Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
126 Псалом
Кӱзымӧ годым мурымо муро. Соломонын псаломжо.1 Господь ок ыште гын пӧртым,
тудым чоҥышо-влак тыршат арам.
Господь ок арале гын олам,
оролын чарныде оролымыжо арам.
2 Арам те эр кынелыда да йӱд марте шинчеда,
неле паша дене ыштен налме киндым кочкыда –
вет Господь йӧратымыже-влаклан мо кӱлешым
малымышт годымат пуа.
3 Йоча-влак – Господьын пуымо суапше,
авагудын саскаже – Тудын деч пӧлек.
4 Самырык годым шочыктымо эрге-влак
виян сарзын кидыштыже улшо пикш гай улыт.
5 Пиалан айдеме, кӧ нунын дене шке пикш лодакшым темен!
Ок пуро тудо намысыш,
кунам тушманже дене ола капка воктене кутыра.
Глава 126
