҥалыт курымеш».
13 Господь ойырен налын Сионым,
ышташ шонен тудым шке илемжым:
14 «Тиде – мыйын курымешлан илыме верем,
тыште илаш тӱҥалам, чонемлан тудо келша.
15 Кинде перке дене тудым суапландарем,
йорлыж-влакым теммеш пукшем,
16 иерейже-шамычым утарымаш дене вӱдылам,
тудын ӱшанле еҥже-влак куанен йӱкланат.
17 Тушто Давидын тӱкыжым нӧлталам,
шӱрен палемдымемлан лампым чӱктем.
18 Тушманжым намыс дене леведам,
а тудын вуйыштыжо кугыжан вуйшӱдыш йылгыжаш тӱҥалеш».
*а 131:8 «Куатетын шондыкшо» – ойпидыш шондык, мутерым ончо.
Глава 131
